مجاراة لابيات الشاعرالجنوبي عمربابدر

[الصمود اثنان]

اكيد الابيات معروف هدفها من قبل الشعار
بااشرح قصتي مابين العرب
صريح في هرجي وصادق في المقال
والمستمع هرجي لي منى يجب
كلام له ميزان ما بين الرجال
قصتي في داري معي خمسه خيب
الحمد للرحمن ساتر كل حال
في لبسهم والشرب شفني ماحنب
راتبي بايغطي مصاريف العيال
جاني ولد عمي تشنصبلي نصب
بالسن يضحك لي واجهني قبال
قال انا وياك نبغى نصتحب
خير ولانامن خبيثين العمال
صدقت في هرجه ولبيت الطلب
واسهنت منه بايجي رادي وشال
انثره ماله دين صليلك قرب
مقصده مسوى بايكلل بي كلال
لاتقترب جنبه واناماباقرب
لمانجيب اللحم كله ع التفال
والحاصل ان عمري مر في تعب
ياقطب قلبي من خبيثين العمال
ساعه لقي لحيه وماساعه شنب
لافائده عندي ولاشي راس مال



نامل من الشعار في السقيفه مجارات الابيات هذه

[الواثق بالله]

يامرحبا بابيات من مولى النسب =ذي يحتسب عندي كما الريس جمال
بابدر ذي ملقي الغداوي والقتب=عالهيج في وقت الخفيفه والثقال
ياصاحبي قايس ودقق في الحسب=واحسب حساب الصرف من سعر الريال
بايقمرونه من دخل سوق الكذب=ذي كل ابوهم بيعهم بالاحتيال
ماحد يفرق من بعد والاقرب=حتى رفاقك مايفيدونك بحال
وانته صبر شف عاد فوق الناس رب=بايظهر النصاب من ولد الحلال

[الواقعي]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

يامرحبا بابيات من مولى النسب =ذي يحتسب عندي كما الريس جمال بابدر ذي ملقي الغداوي والقتب=عالهيج في وقت الخفيفه والثقال ياصاحبي قايس ودقق في الحسب=واحسب حساب الصرف من سعر الريال بايقمرونه من دخل سوق الكذب=ذي كل ابوهم بيعهم بالاحتيال ماحد يفرق من بعد والاقرب=حتى رفاقك مايفيدونك بحال وانته صبر شف عاد فوق الناس رب=بايظهر النصاب من ولد الحلال

كلااااااااااااااام يا الواثق
رائع

[مبروك بن ماضي]

وهذة مجاراتي 00مع صادق تحياتي

حيا رحب بأبـيات من شاعر كتب = يهجو بأشعاره مقاطيب الحبال
ويقول لي عقدين صابر 0 عالكذْبْ= ذي مايعر"فون الحرام إمن الحلال
مالي خلاف أني اتصبر واحتسب =وادعي واتضرّع الى الفرد الجلال
ضاقت علي ارضي سبب اهل الرتب= وكرهت سبتهم سـكنها والحلال
وماكنت اظـن أني بوقع في مطـب =وان الغبي يضحك على العاقل محال
الله يـجازي كل من كان السـبب =وأدَخْل الى غزه جنود الاحتلال
وسرقوا علي أمني ونفطي والذهب= واصبحت بس أصفق يميني عالشمال
ذي قوم يابدر مافيهم أدب = وفض الشراكه ذي بطت معهم محال
راحت امانـيـنا معاهم في المهب= ولعاد حصلنا إجابه للسؤال
ومن بعد ماعقدوا على بنت الحسب= ويا النسب0يصعب عليها الانفصال
إلا إذا قامت وكير الحرب شب = والحق مايرجع سوى إلا بالقتال

[اابوداعر]

كلام وافي يالشعار

[الصمود اثنان]

[اشكر شعار السقيفه على المجاراه الواثق بالله ومبروك بن ماضي وماقصرتوا والله يحقق مطالب الرجال بقدرته وشكرا للاخوين الواقعي وابوداعر على المرور وتقبلوا تحياتي

[خشامر]

مجارات رائعه للشعار

[حديد الهندوان]

كلام من شاعر قدير بكل المعاني ، اطربنا وله الشكر والتقدير