المسابقة الكبرى للشعراء .. نريد معرفة افضل شاعر في السقيفة

[رعد حضرموت]

هو قال وصلني لخشم العين = والقصد في وادي حويره
لما متى ياصاحبي في الدين = والدين من بيعه خسيره
ايش لي حصل مابينهم لثنين =الدلو يفضح وسط بئره
ذا وقتنا جائر وبه تخوين= ظلموك يا خط الحسيره
ياصقر انت حر او شاهين= في الصيد لك نظره خطيره
مافي صفى الوقت به تلوين= متعوب من خبه وسيره
سلعه وسلعه مالها تثمين= والسوق له ريس يديره
وامراض يعجز عنها التحصين= ربك عطى الدنيا الستيره
جابوا خبر من شركة التعدين= عاب الموظف في مديره
كل من عزم قله بغيت لوين= رعيان والمضوى قطيره
بعض المراكب لي لها دقلين = تنفعك في غبه غزيره
واحترت نقسم خلعها وقرين = ماشفت شي نخله ثميره
وان خيروني بالقط كل زين = والزين من حكم ضميره
والعلم لو يبعد لحد الصين= تتبعه كل فكره نويره
يالله بطاهب خير له رعدين= يسقيك يا ارضي الغبيره

[الوزيري]

هزيت فكري قل لبومقصين = مولاك يصنعلك ذخيرة
ما با يقف طابور على مشطين=اوشي سلف من عند غيرة
ياخار ساعة باكتب صطرين=لي الصاحب الي بستشيرة
ياريت بتصلح لنا لامرين=نخرج سوى في كل مسيرة
ضد التخلف لي ظهر ذلحين=يشكية من عينة بصيرة
حتى الخوارف قدلها حولين=ماشي مطر حاجة خطيرة
والنبع وقف نبع ذيك العين=كلين يشرب من غديرة

[غازي عمر بن مهناء]

هتلي خبر من ملتقى البحرين=ياهاجسي انشي بصيره
سنتين مابين خبر سنتين=الضاهر الحجه كبيره
ذا ساس مابايحتمل قصرين=خيره في الاسواس خيره
باصب صبه عمقها مترين=ببناء عليها ثقل ديره
الطين باجيبه من الهجرين=والعود من شعب الخضيره
والماء على دجله وعا النيلين=بقلب طريقه عن مسيره
لو يسكب الماطر علي شهرين=ماكف ومزونه غزيره
بغدي كما لوتجتمع حيدين=قوة قنع ماشوف حيره
واثق ولاباقولها ياهوين=شيطان والهاجس نشيره

[حسن بن قيران بن حيدره]

القتــل عــــــز ياذي على النمشه تهــــــــز
قاضي تعـــــز قالو تغلط فالحساب
كل من يقـــز لايوكل اللحم الخنـــز
خله يفـــــز ويغيب من خلف السحـــاب

[غازي عمر بن مهناء]

شكراً اخي حسن كلام جميل حبيت الفت انتباهك
لو انك التزمت بشرط المسابقه الاول
وهو ان تبدا قصيدتك بأخر حرف ينتهي به ماقبلك لانه الشرط المهم
كما جا في شرح صاحب الفكره الاخ فايز
تحياتي لك ارجو منك مراجعة الشروط

[طالب النعماني]

تسلمون ياشباب

[رعد حضرموت]

هضبه وقاسوها قدر ميلين =وخيوط بانت في ظفيره
والاسم يكبرحدها البقرين=مركن حمط قالوا جزيره
لوباذرع نوقف على الشبرين= واحترت فيها خس ديره
يا بن مهنا كمل السطرين= قسمي وقسمك في الفطيره
بنت المحافظ زوجها شين= الكسر لقولوا له جبيره
والقيد قسمك يا ولدنا حسين= اما الاسد غيب زئيره
هم حسبوا الوادي سمر وظبين= والسيل باين من خريره
والان برجع الى شجار التين= ياخور مكسر فين صيره
خير السلب التوك بو مقصين= ماله ثمن يعطي نذيره
من يحمله ماحط بقلبه لين= في الجيش هو يسوى حضيره
واليوم جاني يشتكي وحزين= وابن الوزيري هو يجيره
هو قال يشكي من محب وظنين= حاكم رفض يسال شويره
واسرار في شعري ولاباخين= شمسي على الجحي مديره

[غازي عمر بن مهناء]

هاتو لنا عابد ولد بن زين=يا الرعد ذه قصه مثيره
فشطه وعدوها كما سمنين=لي لافتك يقحش ضميره
واين انت ياهاوي وعينك وين=ان كان لك عينٍ بصيره
حدبايلبي دعوة الداعين=حد باينكرون النكيره
العين عليت عا الحجاب العين=والشمس في الزرقامريره
ياخصب ياهو فصل لماحين=يا هام يا ذا0ألا مريره
كل ما انكتب واضح وكل مادين=نعرف شهيقه من زفيره
القول عندي نصل ابو حدين=من مدخله ميز نفيره
لا زام بايجيبه ولا زامين=هاني وشف عينه قريره
بالغصب رضيت عاهوان البين=سرحت بعزهجر الهجيره
مسكين لي خذها وزد مسكين=بايحرقه لاهب سعيره
جيران من قادم زمن دارين=جيره وكن ياخس جيره
نخله حسبها بس بلاسيفين=من حدهن الله يجيره

[طالب النعماني]

من شروط المسابقه عدم التقيد بالقافيه والالتزام بالوزن فقط
والاكتفاء ببيتين فقط وان كثر لاباس به

[فايز باتيس ابو خطاب]

هكذا يا شباب خرجوا الجواهر والدرر التي في هواجسكم .. واشكر الاخوة الرعد وبن مهنا على التنافس الشديد .. والمعذرة يا شباب لانقطعت عن المتابعة لان عندي ظروف الدراسة .. ووكل متابعة الموضوع للاخ طالب بن حسن .

وان شاء الله وعدنا يوم الانتخابات لهذ الشهر.. لافضل قصيدة وافضل شاعر في هذه المسابقة .. ان شا الله بيكون يوم تاريخ 15/1/2006 م فالله الله في انتقاء افضل القصايد لنا وطبعا للانتخابات شروط تعرفونها في حينها ..
مع السلامة ياشباب .. خلونا نرى كل خير .. والمعذرة ..