المسابقة الكبرى للشعراء .. نريد معرفة افضل شاعر في السقيفة

[ابن المكلا]

	هذاك زمن عـــــــدي الله لا يـــــرده *** لاخير في باعوم ولا في ربعــــــــــــــــــه هذازمن المشير به اليمن مشتبشره *** جي الخير في عهده والعاصي صلى وتاب واليوم خلى المكلا زاهية ومنوره *** شيد وعمر مبانيها وهي قد كانت خـــراب

[سالم محمد بلفقيه ((الشرقاوي))]

صح لسانكم ياشعّار0

تسجيل حضور ليس الا ,, واعجاب بكل أشعاركم كلها 0

[سبع الليل]

باقول دخل يابو عمر في حومة الميدان=شفنا معي سكين جاهز عالمسن
سكين بوحدين جهزناه للطليان=ماغير شل نفسك ولا تقرب ذهن
الخور يتكسر ومركبنا بلا ربان=ومولاء السفينه قال مابدخل عدن
لي ضيع التركه وشل خاتم سليمان=حكموا عليه بالسجن اصحاب الزنن
مسكين من ضيع زواده بات وحلان=قسى عليه الوقت واحكام الزمن

[ابن المكلا]

	نا لادخلت يالسبع لقي مناكر بالغنـــــــــــم *** مااقرب الضيني شل الى السمينه في الغنام الله يسترعليك يالسبع فتح لاتنـــــــــــــــام *** ياراعي الضان فتح عيونك لا تنـــــــــــــام ماراحت الغيمه مكانش ياسما دوعن غيم *** والسيل ماشي من ذيك الرواعد والغيـــــــام ولعاد باكثر لئن الحبل لي على البيــــر رم *** كيف باتنزح لا كان العلق لى على البير رام

[سبع الليل]

مسكين ماذلحين قال الحبل لي عالبير رام=يستاهل الا هكذا لي مايزر حبالها
قل له تفقد لا يصلك الضرب وتصلك الدكام=من لا معه همه و قوه يستعد لدكامها
القافله سرحت وصاحبها على الدرب استقام=لا نعنبو لي ما يعز القافله وخطامها
عد به حرامي من عيال ابليس وعيال الحرام=لخبط في الحسبه وشل المحبره واقلامها

[سبع الليل]

الفايده قدها معك ياابن المكلا كلها=ونحن نصالي حرها عقب الكلول
اللول والفضه وقع لك من ثقول عدولها=الله يعينك لا تكاثرن العدول
ايش باتسوي لا سمعت الفنبسه وطبولها=والناس من حولك يدقون الطبول
والناقه الفاطر كسرنا ظهرها ورجولها=ماحد بغاها لا تكسر الرجول
خيره في الناقه أذا ماحللو محلولها=ياسامعين الصوت دركوا باللحلول

[ابن المكلا]

	لبغيت الصدق القياده حقي وحقي اهلي ونا نزهابها *** لوقام عفريت جني ذى بوعمر مايهاب انت طعمت لحم البرابر يامداح بربـــــــــــــــــــــره ***وبربره حكمتها الثعاله والدجـــــــــــاج سلام خصه على المكلا فتحت ابوابهــــــــــــــــــــا *** في عيد مايوفتحت ميه وعشرين باب وسلام ثاني على المشير هولي تقن في خطابهــا ***لاقد تكلم بوحمد لازم تسمعون الخطاب وسلام على وحــــــــــده عظيمه نجمهاوشهابها ***وكل من يعاديها على بالعهد بارسله شهاب

[سبع الليل]

بعطيك من عندي نصيحه يا قبلها يا رفض=لا تأمن السارق ولا تأمن خبيثين العمال
وانت سمع مني كلامي يا الرضي لا تعترض=شفها سفينه هايمه بحروبها الناس الفسال
الوضع ماهو مستقر والامن بايمشي عرض=ما شي أستقامه في عرب العوق فيهم والبدال
والله ما حد منهم في ذا الزمن با يـتعض=نحن نباء الوحده ولكن مانباء لعب العيال
الحضرمي مهضوم عايش في بلاده وينتفض=لا له في الزايد ولا الناقص ولاعطوه المجال