قصيده للشاعر / جمعان بن سالم بن احمد باتيس

[طالب النعماني]

هذه القصيده للشاعر جمعان بن سالم بن احمد باتيس من اهالي رميد صاط باتيس
شاعر كبير له من القصائد الشعبيه الكثير ورث القصيد عن ابيه الراحل سالم بن احمد
المعروف (بن حمد ) رحمه الله رحمة الابرار
اخترت هذه القصيده من قصائد الشاعر لارتباطها بموضوع سرقة سيارة بن سميدع
الشاعر مقيم بالسعوديه تبوك
القصيده .............

ابديت بالله ماهلل وماكبر=سبحان رب البريه غافر الزلات
عساه يغفر ذنوب العبد لا جور=لازادت السئات على الحسنات
وبعد قم يالمعتني بلغ لي امسطر=بلغ رساله سريعه عبر الفاكسات
ويقول باتيس شوفوا حالي مكدر=من بعد لخبار ذي من موطني قد جات
وامسيت سهران راسي ضاربه جور=يالله تزيل الوجع ياوراسع المدات
وبعد هبت علاوي غيثها ثور=خصبه على الصاط في قنفان معبيات
من وؤس سمنين لما شرج بن لحمر=لا رؤس منخوب ذي سيله يصل عينات
لرميد ةاشروجه ميات الاف يتكرر=واحبيظ والخانق كرور اميات
واجواد جم وقت الطلب تحضر=حيث الوجع باتنجح الكيات
واصطاحوا ابطال جاءليمن مع ليسر=يحضر على الصيح ذي هو داهل الهدات
واتجمعوا في الكسر ذي قابل وذي حدر=حل الدرك ركبواظهور الات
محسن وربعه ماحد منهم قصر=جابوا مواتر جديده اخر امديلات
وجابوا اسلاب من وارد علي عنتر=والكنش جابوا ومحدد وشاميات
مروا في العبر حد الصيعري يذكر=ذي يكسبون المظلع حاكم الطيات
وصلوا الى مارب وعاد الفجر مابصر=واستبلوهم عول ذي تقطع الحنات
حد العبيد محصن يشبه البندر=فيه المدافع وبوقلعه ودبابات
ذا حد مهيوب ذي يحمونه العسكر=مابيهاب الفتن يفرح بها لاجات
في سعف باجيل ذي في النيبه يحضر=موطنه سلمون ذيهو داهل العكرات
بيجيك كل جيد لارب السماء قدر=وعاد نعمان بيجونك الوف اميات
من صوط باتيس لاجردان لالبحر=ماهم من اليوم من سابق لهم عادات
وراحوا اشيوخ جم في سعفهم لشقر=للبقع عند الوائلي مبيات
وقال هذا غلط مكتوب ومقدر=وقام قدم عدل في السالف وفي العادالت
وقال تقديرللغايب ومن حضر=وقدر ذيهم في القبور اموات
والحكم بيد اليوسفي تقرر=عنده مصانع وملقي حصون حربيات
ويعرف الميراد ومصدر=عاقل لجاويد ذيهم كسبهم جودات
وبن معيلي مع نعمان قد قرر=له رائ واضح ينكر الميلات
ذي صيتهم عند الدول يذكر=بالجود والحكمه والشجعات
والختم صلوا على احمد عد ماذكر=يامن حضر صلوا عدد لايات

[المنقد باخريبه]

من بايذرى يذراء من مسبه
ابني جمعان اعرف والدك حق المعرفه ولكنك ماتشبه ابوك
قولك كله ملفلف من قول جماعتك الشيبان اعتقد انك تشلح في قصائد الشيبان
لان هذه القصيده قد مرت علي
من وؤس سمنين لما شرج بن لحمـر***لا رؤس منخوب ذي سيله يصل عينات
من اين جبت هذا

[العاشق(المولع)]

صحيح ياعمي باخريبه وانا مؤيد على ذالك حتى قول طالب مثله مكرر يجيبه في عدت سمرات وخاصه قول الشرح

[طالب النعماني]

اشوف قلبك ممتلي بالحقد
واذا كررت قول حقي انا حر المشله لو سرقتها
المهم اني عرفتك ولي موعد معك

[بوطارق]

شكرا للاخ طالب
وارجومن الاخوه الالتزام
وعلى المشرف العام متابعة الذينا يكتبون عبارات لاتليق بالمنتدى
وتقبلو تحياتي