حكم دار الزمن

[ولــ باعبيد ــد]

دار الزمن في وقتنا واتبدلت الاحوال=واللي مضى من عمرنا ما عاد يوم يعود
البعض يخفي دمعته خايف من الاذلال=والبعض يرفع شكوته عله يلاقي ردود
ناس ٍ رقت في فعلها اعلى قمم الجبال=وناس ٍ تدنّى طبعهم في قاع دون حدود
مثل الغني اللي ملك كنز ٍ من الاموال=ما يوم قال "الحمدلله" شاكر المعبود
واللي جبره الحظ يرثي دمعه الهمّال=ما غير صبره عالزمن باقي من الموجود
الصدق هذا الوقت كذبه لو تزيد اقوال= تلقاه وسط أجيالنا بايت من المعدود
والحب والله في زمنّا صار لعب أطفال=عازف لحنها ما درى وشلون دق العود
يا كم واحد صار قلبه في عداد أهوال=طاحوا ضحية حب كاذب عنه كانوا رقود
ارجال قول ٍ في شكلها بس دون افعال=الا القليل ان كان فيهم شفت منه الجود
تلقى الاصيل من المراجل كل معدن شال= من زود عونه ف الشدايد لك يصف جنود
ان كنت تبغى تعيش دنيا به تريح البال=اسمع كلامي زين وافهم لو تناجي الفود
احفظ صلاتك طيع ربك لو تريد الفال=وافخر بدينك لو تشوف الباقيين ركود
لا تقول بعد سنين توبه لك بقت ما زال=وش ظمنك تبقى تعيش فعالم ٍ محدود
العمر أمره عند ربك ما عليه جدال=والرب وحده عالم اكثر بالذي مقصود
اعمل لدينك كأن باكر يوم موتك آل=واعمل لدنياك أن عمرك باقي ٍ ممدود
نصيحة ٍ من قلب شاعر والزمان مثال=والشاطر اللي يستفيد من التجارب زود

[movek=left]

[size=5]
......... وسلامتكم




تحياتي : محــ باعبيد ــمد[/size]

[/align]