01-14-2005, 12:38 AM | #1 | ||||||||
ابوراضي
|
قصيده للشاعر سالم باصره
هذه القصيده للشاعر المبدع سالم سعيد باصره
شاعر كبير غني عن التعريف اعجبتني وحبيت ان انقلها لكم ارجوا ان تنال اعجابكم
إلاهي ياوسيع الفضل وجزيل العطيّه=ملك الكون بيدك ونت على الأمه وكيل
سألتك في الحياه الفانيه عيشه هنيّه=وفي يوم القضاء رحمتك والغفران والوجه الجزيل بحق من نال في جنتك درجه معتليّه=وميّزته بطيب القلب والحال هو والخلق الجميل سراج الليل ذي جلّى ظلام الجاهليّه=ونارت منه الدنيا وهي من جهلها ظلمه وليل سلامي من صميم القلب صادر وتحيّه=على موطن ترابه مسك غالي مانبدل به بديل كناني لا رعد راعدة في روس النشيّه=وضل الراس لاشرقت شموس الصيف من شمس المقيل مطارح تشرح الأحوال وطبيعه نقيّه=نسيم الصبح لانسنس من الافات يصقلها صقيل وكم ربت من نماره وهيج دوسريّه=إذا تحملن سارن بلفرح ماهو برشخات الصميل سكناها وعشنا في صفى خاطر وطيب نيّه=وذقنا حلوها والمر في الحاضر وفي الزام الدويل ولكن كل ماضي ينطعم مثل البغيّه=باالامه واحزانه تشوفه ذا الزمن ماله مثيل رعاك الله ياماضي سنيني الأوليّه=ويرعى الله ناس عشرتهم قواعدها المروة والجميل على الأطلال ذي صبحت من اهلها خليّه=ذرفنا دمع غالي لو جرى في شعب بايمسي يسيل لأن الولف له في طبعنا قيمه قويّه = ويبقى في الخواطر عندنا موجود إلى يوم الرحيل والذي في الصبح ماننساه لا جات العشيّه=ومن عاداتنا من مد لنا شمروخ نزقل له بخيل نعامل من عرفنا بشروع النامسيّه=ولازم بايصون الولف والمعروف من شرعه طويل ورغم إخلاصنا جار الزمن وقسى عليّه=ورواني صنوف الظلم والتعذيب ذي ماهو قليل يباني عيش في عالمة مجهول الهويّه=ونا معروف مابين العرب لي وزن في الكفه ثقيل ولالوم الزمن والوقت ولومي والشكيّه=على الحض التعيس ذي يقلب الشاجع ذليل وختمها صلو على سيد البريّه=عدد ماسارت الاعوام والاجيال جيل بعد جيل |
||||||||
التعديل الأخير تم بواسطة طالب النعماني ; 01-14-2005 الساعة 12:47 AM |
|||||||||
01-19-2005, 04:41 PM | #2 | |||||
شاعر السقيفه
|
شكرا لك يابوراضي على نقلك هذه الدره الى السقيفه
والشكر موصول للشاعر المبدع سالم باصره وفي انتظار المزيد من اقوال الشاعر باصره |
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حياة (الخائن) علي سالم البيض الممتدة حالة من التقلب؛؛؛؛؛ | الخليفي الهلالي | سقيفة الحوار السياسي | 6 | 02-21-2013 08:18 AM |
اسر ضحايا 13 يناير تقدم اسماء ضحاياها لمجلس الامن والمحكمة الدولية؛؛؛؛؛ | الخليفي الهلالي | سقيفة الحوار السياسي | 11 | 06-02-2011 02:35 PM |
هل نحتاج لانقلاب ليُصلح الحال | سالم محمد باعباد | الســقيفه العـامه | 49 | 03-01-2011 07:39 PM |
الحضارم السلفيون | ابوسعدالنشوندلي | سقيفة إسلاميات | 0 | 12-12-2010 02:24 PM |
|