12-29-2010, 10:24 PM
|
#1 |
|
شاعر السقيفه
|
سمرة دااااان بمناسبة زيارة الشاعر الكبير الوااقعي للرياض
=سالم باصره ياخير ليله راد رب الكون فيها نجتمع=على الجبر والمعروف بالجاويد والناس الخيار كم وفي بين العرب قدره وشانه مرتع=من قبل ما نعرفه نتبع علومه والخبار
=عمر الذيب يالله عساها قل لباصره ليالي تتبع=لادندن المغرب نختمها مع ضؤ النهار
=بدر النهدي بعض الليالي ذكرها بين الحنايا ينطبع=ونقابل الاجواد لي دائم ندورهم دوار يالله عسى ان الجود مابين البشر ماينقطع=وتدوم ساعات الصفاء عند الصغير والكبار
=عبد الله باني واجب علي رحب بمن جانا ويالهاجس سرع=رحب بمولى الدار لي ماشي كماها الديار
=الواقعي ليله من التاريخ فيها سهيل والزهره تشع=والفلك وصلة سالمه مادام بو فيصل منار
=بدر النهدي =والليل يالشعار نبغى الكي من فوق الوجع=باينفع المحبوب واللي هو يعاني من صفار يوم الجماعه سافرو كل من معه سته رجع=لكنهم ماحد وصل لما مواني زنجبار
يامرحبا بابيات من شاعر بسيفه قد قطع=واجب علي رحب بكم لا يالرجاجيل الخيار
=بورائد المشجري من شوف كم من جيد مصباح قد ولع=والليل ودعناه وافرحنا بمطلاع النهار
=عمر الذيب لا ما لحقت الحلي سنح الحلي ياسالم لشع=فصل سلوك الكهرباء خل المسجل عالحجار بعض العرب ينفع وبعض الناس عمره مانفع=والمنفعه حشمه لمولاها وعزه واعتبار
=سالم باصره نفسي بغت تنزانيا والقلب حسه مندفع=حيث المناخ الزين والخضره ورشات المطار عشق الطبيعه طبع من صغري ولاهو مصطنع=والطير يشجيني الى غرد على روس الشجار
=بدر النهدي= الجود والمعروف مابين الخلائق ينزرع=والادمي لي مازرع مابايشارك في الثمار مادام بو صالح معي يدرس حوال المجتمع=بانعرف الموضوع لي خلا عمر يلعب قمار
=الواقعي يابو محمد جبركم باقرب اللي منتكع=معروف يابو شيخ باتطعن بها لما الحضار بن بدريدعيكم وصوته هذه الليله فلع=ينشد على اهل الباخره لي دقرت فوق القشار
=احمد العمودي قولو لبو نايف سمع مني في السمره وطع=لاقمت لك قال العمودي جبت تفصيل الخبار
=المشجري لقد البضاعه فاسده في سوقها تخارج وبع=لا تضيع المجهود في سوق الفواكه والخضار
=بن سحاق بختي القوي جمع صحاب الضيق ما صحاب الوسع=مابنتظرهم لابدالي شان حسب الانتظار
=باني يابدر يابن بدر شف خالي من السكه طلع=كل مامسك ليمان في لحظه رجع قابض يسار بعد الضماء والجوع لي فيه بو طارق شبع=غلا بحيتان السمك يابدر في سوق الخصار
=الذيب يابدر ماقعقع يقولو لي في الدنياء وقع=والقعقعه عند العرب ماهي من اسلوب الحوار كل من تعنا للغويزي قل لبورائد رجع=ماحد لطف الا انا واصبرت عا بارد وحار نا لي ذرعت البز لي ظنوه ما با ينذرع=باسلوب قلبته وقطعته وصل عاوار وار
=بدر لي كان عاصب عا الثلث اصبح يدورله سبع=يومه تهاون في المخوه والقرابه والجوار بن بدر مبعد شاف شي ذلا كما غيره سمع=والشك عندي والغلط بين الزموته والشمار
=الواقعي متملك الصحنى وعاده في وسط جده طمع=يوم الطمع فضاح بايكشفك في سوق البهار سيل الجوه يدفر وفي لحظه يسبر ينتسع=لاجت سيول المنخفض لي حزرها لما الصبار
=احمد العمودي ما بحتجي قولو لبو رائد نزل والا طلع=مادام صاحبنا رفض حتى حقوق الاعتذار
=باصره حب العسل مصبوب والا قرص في وسط القصع=والقوت ما تقبله لي كله يجي بسباس حار والنوف ما يصعب عبوره على جليلين القشع=وتخبروا اهل الميازر والفلنطات القصار
=المشجري لو كان حدك صدق قل للذيب من سومه منع=لا تخلي الحشوان على سومه تزقل بالشوار وان قد هملته من صرابه قال بو رائد قنع=بايصربوه البدوا لي جوا من خشامر لا ظفار
=بن سحاق ما يكهلون الذيب يوم الذيب يكوي عالوجع=يلقي مكاوي ناجحه لا صاد وسط الكير نار
=احمد العمودي انك بغيت الصدق قال الشيخ غيره منتفع=ماشي معه غير التعب لا ياصحابي والحوار
=باني بالعزم والهمه قمعنا كل شي ما ينقمع=واوزنة بالكيلوا وبالقفله ونوزن بالبهار روعي بايدي قال بو صالح مثيلك با روع=وانته بكيفك ياقفل بالشيش والا بالجهار
=باصره خلك طويل الشرع في سعفة رفيقك بو سبع=دائم تبع قلبك وكن راضي بحكمه والقرار والحاسد المسبوب حذرك في كلامه تستمع=لي يندعي بالخير والتقوى وهو مؤذي وضار
=الذيب احنا نباء الغمه على سالم وغيره تنقشع=ويشوف لي ما اشتاف له خلف الزواخي والغبار من قام عند الحق حقه ما بظني ينتزع=وش ينزع الحق الموثق ياطويلين العمار قصدي بجعجع قال بو طارق وفتفت ينقلع=وتوضح الصوره لمن بابين وليهم في ذمار حبه ندققها وحبه قل لسالم تنخشع=لاقد قربنا من طراف الخيل لي فيه الصفار
=بدر ساعه مع عجزروساعه يوصفونه مع شنع=الصيد ليهم يوصفونه باتلقطه الشفار شغل القناصه ياعمر ماهو كما شغل النصع=لي ما يحافظ عالفرس يرجع يحافظ عا الشوار
=الواقعي لي ماعرف يضرب ضرب لكن ما صاب النصع=واللي معه قنصوا لهم شهرين في راس العصار قنصوا عليه الظبي لي مايشرب الا عالكرع=والعول من حوله نفض ريشه في الخطمه وطار
=باصره صبر لا جيت في ماجوب لما يكمل الواجب=ولا بغيتك تخايل رعد ما منه مطر وسيول
=الذيب على صوت الذي يبدع يقول الذيب باجاوب=ولا جاب الذهب بعطيه من عندي حبوب اللول
=باصره مقيد ياعمر ياريتني حبلي على الغارب=بحور العشق مثلك باسبح في عرضها والطول
=الذيب سبحنا عام لول قبل يصبح بحرها خارب=وما هذي السنه باب الهويه والهوى مقفول
=المشجري معك مركب منحس يبترم ماهو كما القارب=وربانه ذكي بي مر به من مصر لاسطنبول
=بن سحاق وصوت الدان يشرح خاطري ويسري الضارب=الى سمعت المغني في السمر والا سمعت القول
شرب دوعن من الشتوي وهينن من بطي شارب=وبا نجني ثمر ملحوق لي من خيرة المحصول وما طير الهوى شفته على روس الشجر ناشب=ولا ضنيت با يشتل وريشه بالمطر مبلول
=المعمور تسوي كيف لاقد بيضت لحيتك والشارب=وعاد القلب يتحرك الى حنة ثنين اطبول
=بن سحاق فتح باب الهوى ساعه وخل كل شي على جانب=ولا شي بايقع ماحد من العشقه ضوى مقتول
=المشجري عمر اول زمانه كان متواضع ومتجاوب=ولكنه تغير والسب بجنف وبامرحول ولا ينشد على ابن العم ويتخبر على الصاحب=طمع في الشهد بو طارق وحط تحتي صحون الفول
=الذيب معدشي زين ياسالم وحد يدحق وحد راكب=وحد يخطم على بعيره وحد ملقي ثنين اخيول رماني الحظ في الدنيا كما موجب بلا سالب=ونبض القلب قل عندي وعداده صبح مفصول
=الواقعي بنادق واجده في السوق شي يقرح وشي حانب=ولكن شفت بندق من قروحه ياعرب مذهول تمنيته سلب بدخل به الجبهات باحارب=وبا حطه على كتفي وبا قنصبه ضبى ووعول
=بنسحاق وتنباك العمودي شوه صب الناس في قالب=وخلاهم سوى ما تعرف السائل من المسؤول
=المشجري ترى دنياء ندم مش عادله توقف معا العائب=وتضحك له وترقص له وتلبس له ثنين احجول فقه ياالذيب تركبها وتزقل بك من الغارب=تراها عائبه من ظهرها كم من ولد مزقول
=الذيب بغيت الصدق والواقع معد للشعب حد نائب=غريب الدار يتحكم في الصادر وفي المدخول غريب الدار له مده باهل الدار يتلاعب=يشل ويحط على كيفه وهذا امر مش معقول
=المعمور ايقول بو سالم توله=لاحضرة ساعات الوله والرزق من ربك مايسر=ماهو بيد مخلوق على رجله يسير
=الذيب ذا الباب عندي باب قبله=مابين اهل القبوله قولوا لبو رائد تغزر =من شان بانسبح في البحر الغزير
=بن سحاق الخيل لي في القلب خله=ومن الصنع الاخرى خله ما با يجيك الا المقدر=لي ينكتب في اللوح من عند القدير
=المشجري قيدين في رجلي وجدله=وديون تبغاء جدوله وجلجلي مبعد تعصر= لا ياعمر وانته تباء كيلو عصير
=الواقعي مابا تجي يالذيب سهله=لاتقول دربي مسهله لي قلد البيبان وادبر=ريته وقع من قبلها في عين بير
=الذيب لاتحسب ان الذيب جله=لي فر وبقعاء جلجله واليوم عا الامه تكبر=عقله صغير لا تحسب عقله كبير كل من خطاء حده وزله=بايحس تحته زلزله ومن الخطيره جات اخطر=يابو وليد الوضع في البصره خطير
=المعمور ياكم وكم من جيد بله=كله من اهل البلبله لي شغلهم باطل ومنكر=ويفزعون الناس بالصوت النكير
=بن سحاق بعض العرب ما تصيد مثله=سبحان ربك مثله وبعضهم صوره ومنظر=حرام لا حطوه في راس النظير
=الواقعي حمار في بري وحله=والخمر كلن حلله حتى مطوعنا تنصر=لي كنت نا حاسبه موسى بن نصير
=المشجري يالعنتري بالله قله=العاد يلقي قلقله مادام قد بندقه قصر=العد يشل هطفى ولا بندق قصير
=المعمور لي يرمح النعمه برجله=ماشي معه في المرجله ويقول في دنيياي بمهر=في الاخره مضمون قسمه زمهرير
=الذيب من هو على اصله وفصله=جاب الامور امفصله وزير من صغره تؤزر=عالقطن والنقعه وغيل الباوزير
=الواقعي سيف العرب كلين سله=افلام جات امسلسله والقدس عاده ماتحرر=بدوان بعد الطان قد لبسوا حرير
=الذيب
كلن وله طبعه ودله=هذه طباع الديوله لي سيفهم صدى مجفر=ماحد طعن هزوه في وسط الجفير |
|
التعديل الأخير تم بواسطة عمر الذيب ; 12-29-2010 الساعة 10:33 PM |
|
|
|
12-29-2010, 10:45 PM
|
#2 |
|
شاعر السقيفه
|
اخي ابا طارق شكرا جزيلا على هذا النقل الرائع للسمره الرائعه لكوكبه من شعارنا الكرام 0000وانسكم الواقعي يااهل الرياض شـكــ وبارك الله فيك ـــرا لك ... لك مني أجمل تحية .
|
|
|
|
12-29-2010, 11:39 PM
|
#3 | ||||||||
|
ابوراضي
|
اولا نرحب بالاخ الواقعي في مدينة الرياض
وثانيا نهيئكم بنجاح هذه السمره الرائعه شكرا لك يابوطارق على نقل الجديد للسقيفه |
||||||||
|
|
|
12-30-2010, 12:11 AM
|
#4 |
|
مشرف سقيفة عذب القوافي
|
اهلا وسهلا بالاخ ابو وليد وحياة الله بالرياض
|
|
|
|
12-30-2010, 12:44 AM
|
#5 |
|
شاعر السقيفه
|
انسكم ابو وليد لو درينا كنا شاركناكم السمر
ولا سبشل |
|
|
|
12-30-2010, 12:53 AM
|
#6 |
|
شاعر السقيفه
|
شعر جزل وشعراء متألقين وسمره رااائعه
صحت قلوبكم جميعا ودمتم للإبـــــداع |
|
|
|
12-30-2010, 01:33 AM
|
#7 |
|
شاعر السقيفه
|
يالله عسى ان الجود مابين البشر ماينقطع =وتدوم ساعات الصفاء عند الصغير والكبار
|
|
|
|
12-30-2010, 01:47 AM
|
#8 |
|
المشرف العام
 
|
نقل موفق أخي عمر عشنا مع الحدث وكأننا نسمعه سماعا !!
شعراء كبار وجلسه رائعه !! وستكتمل روعة الحدث بوضع تسجيل فيديو ورفعه عبر اليوتيوب وتوثيقه فهل نرى ذلك ؟!! |
|
|
|
12-30-2010, 02:37 AM
|
#9 |
|
شاعر السقيفه
|
سمره ماتحتاج كلااااااااااااااااااااااام والاجمل فيها ان جميع الشعار بينهم ود ومحبه ولاحضرها شاني
بصراحه كلهم مافيهم كلام لكن بوطارق كان النجم لكن من المغني اذا كان المعمور يقصد لايكون قلب شاعر |
|
|
|
12-30-2010, 04:22 AM
|
#10 |
|
شاعر السقيفه
|
تستاهون كل خير ياهل الرياض وسمرة انس ماتفوت تمنيت انني بينكم شكرا على النقل يابوطارق |
|
|
 |
| مواقع النشر (المفضلة) |
|
|
|
|
العرض العادي
