مساجلات الزامــــل الشعبي

[شطرنج]

صاحبه ما بقيله غير عظمه وديمه=في الغداري موارى مايشوف الضويه
ما معه مطحنه والبر يبغا قظيمه=وينهم وينهم لي يكتبون الوصيه

[ديسبة]

لاثباني ولا صيمي على قدر صيمه=والشراكة من الجنبين ماهي سوية
غير كلن يقي مضباه عاراس ريمه=إن ضبى وإن يبى يوكل ذبيحته نيّة

خروج للصلاة

[حنطبه]

ماصلح ذريهم في جروبنا المستقيمه = ع خطوط الوثن في العاليه والوطيه
عاد شيء باصلح واهل العقول السليمه = تركوها وخلوها لبوهم هديه

[ديسبة]

اقتباس : المشاركة الأصلية كتبت بواسطة ديسبة [ مشاهدة المشاركة ]

لاثباني ولا صيمي على قدر صيمه=والشراكة من الجنبين ماهي سوية غير كلن يقي مضباه عاراس ريمه=إن ضبى وإن يبى يوكل ذبيحته نيّة

حد في العضيدة

[مصعوف]

عادكم ماتقبضتوا براس العصيمه=ماشرحتو لنا اسباب الغلط والخطيه
ان سكتّوا مصيبه ون هرجتوا جريمه=هاتوا الحل لو باقي معاكم حميّه

[مصعوف]

مايجي ف الشرك ياخوك غير البهيمه=بس مصيبه اذا ماشي لنا مقدريه
لادمي لا عرق صاحبه يعرف خصيمه=والصواديف من ذي صار والله بريه

[الشبامي]

الظاهر شباب الزامل وشيوبته كلهم رياضيين

[حكيم السقيفه]

السلام عليكم ورحمة الله وبركاته

[ميراد باسودان]

اقتباس : المشاركة الأصلية كتبت بواسطة حكيم السقيفه [ مشاهدة المشاركة ]

السلام عليكم ورحمة الله وبركاته

وعليكم السلام ورحمة الله وبركاته
حياك ياحكيم السقيفه هات من طيباتك

[حكيم السقيفه]

الطيبات عندكم ياهل الزامل