بداية مساجلات الزامل

[مرعي بن صالح بن سميدع]

بدع مرعي بن سميدع

ياهاجسي ذلحين في وقت الطلب=اسال على طالب وهت اعلومـه
اسال عليه اليوم قلي وين هـب=يطعن بقصبي حدهـا مسمومـه
شف مصر واسرائيل وابلاد العرب=والشرق الاوسط كلها منظومـه
واجيوشها توقف مع كل من غلب=واشعوبها من حقهـا مظلومـه

**********************************
جواب طالب باتيس

انستنـا وارحبـت ياذيـب الذيـب=احقوقنا من سمح هـي مهظومـه
والقائد العربـي يفـرت عالشنـب=وان حنت الرعدان تقطب سومـه
وان حد ركز راسه ولاجاء عالطلب=البيـت لبيـض بيقطـب حلقومـه
هذا كلام الصـدق مافيـه العتـب=وشعوبنـا لاعدائهـا محكـومـه

**************************************
جواب طارق بن حيدره

يقول طارق حس عظمااني حطـب=ماعاد قامت للعرب شـي قومـه
ياهاجسي ماليوم جا وقت الطلـب=هت لي معااني وافيـه مزمومـه
يا مرحبا بالشعف عد مالنود هـب=وعداد مالصايم دعى في صومـه
شاعر وفي صف الاوائـل انكتـب=لله دره مــا تـقـل اعـزومـه
ياصاحبي خـل الملامـه والعتـب=من نـام خلـه يهتنـي بحلومـه
مادام حبل الجبر يا خوي انقطـب=انتـه وانـا بنحـرر القيصومـه
مرعي وصل جاب الجواهر والذهب=والماس والياقوت وسط اهدومـه
غيب علينا هكذا ما شـي سبـب=ماهو سوى دايم وهو فـي نومـه
يا مرحبا به عـد مالكاتـب كتـب=صاحب وفي 0 مبعد نسيت اعلومه
ونظرت بو طارق تحـزم بالسلـب=ان شي خطا بيصحـح المعلومـه
يوخذ ويعطي دايما عنـد الطلـب=حتى ولو جارت عليـه اهمومـه
باتيس نايف شب فوق النار شـب=الخصم بايمسكـه مـن حلقومـه
يرسل بيوتـه كنهـا كيـر اللهب=باتحـرق الفيـروس والجرثومـه
والشيخ طالب شفت في فعله عجب=قايد وتلمـع عالكتـوف انجومـه
خاض المعارك ما تعـذر بالتعـب=لكن من بعـض الجفـا بالومـه
والقصد يالشعار شوماشي سهـب=لا ما انتكس ابليس عـا درثومـه
لا مارجع مثناتنـا صقـر العـرب=من شان نوهد من زعيق البومـه
مابي قهد مادام فوق النـاس رب=كلن في الدنيـا يشـل مقسومـه

*
*********************************

[حد من الوادي]

[color=000000م


مرحيب بالشعاركل حامل سلب = اهل الزوامل كلها منضومه
اهل الشروع الوافيه اهل النسب= ماحدمقصرفي حساب اخصومه
كلين خذ حقه وقسمه قد كسب = كل من حضرعالوعدمابالومه
الوقت هذاو قتهم كل من حسب= طلع موازينه وجت مخصومه
ماحد يحمل حمل زايد عالسهب = وان قد حجزكن عدهامصرومه
من خب ياصاحبي بيجيه التعب = والحرب اسبابه لنا معدومه

[
/color]
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااا

[طلال بن قفله]

صدقتوا يالشعار ما قلتوا وجب=
=لاكن من يسمع الكل غارق في نومه
عداء زمان اول ذاك كنا ذهب=
=لما كان الدين حاكم في قومه
كنا خيار الناس عزه في النسب=
=لا قتلت لنا ناقه نسويها خصومه
ماحد يتجرى يسرق بس حطب=
=واليوم راحت ارض والكل في شحومه
ما عاد فيه غيره ولاحد يحتسب=
=الكل صار خايف من الغربي سمومه
حاكمنا واقف كا نه كتب=
=والاقل ريموت يلعب به خصومه

[مجمل]

قلام جزل من شعار كبار عوده حميده يابن عبـــــــــــــــــــــــد بارك الله فيك

[مرعي بن صالح بن سميدع]

شكرا اخي مجمل (أبو عبدالله) على مرورك الكريم وانشاء الله سوف نواصل المشوار معكم والمعذرة في الغياب

شكرا اخواني حد من الوادي و بن قفله على رودكم ومشاركاتكم النيرة التي استضاءت بها سقيفتنا الغراء

[علي بن طالب الحامد]

حيا وسهلا قال بو طالب وجب = لاهل الادب با قدم التقدومه
شعار كلن سال معيانه وصب =مثل الكرع صبوه فوق عتومه
حد منهم يشكي من احوال العرب =وحد يشتكى الحكام وكل احكومه
صدقوا وماحد في الذي قاله كذب=حاشاهم وكلن صادقات اعلومه
وبعد يالهاجس بالذي عندك كتب=ماشي على الشعار من تحرومه
هت لي من البصره اخبار العجب= وان زرت بغدادهت لنا معلومه
حره نجيبه كلب نجسها الذنب= ماحد بني العباس يا المكلومه
المعتصم ذي دك عموريه وهب= يحمي شرفهاباافعاله المعصومه
مات ولاحد بعد بن هاشم انتصب =عملاء النصارى دوب افعالهم مشؤمه
والعفو منكم كير في جوفي لهب=على العرب اصبحت افعالها مذمومه

[علي فدعق الهاشمي]

مرعي بن سميدع

عوده حميده والعود احمد

وصح الله لسانكــــــــــــ وقلبك على الابيات المتميزه

وصح الله لسان كل من تكرم بالرد من الشعراء الافاضل .

ومايصح الا الصحيح

كل التقدير لشخصكـ الكريم

دمت بود

[مرعي بن صالح بن سميدع]

احناطلعنا عالمنابر للخطب =نمشي على خطه لنا مرسومه
وزاد بن هاشم كتبها بالذهب =كلمات للعاقل تجي مفهومه
ماهو من اهل الحقد او اهل السبب =سيد وكل سيد يشرف قومه
والفخر بك يلهاشمي زين النسب =جبت القوافي كلها محكومه
واليوم يالشعار بطلبكم طلب =لبغا قوافي زاهيه منظومه
لتسيبون الشعر في صحراء النقب =هاتوادواسر لثقل صمصومه

[علي بن طالب الحامد]

حيا ببو فيصل عد ماكاتب كتب= وعد ماقاري قرا برسومه
وعد ما طلعت البيضاء والنود هب= وعد مالاح بارق في سحب مركومه
وبعد يالمعتني قم الى شيخ الادب=ابن السميدع خطته مرقومه
جاب الدرر فيها مع العلم انكثب=يا الله تبلغه مانواه ويرومه
ماشي عليكم زود يا اصل العرب=اهل اليمن افعالهم محكومه
من ذي نشوفه وابو فيصل غلب =يالله نشارك في دررمنظومه

[الوزيري]

قال الوزيري لاجل مرعي ماغلب=ينثر قوافي حاكمه معلومه
ترحيب بك يانجم صيتك ماغرب=مابين حذاق العرب واغلومه
باصبلك فيجان واقلط عالرطب=لي من نخيل الغيل فوق اعتومه
انستنا وارحبت من صافي شرب=ماعندنا شي بايتي في حومه