نكته عالطاير .... شيبه في ؟؟؟؟؟؟؟

[الشعف]

بغيتوا الصدق .. احسن مكان الواحد يبعد طفشه فيه >>>> سقيفة المحشاشة والصرقعة والقربعة والله خرماااان لها وذي نكته عالطاير عساها تعجبكم


يقولون فيه شيبه من اصحاب الخلاء من ايام ماحفروا البحر دوييييييييييييل ....
ماشاء الله الشيبه ذا ماكذ يوم في حياته شرب حتى حبه بندول ومايعرف حاجة اسمها دواء والا مستشفى ..
يعني صحته حديد >>> امسك الخشب

الشيبه معه دغشة عيال وشاف حتى عيال عياله .. وربي فتح عليهم فتوح العارفين ... وماشاء الله ياخير شيبه تقي وطايع مصلي .

في يوم من الايام جاه مرض ماحد عرف له لالون ولا طعم ولا ريح

وكل ماقالوا له عياله : يابه ماهو سوى منك خل نحن نشلك للمستشفى ... شفه ماهو سوى منك لي تقيه في عمرك ذا حراااام;baw

الشيبه : ياعيالي الله يهديكم ... شونا شيبه في تالي عمري ويكفينا كذ شفت عيالكم وعيال عيالكم .. آه عادكم بغيتوا بي ... خلونا موت بلا اذيه

عياله : طيب يابه ذحين انت تعذب نفسك على كذا ... شف كل داء وله دواء ... ماحد داري خاف يقع عندك شي بسيط وتتعالج ؟؟

الشيبه غلب وقال : سمعوا شونا مابغيت حد يبهذل بي في تالي ايامي ... وياريت تخلونا موت وانا مرتاح في وقاي .

خلاص العيال خلوا ابوهم على راحته .. ;baw

عبرت ليام والشيبه مسكين يحتضر ... ولعاد يوكل ولا يشرب ..
وزادت حالته من سيئ الى اسوا ..
صبحوا في يوم يثورونه من النوم ... وان كانه حتى يفتح عيونه ... لاحول ولا قوة الا بالله ;baw >>>> جاته ( كومه ) = غيبوبه عند اهل الطب

ولده الكبير : يااخواني والله حرام ابوي يفوت علينا ونحن قاعدين نتفرج فيه ... آه بايقولون الناس علينا ... ربي عطا نحن من خيره وبخلنا على ابونا بالعلاج

اخوانه : صدقت ياخونا ... طيب ايش رايك نسفره برع ونعالجه .. لعل الله يتباخر وييشفى

الجماعة حجزوا على اول طايرة الى عمّان >>> طبعا الاردن مشهورة بالطب .. حشا ماهي دعاية :p

كرفتوا ابوهم .. واول ماوصلوا المستشفى على طووووووووووووول ... للانعاش
وكذكم عارفين ايش معنى انعاش ( ان عاش .. عاش وان مات .. مات ;baw )
وهت يامغذيات من كل ربع ... والممرضات كما النوب يحنين فوقه

عبر اسبوع ... الا وابوكم الشيبه يفتح عيووونه

وماشفت عيونه غير كل خير ؟؟
اولا الثياب لي هو لابسها بيييييض ( وانصع من بياض الكلوركس ) ..
قاع مرمر تبورق وتبهّص بالعيون >>> عمر ابوه ماشاف كماها في حياته
والا الريح .. بقعه تنوفح ديتول وعطر ؟؟ ايش ذا كله >>> شكله ماهو مستشفى ذلا كبريه .

والله الشيبه كان بايدوخ من لي شافه ؟؟ ماهو مصدق انه انه ..... انه ؟؟





















انه في الجنه
لا تلومونه مسكين ... والله حسب نفسه في الجنه
وقعد يتلفت يمين شمال بغى حد يكلمه
حصل ممرضه ... ايش على جمال احسن من >>>> كوليت بولص
ايش على قوام وايش على دلال وايش على لبس وايش وايش وايش

الشيبه : ياحوووووريه >>>> على باله في الجنه
الممرضه : شو بدك عمو
الشيبه : سمعي يابتي .. لو سمحتي باتشوفين لي ابو سالمين اذا حد هو هنا عندكم ...
الممرضه : ابو سالمين من ؟؟
الشيبه : صاحبي الروح بالروح ... بس مسكين هو سبقنا بشهر تقريبا ;baw >>>>>>> ابو سالمين ذا جار الشيبه ( ومات من شهر تقريبا ً ... الله يرحمه ;baw ) قولي له بو طالب بغاك بايسلم عليك
الممرضه : والله على نيّاتها قالت : لحظة ياعمو .. راح اشوف السجل عنّا >>>>> وراحت تدور في كشوفات المستشفى على واحد اسمه بو سالمين
ماحصلت حد بالاسم هوذا ؟؟؟
رجعت للشيبه : والله ياعمو مالاقيته ...
الشيبه :



























نعن كور ابوه الحمار ..... كذنا داري به انه مايصلي العاصي ... اكيد ودّوه الناااااار يستااااهل ;alia ;baw

عساها عجبتكم
تحياتي الشعفيه

[سالم محمد بلفقيه ((الشرقاوي))]

احلى نكته من احلى عضو بالموقع حياك الله
يالغايب الحاضر تراك غايب عن الموقع والسقايف بس في قلوبنا
والله وينك ياشيخ اشتقنا لك 0


والنكته رهيبه رهيبـــــــــــــــــــــــــــــــه وايد وايد

واضحكتنا كلنا ونهايتها ياخير هي

ذكرتنا بنكته رجال كان يحلم انه من اهل الجنه وطلعوهم في باص
وفي مفترق الطريق سواق الباص غلط ودخل بهم طريق اهل النار
المهم الرجال كان نايم ومن كثر الخوف نط من فراشه وهو يسب على السواق وقفز ووصل
الى حوش بيتهم وتكسر وترضمل



مشكور جدا على النكته الزينه

تقبل تحياتي0 الشرقاويه0

[الشبامي]

حلوه يالشعف حلوه
هههههههههه
وطلع بوسالمين عاصي ومايصلي

اضحك الله سنك يالشعف

[المدودي]

ظهرت علينا بذي النكته

صراحه فرررررررررررريده من نوعها ..

و تبين أن الشيبه على نياته

و تفسر لنا أن سبب أنقطاعك عن السقيفه ..

أنك كنت مرافق معه في المستشفى يا بو شعفان

[الشعف]

الشرقاوي .. مااحلاك و اظرفك ... مرسي على التعقيب والترحيب
وبصراحة شوقي للسقيفة و اهلها الطيبين .. شوق مابعده شوق .. ربنا يديم التواصل


بوصالح .. دع معي الله يهدي بو سالمين ويصلحه >>> ( ويرحمه ;baw ) اسعد الله ايامك يابو صالح



المدودي .. ياخي انت ماحد يقّي ملاقيك ياخس رسمه رسمتها لي :p :p :p
من جد شفنا على نيّاتي >>> كما بو طالب
والمستشفى ذلا فيها شي هوَل .. يجيب بالحوَل

اشكر لكم مروركم ... وماقصدنا الا نسليكم .
تحياتي,,,
الشعف

[ود احمد]

بسم الله الرحمن الرحيم
السلام عليكم ورحمة الله وبركاته
اشكرك استاذي العزيز / ابو شعفان على هذه النكته الحلوه التي فيها من حلا وتك



وحمدا لله على سلامتك وشرفة السقيفه ومنوره بوجودك والله يحفظك ولا يحرم نحن منك ومن مشا ركاتك التي دائما ما نتتبع ونسال عنك وعن مواضيعك واشكرك مره اخرى من الا عماق استاذي الحبيب واطال الله بعمرك وابقاك ذحرا وفخرا لنا ولكافة الحلان 0

[الشعف]

وعليكم السلام ورحمة الله وبركاته
العفو ياود البدوي ياوجه الخير ... بس ياخي بغيت منك حاجة وحده ??
باتقول ايش هي ؟؟
ــ ياخي لو سمحت شيل الكلفة شف نحن الا اخوان .. مافي داعي يااستاذ والا ابونا والا .... المهم جبها حااااف ( بوشعفان )
تمام ياوجه الخير ... سدينا..
الله يسلمك .. وشف السقيفة منوّرة باهلها الطيبين من امثالك ...
تحياتي,,
الشعف

[سالم محمد بلفقيه ((الشرقاوي))]

شكرا على تواضعك ياستاذ الشعف

[الربان]

الشعف ما شاء الله عليك أضحكتني من قلبي باين عليك مو بسيط الله يستر من ده الشعف

[سالم محمد بلفقيه ((الشرقاوي))]

والله انك صادق اخوووووي ربان

بس وين الشعف تراه قاطع له مده0

ربنا يرده على خير وعافيه ومواضيع رائعه 0

تحياتي ياربان وعساك على القوه0