الاخوه الكرام
السلام عليكم ورحمة الله وباركاته
يسرني ان اكتب بعض من قصائد الاجداد واحفادهم من شعرا السقيفه
وسنبدا بالكتابه عن بعض الشعراونرجوا من الاخوه الحلان ان يكتبون مالديهم من قصايد للجداد والاحفاد
وسنبتدي باجداد شعرا هذا المنتدى واحفادهم مثل
بن عكعوك وبوراضي وبن سميدع ومجمل والقحم ومبروك بن ماضي
الشاعر صالح بن عكعوك بن غانم بن حيدره (بن عكعوك الاول )
ابداء بمن قلل البيضاء على المقتار=والشهر بيد الاله الواحد الوحدان
ولسأله العفؤ ولمسي سعفة الاخيار=ولدخل الباب لعلاء عند حور العين
والناس حد منهم فائد وحد خسار=ذلا على جبهة الدنياء كما الطرشان
والفائده من وقف عالخمسه السنجار=وقام بالحق عالمكيال والميزان
واهل الرباء والمصائب يكسبون النار=ويخربون الخوارس هي ويا لوثان
والبارح القول بيتني على لشوار=في بحر ستين قامه يروي العطشان
وقلت حياء وسهلاء شي من الاخبار=وقال ماشي خبر مشهور في الوديان
عاده خبر في المخارم بينهم يندار=لا شذرت في المطارح قرنوا الثيران
وان حد يباء له شف بايسلمون اهجار=من سكة الناصريه تطمع الهبلان
والناس عابوا يبون الا الرصاص الحار=والا حمه من حوارش تصلب العظمان
لا جاك واحد يبيع الصدق بالدينار=قالوا كلامه ذهب عاد الذهب يختان
وان جوا يبون السويه كثروا لشوار=وامسوا كما بل رمله مالهاء رعيان
وامسيت وحلان لما ناموا السمار=والناس ناموا وبو يسلم مسى قهدان
سوس وهدم وجبت العطف والجرار=من يوم كثروا نجرها خربت العيدان
من جاء معه طبل جاء لاخر معه مزمار=واهل العنافيط كلا منهم حمسان
كلن يبا الفيد حد يركض وحد سيار=حد منهم داخل الجوبه وحد بيحان
لاتسهنونه عسل شواء ذاء صبر صبار=لاقد شريته يوقع عالكبد رشان
وبعد يالمعنىسوق عالخوار=حر ابن حره ترعى وادي الغزلان
ملقي له الشد مابسنا على لبرار=ولا لسوقه قداء القبله مع الطرشان
اطرح عليه الزيادي والغرض طيار=شفهاء طريقين واعبر به على ليمان
عالمصنعه غلبها نايف على لصبار=لاعند سالم وربعه حيث هم حلان
وقله ان الطماعه قللت لسعار=كلن يبا عند سوق اللول والمرجان
لكن يالله بعوده والجهام احتار=ويبسط الخير في الصيطان والوديان
واهل الخدم في الحراثه حصلوا لثمار=كل من صرب له ملاء خاذه ضوى قنعان
ولحمة الضيف بين الكلب والجزار=وبلقصير يشل قسمه وبن قيران
والبنت لي لبسهاء بالي ثنعشر وار=ذي تلبس الا حرير اخضر من الميدان
مااليوم متمرده فيها الرذل والعار=تقمس وقد لحمهاء سد العرب عريان
ندروا بها ازواف لما حوطة الهدار=بن حيدره وبن شحبل وبن قربان
ونهد زقلوا بها في غبة الابحار=وتقنعوا منها شبان والشيبان
والصاعري القوا سلبهم من عضاء لشجار=والقوا محابيس بن ماضي وبن شملان
واعبيد صالح كفلهاء منها واعتار=وشلها يومها في موهد العيدان
في الغرفه القاء لها روشان راس الدار=والقاء لهاء خرج صافي من عسل جردان
ومشوكه للبنادق صنعة البيطار=لا تقابلوا في المراتب كنهاء عظمان
وقال مابعتشر للكاف والمحضار=مافزعته القنابل ذي كما الرعدان
القاء مشاويف تضرب عجلة الفرار=كل يوم والضرب من راس الجبل حنان
يستاهل المال ذي يملكه في الجرار=ذي صار له صيت من سيحوت لا حبان
واتخابروا به بالندن زمرة الكفار=والشام والهند ذي فيهاء الدول حلان
غناء له العذب ذي يرعى مع لصبار=وزيد غنن له بنات البدو في سيبان
وانا وقولي لغني له مع السمار=لاتجمعوا كل عاشق في وصر طيبان
وبن حسن بايغني له وبالشوار=وزيد غناء له العصار في جردان
والفي صلاتي عدد مادونعة لثمار=وعد ماتنبت الاشجار في الخليان
على حبيبي محمد مكرم الزوار=يابخت ذي هم على جال الحرم حلان
************************************************** *************************
************************************************** *************************
الشاعر يسلم بن صالح بن عكعوك بن غانم (بن عكعوك الثاني )
طلبت الواحد الفرد هو رب العبادي=وعلام السراير ولا فالكون يخفاه
انا اترجاه رب القدر يبلغ مرادي=ولا حد لي في الارض يعصمني من الله
خطايا لي قديمه تسهرلي رقادي=اذا تذكرتها يعتصر قلبي مع احشاه
إلـهي لا تخيب رجا من هو ينادي=تخفف له ذنوبه وتغفر له خطاياه
انا تايب لوجهك وانا ضاعف جهادي=جهاد النفس من كل خطا يثر معاناه
يجرح لي ضميري ويعمل لي سهادي=ويدخلني لإيا عمل مالي ولياه
وتاقيني بسترك من اعمال الاعادي=تشمت في من دون يسلم ذنب سواه
ذنوبي كلمة الصدق تصدر من فوادي=وسطرها لمن يستمع لي موجب ارياه
يترجمها يشل منها بعض المبادي=وذي هو عيف يرميه با يلحقه مولاه
ترا فالناس جيد ويعرف كل قادي=وفيهم شين واعمال له تخلف نواياه
وفيهم صقر كاسر يظل رايح وغادي=يجوب الجو مخلبه دامي من ضحاياه
يروم الا العلا ما يفكر فالبعادي=وذي عنده في الوكر ما يلقيهم اعداه
فيين اهل الشيم ذي كما قدح الزنادي=رجال الهوبره يهدمولك كل مرباه
بنص اليل حسيت في ذهني منادي=حلمت ابوي يهري علي وتأشر آداه
وهاذا حلم مثر علي اوفعتقادي=يباني جيه وترك محل هو فيه خلاه
وسكّن من غثاها ترك شربي وزادي= وخليها لمن هو بها طربان تهناه
علي والدي فزعان من عثرت جوادي=يجيني لوم بعد الشرف ذي قد كسبناه
على سمعتي مختاف تحداها حوادي=ويعرف كل شاني وقد نفسه معباه
بكل الحقد وجهه موشح بالسوادي=قليل الخير ذي عام لول كنت نوياه
يبا الزايد وراسي غلب ميمد قادي=وعاد العظم صاحي قبل ميجيه ما جاه
وقبل الموت بطفي جمر تحت الرمادي=تنازلنا من التيس له عط وه معا الشاه
ولا برجع كما با بريجه فالبلادي=تقبّول له على بوه كسر له ثناياه
************************************************** *****
************************************************** *****
الشاعر صالح يسلم بن عكعوك بن غانم (بن عكعوك الثالث )
ســـهران ما نمت واهل المـمـلكه نايـمين=حد بايـساعــده بو نـشـوه ضـناه الـــسهــر
لانامو الــناس بن غــانم يــبـيـت حــزين =خفو علينا شوي ياضـالـمــيـــن الـــبــشر
هذا من الله خـــلا كـلــشي فــيــك زيــــن = مافيـه داعي تكــبـر ياحـــسين الـنضـــر
صحيح اناحضرمي وانته سعودي يـقـيـن = لنك سـعودي تــبـاني داــيمن في كــــــدر
لايفـتـهم لــك غـلـط نحن الــعرب لــولين = نحن الحضــاره ونحن الي نقص ال اثـر
منــشان تعريف و الا اصل متـفاهـمـــــن =وسط الجزيره ولا ظن حد بسطح القـمـر
مسكــني رخـــيه حمــيناه مــن الـضالمين = فل عطفه العاصيه عطفت وعول النتــر
ذي يــقهرون الـــعدوفــل حرب متـفوقـن = للخلف ماعـــندهم حـــنان ولا انــكــســر
هم راس مالي وهم لي حصن عالي زبـن = وهم كنـاني متى ماحـط مـزن الـــــمطــر
ذي يرعضون السيول الكابـره داهـلـيـــن = يتعرضون الغــوارب لا قـد اســيل مــــر
مادام خــيـرتـنـي صافـحـتـني بـلـيـمـيــن = بطلعك ضهر الكروزرماتشوف الكــــفــر
من الوكـالـــه وبمــشي به مــيه واربعـين = في عشر ساعه وزلينا حدود الخــــــطــر
با تـد خل العــبر حيـث البدو متواجد يـن =فلله بنزين ول وضع الخطير اســــــتقـر
عبره بلــقايــمه كـثـبـان فــيــها وطــيـــن = مايحسب ارمل مثل اضبي روس اشحـر
بدخــلـه رخيه حدوداهل اسلب عاصيـين =على اشحابل سلامي عـــشره الاف كـــر
مر ع الـبـلـيـث ذي فـلقـبـوله مـاهـريـــن = ذي قنصو الوعـل باقشعه جـليل الـــعجر
برمي علـوجه وربـعي كـلهم حاضـريــن = بدخل عليهم مع المغرب قريب الســـــمر
عشرين مخزن وبات الدقم ملقي حنـــين = ميشان باينشد الحاضر وذي ماحضـــــــر
بسكن بلادي ورزقي بايجي يافـطـيــــ،ن =ماحد من الجوع قالو مات والانـتـحـــــــر
اختم صلاتـي على ذي يرشد المسسلمين = عساه يشفع لنا من هــول وادي سـقـــــــر
محمد المصطـفى واصحـابـه اتابـعـيـــن = ذي قامو الدين في روما وشرق الـمـجـــر
************************************************** ******************
************************************************** *****************
الشاعر سالم بن محمد باتيس النعماني ( ابوراضي الاول )
************************************************** *********************
قال المعنى في الداجي فقد رشده=قاسى شدايد وغيظه بالحمق مكظوم
لاعتم الليل بوراضي يجر قهده=ساعه تقلب على جنبي وساعه قوم
يالله عسا اللطف لي من واسع المده=ضني ومشكاي لك ياحي ياقيوم
ذبتني اشواق من ذي قد فرق خده=وفي جبينه كتاب الفارسي مرسوم
اهيف ترف له شرف مايختلف وعده=والغره الباهي مثل القمر مقسوم
وتقول كفلت شبك لاقد نسع جعده=يغذاه بلمسك والعطر الشذي المشموم
واعيان حور الحدق تقتل بلا هده=كل من نظر لمحت اعيانه ضوى مغروم
والخشم منصوب كأنه سيف في غمده=والعذب بين الثنايا يشفي المسقوم
وكعوب حفّل كما الرمان في وهده=والصدر ميدان للظمّر تجي زمزوم
والبطن طاقه حرير اخضر من الكده=اصلي من العال جاء من مصر وارض الروم
والخصر كأنه لبو يدرج على الجده=وتقول ثعبان ذي هو بل حمه مسموم
والعجز مركب منول لاقدا جده=خاض القلازم وبحر الهند والفيوم
في خنه الخمر يسكر من بلغ عنده=افيون مفنون فيه الطب للمحموم
سيقان فيها الهلب شده قفاء شده=واقدام لاديعوا وداي ضوى مرحوم
ياهركلي يارضي ياخيل في قنده=يافايق الغيد ياخرعوب يامهضوم
سالك بخير الوراء عبدك يصل قصده=عالباب واقف ولا هو في الهوى مليوم
القصد قصده ولا بايختلف وعده=مازال عاد النسم يجري في الحلقوم
انه يباء مال بالعطيه لايده=بعطيه جاوه ومسقط والحبش والروم
وارض الاروبه وباريس الذي سده=واراض مدراس ذي فيها خزين القوم
والصين والشين والبصره مع صعده=والهند والسند هو والشحر ذي محكوم
والفين مهره تربت داخل البصره =والفين بكره عندي في العدد ملزوم
والفين ميزر جرامل ذي لها رده=والفين ميزر جرامل عالمقص محكوك
هذا في المهر والتقدوم بامده=الاف واكرور من جنه الذهب مختوم
وقهوة الخال يوخذ عطفة الجعده=وارض الكثيري ويوخذ صاط باكرشوم
هذه ملاكه وبلقي فوقها بنده=والناس في خدمته راضي وحد محتوم
وانه يباء السيد بوراضي يقع عبده=باسير في الامر من تحت الطلب محكوم
والختم صلوا على من لانبي بعده=صلاه تغشى ضريح الهاشمي المعصوم
والال والصحب والنورين من بعده=وعمر وبوبكر عندي في العدد ملزوم
والرابع الشهم لي سيفه روى حده=واهل المدينه ومن هاجر معه في القوم
************************************************** ****************
************************************************** ***************
الشاعر طالب بن حسن باتيس النعماني (ابوراضي الثاني)
************************************************** ************
************************************************** ************
قال ابوراضي هـــــلاء بك ياهلاء =ياحياة القلـــــب من بعـد الهلاك
مسكنك في العين ياسيد الملاء =ياملك قلبــــــي ويااغـــــلاء ملاك
مرحباء بك يالذي جبـــــت الدواء =خاف صوب القلب بيفــــيده دواك
بعد ماسمحت ضـــــروفك باللقاء =اللتقيناء رغـــــم لي منعوا لقـــاك
بان ضؤ البــدر في كبد الســــماء = واللتقاء نجم الثــــرياء بالسمـــاك
وختلط فالعشق صبحي والمساء =بعد ماقد قلت لي يسعد مساك
اسألك بالله ترمي بالغطـــــــــــاء =مبسمك براق يلمــــع من غطاك
انت هذا اليوم قد المســــــــتواء =فوق كل الناس عالي مســـتواك
اجتمعناء عالمحبه والصفـــــــــاء =واصطفيناء كلناء ساعة صفـــــــاك
تكفي العاشق فقط كلمت رضاء =تضحك الدنياء معي ساعة رضــاك
من فراقك حس طرفي ماهـــداء = يالمحب عودت ربي قد هــــــــداك
ايش هذاء الود كله والغـــــــــلاء =حس مافي الكون يغلاء من غلاك
لوبغيت القلب عاشـــــــانك فداء =شل قلبي قال بوراضــــــي فداك
الشاعر احمد بن سالم بن عبد بن سميدع (بن عبد الاول )
************************************************** ***************
ببداء بذي في سماه الشمس منصوبه=تشرق وغابت ولما الصبح لاقد بان
لايالله اطلبك واعط العبد مطلوبه=يامالك الملك ياقادر على ماكان
يارازق الطير عالجنحين والنوبه=تجني مجانيه لاسرحة في الخليان
كلن برزقه من المولى وتركوبه=والرزق مقسوم مابين انسها والجان
رزقه مسبر على ذي مكتلف دوبه=ماهو على حد خلافك ياعظيم الشان
يارب لاتاب عبدك تقبل التوبه=تصلح جميع العمل لازان والا شان
وان جار ذنبه عسا انك تغفر اذنوبه=يالله معونتك يابلجود والغفران
جارك من اهل السبب والحسد والغوبه=واهل السياسات ذي ماترضي الرحمن
الظاهره طيبه بيضاء ومقلوبه=والغابيه كنها الا من حمة هرشان
لاتعاجوا اثنين ثالثهم فرش ثوبه=سلقه على بير والقوا دحقة العميان
يعطيك عروه وقد عروته مقطوبه=وانته مصدق وهو مبلي من الشيطان
لنواك للذبح والا التاليه صوبه=ماتدري الا وصوبه حز في العظمان
شفرته للحم مسنونه ومشطوبه=يقطب اللحم مايقطب بها العيدان
اتقول من معنقة بلجيك مصبوبه=رصاص ذي من معانقها يجي حمسان
ملا عسى اللطف من بلواه واصقوبه=ينهاش ياذا الطيور السود يالغربان
وبعد قم يالمعنى ظهر مندوبه=حاشيها ماخلق مثله في الحشوان
ذي مابداء شدها الجمال محجوبه=تبرك مناخ الجرب والغش والقردان
من بل لقموش محسوبه ومنسويه=او هي تربة وترعى في جبل سيبان
واجزع في العين يسقيها من اشبوبه=لاقده رؤس المناشي حنت الرعدان
في صاط باحفص باتجزع ومذروبه=ذي كنها الصقر لاعمد على الجنحان
يوخذ طريق الضليعه فوق مركوبه=لاتضوي الا القويره منقع الحقان
عالباخريبه على فصله وماجوبه=سلام عالشاب والشيبه وعالغران
ذي من ضواه العتب يجلون معتوبه=فوق الزبر والمخالع تضرب العمدان
قل جيت من صاط مسقي بالكدر دوبه=صاط ال على ذي من اول في الزمن ذي كان
لاصاح صياحهم يلقون لبلوبه=تقول ينثر من المعلم كما الصران
واليوم قدها بضاعه جات مقلوبه=بارت جميع البضايع ذي في الدكان
ولعاد راس ارتفع مطلع وعزوبه=سارت شبيه الحنش في كيس بن علوان
ان عاد شي صوت ثاني باتغنوبه=والا صبرنا على القبصه من الثعبان
تميت قولي وكلن سار في شغوبه=والختم صلوا على الهادي بني عدنان
************************************************** ******************
************************************************** *****************
الشاعر مرعي بن صالح بن سميدع (بن عبد الثاني) )
ابديت بك يالواحد الفـرد القـوي=لا تحمل ابن ادم تخـف احمولـه
كل شي باتعلمه مايخفـاك شـي=كل ماتقفل بـاب جبـت اقفولـه
والرزق بين الناس كله مستـوي=كلـه بتصريفـك وامـرك جولـه
يسرت ارزاق الخلائـق ياولـي=حد بتعب رزقـه وحـد بسهولـه
حدقسمه الناقص و حد قسمه وفي=حكمتك يالمولى تجـي مشمولـه
واليوم جات اخبار سرت خاطري=من حد مأرب قد وصل مرسولـه
جاء بن معيلي عالطلب واليوسفي=في العرف كل واحد يمثل دولـه
والشيخ ناصـر بايكمـل مابقـي=جاب القضايـاء كلهـا محلولـه
للحرب متجهز وللمصلح رضـي=والبحر رد عرضه يساوي طولـه
والشيخ محسن للجماله معتنـي=لا قالهـا كلمـه يوفـي قـولـه
جـاب الدلايـل كلهـا عالوائلـي=خاطب وناشد كل جهـه مسؤلـه
وان صاح في ربعه تقـدم لولـي=واتجمعوا كل القبل مـن حولـه
واتجمعوا لجواد والخاطر سلـي=حسب اللوايح وانظمـه معمولـه
اجواد ذي قد جوه من صاط العلي=جابوا السيوف الباتـره مسلولـه
العسكري هنا وهنى العولقي=يهناء لمحسن كاسب اول جوله
جابوا الكلام الزين والهرج القدي=كلمه تسـاوي مثلهـا معقولـه
هذا الذي عندي وبكـره نلتقـي=لاتكثروا فـي البلبلـه والضولـه
والختم صلوا عالحبيب الهاشمـي=يـوم القيامـه دعوتـه مقبولـه
وان شالله نواصل معكم على طول
|