07-31-2011, 03:40 PM
|
#31 |
|
عميد شعراء سقيفة الشبامي
|
قصيدة الشاعر الكبير بن قطمان
من اتين العامرة دار الطبيعة=من جبل جرزيز من دار الاصالة من ظفار العز والارض الوسيعة=من جبل سمحان ذي ربا عياله من حصون الجود عالشاطي منيعة=من وسط بلدة على اللوحة صلالة دار لا تقطع ولا تعرف قطيعة=دار ربت من رجاجيل البساله رحلتي رحله لها والله فضيعة=من قصدها لازم ان يرتاح باله الهوى بحري وموجاته سريعة=والسحاب المستمر غطى ظلاله شعبها مضياف ماسك بالشريعة=ضيفهم مسرور يمسي في سهالة اللبان انتاجها كلن يبيعه=والمضابي تشتعل في كل حاله والشعاب الخضر بالمرعى فريعة=والبقر فيها وحد يرعى جماله من معه قرشين في خزنة وضيعه=انصحه يحجز على بندر صلالة جواب حسن باقديم عاالشاعر بن قطمان
لو عكست السير وعبرت الوديعه = في الوطن دحقتك عز باطن رماله
حمحم الغربان بااّوديه الشنيعه = خير من حرزيز وشواطى صلاله لو جفافه زاد والآمه وجيعه = والضماء هالكه وتقلس جباله رحمة المولى ومداته وسيعه = يقبل المذنب ولو جارت عماله عمر الدنيا بحكمته البديعه = جلت اصفاته وملكه والجلاله ذاك له فطره وهذا له طبيعه = لو استوت ماجبت حشفه من بقاله يااهل عرمه ماسمع اذني صقيعه = وان سمع بالقي عطب عاكل حاله ذي مدح في ارض غيره مانطيعه = وان مدحها ماخطاء مدحه ضلاله نا ودلي والطبايع في وقيعه = مالها تالي ومخرج للعداله حيث ماغيب وهب ماني تبيعه =ردنا هذا ومضمون الرساله |
|
|
07-31-2011, 03:44 PM
|
#32 |
|
عميد شعراء سقيفة الشبامي
|
( تهنئه بشهر رمضان للمنتدى وللجميع )
انست يارمضان ياشهر المصاحف والختم = والذكر وصلاة الجماعه والتهجد والقيام
ذي فيك ليله من ترقبها وثابر والتزم = باالذكر والصلوات والقران وشروط الصيام وخشع من الرهبه لربه باني السبع الخيم = حسب اجتهادك باتخذ جزيتك من رب الانام ربك يمحص قبل نفخ الصور وابعاث الامم = وعسى ثباته عاصراطه قبل تقطيع النسام حفظ الجوارح والسخاء والبذل من خير النعم = وزيارة الارحام وكرام المساكين اليتام وان مامعك انفاق هلل وابتسامه لاابن عم = ولجازع الشارع تخذ اجرك كما منفق طعام انست ياشهر العباده والتراحم والكرم = والصوم شافي كل داء انست ياطب السقام صوموا على رؤياه والافطار عارؤياه تم = قال النبي هذا عليه ازكى التحيه والسلام قل للجويد بارك الله فيك خط قول ارتسم = خطه لحلان السقيفه واقرهم مني سلام سلام عاالباحث وعامولى الادب والنقد جم = وعلى قطوب الشعر ومجيد المعاني والكلام ولكل مشرف قيم عاعذب القوافي والكلم = ولبن ربيعه مثلهم ماقسم زايد عاالقسام وللمشاهد والمحب للشعر له قدر التحم = ولحاملين الذائقه في منتدى مولى شبام سلام وتهاني بشهر الصوم من عندي زخم = الله يعيده في هنا وسرور عاماّ بعد عام ودي دفركم داخل الفردوس وجنان النعم = ودفر محبيني وقومي والمساكين اليتام مابانساكم بالدعاء والخير ياراحم رحم = ويلوب في قلبي لكم تقدير واجد واحترام كل شعب يرطن باالمحاسن والعزيز المحترم = وبليس له نفخه وله كازوز لا يصوع الانام سلام وتهاني بشهر الصوم من عندي زخم = الله يعيده في هنا وسرور عاماّ بعد عام |
|
التعديل الأخير تم بواسطة حسن محمد سالم باقديم ; 07-31-2011 الساعة 03:47 PM |
|
|
|
|
08-02-2011, 11:42 PM
|
#33 |
|
عميد شعراء سقيفة الشبامي
|
هذه بعض من ابيات في سمره قديمه بين والدنا المتهجس حسن محمد باقديم والشاعر الكبير حسين ابوبكر المحضار رحمه الله واسكنه فسيح جناته باقديم
بابدي باالله رب الكائنه والجود جوده = خالق السبع الطباق العاليه والسافله رب الوجود= والف صلوا عاالذي واعد وصادق عاوعوده = وارتحل لامته وين الناس ذيهم بايصدقون الوعود= المحضار
بانصلي عدما يشرب من القنفان عوده = وانت باتشرب وانا بشرب من الماطروكل شجره وعود = باقديم
من صدق يسقيه من ماطر الى حنت رعوده = ياكريم الوجه تسقينا من القنفان وحنين الرعود= المحضار
في الزمان ( الصدق ) شفهم ياحسن سدوا سدوده = والذي سدوه فتنوا ناس شفهم بعد ماكانوا سدود = باقديم
ياطبيب الباس كافح كل جرثومه ودوده = قبل ماتسري مظرتها لباهادي وبن عبد الودود= المحضار
وانت مثلي لاذبحت الراس لاتشعق جلوده = لاتظن المنفعه في اللحم شف عدها منافع في الجلود = المحضار
لم يزال الغرب باقي ماتخلى من يهوده = والعرب تشكي ويشكي القدس من بطل النصارى واليهود = باقديم
باصبر عاالوقت مابشكي بحره عابروده = في رجاء مولى الرجاء مابغيت قفل باب مامنه برود= والكلام طويل على هذه القافيه ولاكن مالدينا الا هذا المحضار
باسرح من وادي الرحمان ردتني حيوده= والقصور العاليه ذيهي تعز الضيف مابين الحيود= باقديم
مرحبا باالشاعر المحضار لمعاقل جدوده =
من سعاد الشحر جاء قاصد وزاير لامقاطين الجدود = |
|
|
|
08-03-2011, 12:22 AM
|
#34 |
|
عميد شعراء سقيفة الشبامي
|
هذه ابيات من ضمن سمره بين كلن من الشاعر حسن عبدالله برجف العكبري والوالد حسن محمد باقديم البدع باقديم
لوخيروني باختار الريف مابغيت المدينه = راغب حلال رحاب يامغلى المحله في رحاب = برجف
واهل المكلا باتخليهم لمن والناس عينه = من ال بامزروع لا يافع طويلين الشناب = باقديم
لا الناس عينه مارحل بازار لسعاد الزبينه = خلى الحصون المشرقيه للمقدم باذياب = برجف
لا تقفلوا لابواب لايااهل لعقول الرزينه = لاحول لاقوه بغيتوني دخل من ايات باب = باقديم
دار القعيطي واسعه وقفولها عاكل عينه = ياجنة الفردوس ياجهنم تعذبهم عذاب = برجف
الملك يابقديم شف ماهو كما المال الرهينه = وانته ملكت الارض ومعك مال ماله شي حساب = باقديم
ذا وقت صاع الناس والحراث ناشب في البطينه =
وقت المذاري مامعه راحه ولا يوم الصراب = |
|
التعديل الأخير تم بواسطة حسن محمد سالم باقديم ; 08-03-2011 الساعة 12:49 AM |
|
|
|
|
08-08-2011, 11:30 PM
|
#35 |
|
عميد شعراء سقيفة الشبامي
|
هذا زوامل للوالد حسن محمد باقديم
هجسي يرص باالقيد ياالشعار = لو بايفر مابعطيه الشار في اليوم ذا ماله مشوره = يوم الفرح والعز والمقدار = خيم على حوفه وعم كل دار الله يديمه في قصوره = والذري واحد والعمل والدار=ورحاب من حوفه ودقم الكار كل ذري نابت في ذبوره = وان صاب ذريي والعمل باضرار = عصر الفضاء والهاتف السيار ماني وحودي في الخطوره = عمت ولا خصت قرين البار = ولا حموم المصنعه وسرار كل سقف خنه في جدوره =
قل للمشرف حد لك محزور = لا تخالف القانون والدستور شرف قوانين العنيه = في نون عيني صابني شحتور = ماقول من عوره وبحر النور في العين حط مثل البغيه = وانه على عيني مرض وضرور = باجحده ذه ساعة فرح وسرور مابها زلف ولا خطيه = لون النصايح غيث عاشعفور =ماحد رعضها خاطري مكسور وجريح للاه الشكيه =
ماعليها مخلد جيت في جبر خالد = بكسر العظم عن خالد ولابي ندامه يوم واجبك ياخالد شمرت السواعد = كل شيطان مارد باننكس علامه رفرفي ياعلام الجبر والعمر واحد = والجفاء لا نصب خيمته نقفوا خيامه والتراحم نقوده والقلوب الشواهد = والقطيعه مهالك ماوراها سلامه
حيا ببا مشموس بعمر بن حمد = وعيال عمه لا فروع الواديين هذه مقاطينك وسنحك والبلد = والجول ذا خلفه مشاريف القرين في ارضنا قل المجاني والزبد = شتت بريش النوب مولى الوصلتين والعين ذيهي سالمه جاها الرمد = والابن مابلغ حقوق الوالدين
وفيت ماقصرت يابوزيد = دينتني وابشر برد الدين جات المنافع من ذلاق الحيد = وعلى المقصر مابكت لي عين ذا اليوم لي والثانيه في القيد = لاجات عندك بعقل الرجلين جوده بجوده والمنافع فيد = من صانها جاء عاالطريق الزين
بوحمد قال ياالرميان قوتي مكزم = كل حرفوف في حده شدهني زماني
ودي الا زعب للضيف من بئر زمزم = قرصنة ورث ماهي فلسفه باالمعاني |
|
|
|
08-09-2011, 01:50 AM
|
#36 |
|
شاعرة السقيفه
|
قرأت ولي عودة .
يعطيك العافية أخي كريم على قصائد ونال اعجابي الرد على الشيخ بن قطمان . لاهنت ودمت بكل ود شاعرنا الكبير المميز . |
|
|
|
08-10-2011, 01:08 AM
|
#37 |
|
عميد شعراء سقيفة الشبامي
|
قصيده موجهه للشاعر للواقعي
برسل معا الزاجل رسالة شكر وتحيه تصل = للواقعي ذي برق عدله لاح عا اهل الجنوب حقه وله والسر يسري في مقاطين العول = ذي صيتهم فوق البسيطه شاع عن كل الشعوب ودي طلع بك فوق سطح البدر وتجاور زحل = وطرحك وبني لك على سطحه منيعات الغلوب ياالواقعي قدها ونا خلفك وظهرك لاجبل = والكلب ينبح والقوافل ماشيه فوق الدروب والصدق صدقه جاريه والصبر مضروب المثل = سنة محمد تدحر الشيطان وتصد العيوب كل مازرعته ماخفاه الطين يحصد من بقل = لو نحسب الغربان مازرعنا الحميمه في الجروب والنوب لا من نوب يخرج ( والكاعه من فشل ) = والموت ماهو من وجع والغيث ماهو من طهوب بين الرجاء والمرتجى نا وياك نتقطع وصل = بطن المسيبح خاف مانلحق من الشاه العصوب ماني مطول جيتها لا طيف وسقي لي جبل = دور على القرضه لحقته بعضهم يرشن بشوب يتبادلون المدح حرفتهم وقيرهم عسل = كتابهم مرقوم ظهر الغيب من كثر الذنوب جواب الواقعي
قولك يصم الراس مثل الهيل لي خلطه جفل=يسعا له اهل الكيف وامن اجله يخوضون الحروب [/QUOTE]حمامك الزاجل بتاج الفخر عا كتفي نزل=والصدق له ومضات نلقطها برادار القلوب لكنني للغز يا صاحبي ما حصّلت حل=فكّرت ثم فكّرت من صبحي الى وقت الغروب دامك معي .. حصني قوي .. والساس ما صابه خلل=مثل الجبل صامد ولا هز الجبل عصف الهبوب ما يدخل الميدان في جنب البطل غير البطل=في حلّها ما يهمرون الموت واصناف الخطوب واللي يقبل كف ثم يدعي عليها بالشلل=حاسد ونار الحقد رشنت وسط جوفه في صلوب كل وقت له ناسه ولاهل الوقت ياصحابي دول=عاد الأمل بالله والعاصي مصيره با يتوب بعض العرب في داخل الغبّه يقصون الدقل=والبحر له ربان يعرف وقت موجه والسيوب والسوق ماهو سوق لا غابو عن السوق الدلل=هم ينخلون الذري لا قد كثرت اصناف الحبوب والختم يا ستار جنبنا المزالق والزلل=وارزقني التثبيت يوم الحشر لا ماشي هروب هذه القصيده للوالد حسن محمد باقديم
ياريت لي سلطنه ونفوذ مثل الدول =باحط قمر عاسماء بندر عمر والجبل ذي ينقل الصوت والصوره لنا في عجل =من بافويلخ وعبدالله علي باالجدل قومي وسعفتي غابوا واوحلوني وحل =غيبت ذييب عاكشيشه قطبوها وصل وان كل غائب معه حجته قال المثل =حجة صحابي ضعيفه كل باب انقفل ذي واعدوني وخلفوا زعلوا بي زعل =ياريت واحد على وعده ظهر واستقل واعطى وخذ كان ماجاه العتب والفشل =حسبوا المواعيد سهله يارجال القبل والوعد ذمه وسلفه عاالرقاب الثقل =سلك التلف والعذار البارده والحيل خلت حسن في رصيف الشرج في معتقل =ذي قيدوني بموعدهم لقوا لي جدل ذي مر بجنبي وانا عاالوعد في معتقل =ماهو على الرجل شفته مار في بو عجل لاسئلت قالوا تبادالك وناظرك زل =كلن بهرجي تلكع يحسبوني خبل ولا هبل مافرز العنبر وعود القفل =ياباطل البطل من هذه القصص والحيل والناس اجناس كلن له طبيعه ودل =حد كحل للعين والثاني مثيل البصل قولوا لهم خاطري ميدان من ذي حصل =قلبي كما الشاش والخاطر عليه العسل كل ماوصلني زفاه الريح روس العقل =حب التسامح ولبس المؤمنين الوكل من نعمة الصبر يااالضامي بحفنك نهل =والعفو والمعذره عند الخطاء والزلل من فضلكم واشلوني عاالتسامح وشل =لاتشاغبوني وانا مشغول بااكل السقل واحمده واشكره منه ماقطعت الامل =لارخاء بيدي ولاشده تجيب الزعل يااهل نهلول والخطمان هي والسيل =عادتنا من وراء شيباننا لم تزل تسرح وتضوي معي يامردفين القبل =عاالورث ماقول فاسي من هراوه نصل سالف وعاده على القانص لبدوا الجبل =كل من سمع قرحة البندق من الطست كل ونحب اشعاركم ان هذا الحظه تهطل امطار غزيره عامدينة المكلا رحمة خير وصلاح
|
|
التعديل الأخير تم بواسطة حسن محمد سالم باقديم ; 08-10-2011 الساعة 01:38 AM |
|
|
|
|
08-10-2011, 03:08 AM
|
#38 |
|
مشرف سقيفة الأدب والفن
|
مهما قلنا في حقك ياااستاذنا باقديم..
قليل ,,مانقول الا الله يعطيك العافيه لي عوده |
|
|
|
08-12-2011, 01:05 AM
|
#39 |
|
عميد شعراء سقيفة الشبامي
|
 (( هذه القصيده للوالد حسن محمد باقديم )) مهداه للسيد الحبيب حسن عبد القادر البار وللجميع
الحمدلله الذي رحمته وسعت كل شي = وخزين فضله والعطاء ماينقفل عاالسائلين
ومنها الرحمات تنزل والدرك عاالادمي = تدركه اين يكون لاهو في البحور الطاميين دركت على يونس وهو باطن شوى الحوت الذي = داخل غبب يسبح يعاصر في موج تدحن دحين فتح ثمه وسرطه عافاقه ودبر ينطوي= وقال هذا رزق لي اتابه الحق المتين فااّوحى اليه الله ين هذا الذي كلته نبي= لاغير قر حيثك فقه تطحنه في بطنك طحين فتقبل الحوت النداء وقذفه عاشاطى خلي = وخرج معافى سليم من حكمت الآه العالمين ودرك على هاجر وعااسماعيل باالبئر الذي = ماها دواء لاسقام وعلاج الصواب الغامقين دبر ولا تكلم وخلاها في الشعب الخلي = لاماء ولاموانس ولامأكل يغيث الجائعين وجرت وراء براهيم وتخاطبه بعباره وهي = الله ذي امرك تتركنا في الظرف المحين فااجابها واستودعته الواحد الفرد القوي = ويسودها ايمان واطمئنان باالحق المتين تركت ولدها واعتلت تسعى على مورد هني = وشواط معروفه لنا واجب عليها سائرين رحمات ربك والعطايا والنعم ماتحتصي= نحمده حمد كثير مايحصاه عد ومحاسبين واثني وصلي عاالنبي ذي ماشهر مثله نبي= يابخت من صلى وسلم عاامام المرسلين شفيعنا في يوم نحشر والخلائق تلتقي = بصعيد واحد في صعيد الحشر مره واقفين وخشعت الاصوات للفرد الكريم المعتلي = والشمس هبطت والعرق صباب من فوق الجبين فهو امام الانبياء وصاحب الحوض الهني = له القمر نصين شق والجذع له زاد الحنين وهناك يوقف سيد الوقفه وهو نعم النبي = انا لها انا لها ماحد لها غيري ضمين يسجد ويرزقه المحامد صاحب الفضل الغني = واذكار لم تطراء على مخلوق في دنيا ودين يسجد ويااتيه النداء ارفع وسل ياالهاشمي = وسل تجاب واشفع تشفع ياامام المرسلين ويقول يارب امتي اوزارها ماتحتصي = وانت العفو عفوك وغفرانك عبادك مذنبين الله ينفعنا بحبه والرتب ذي تهتوي = في جنة الماوى منازل كرمت الحق المتين واثني على ابوبكر والفاروق وعثمان وعلي = اّله واتباعه وصحبه خلفاء الراشدين يوم الاحد ليلاّ رقل عظمي وصبت دمعتي = الساعه احدى عشر ونص قاصر ربع ياالسامعين عاشبكة النت صورة الاقطاب دهمت ناظري = وذكرت اسلافي وناسي والقطوب الصالحين منهم قضاء نحبه ومنهم باق دوره لم يجي = وطريق مدحوقه عسى مخرج من الدنيا حسين فاجئتني باالقطب عبدالقادر الشهم الوفي = واعضاي ركت والدمع صبت غدى ليلي حزين نجم انتقف عاشعب دوعن غدر الحيد الشبي = والحمد له والشكر لسنا عاقضاه امعارضين موزعي من مثواي غادر والسلف يابوعلي = راحت منابري العليه والرجال الوافيين قد كان بوحامد جبل للباديه في كل شي = وله مواقف في الشدايد تمحي الفعل المشين قل للخلف نهج السلف باقي ولا بايمتحي = وباديتكم عاالعوايد والسوالف قابضين وحسين بن بوبكر مافقده الشريط الساحلي = ولا القويره والخريبه والصروم النايفين حسين فاقده الوطن وانا فقدته صاحبي = لاشفت له صوره سكب دمعي وجريت الونين رثيت بن بوبكر في منشور سابق اولي = ودعاي له ماينقطع باالخير كل ساعه وحين وللسلف دي غادروا ندعي لهم من خاطري = من الدعاء مابقطع الاحياء وذيهم ميتين كلين قسمه في المشك مطروح في اللوح الخفي = والموت حق وعسى المخابي خير للناس اجمعين في الصوم قيدنا الهواجس والطرب مايهتوي = كن الصور فكت صراح القيد للهجس السجين والعفو من هفوه بقافي ماتقنها هاجسي = سماحكم مطلوب وحنا لا خوه متسامحين |
|
|
|
08-12-2011, 01:52 PM
|
#40 | ||
|
عميد شعراء سقيفة الشبامي
|
شكرا على مرورك ياالهلالي بارك الله فيك يانسل لاجواد
|
||
|
|
 |
| مواقع النشر (المفضلة) |
|
|
|
|
العرض العادي
