عبر عن شعورك ولو بكلمه

[اصيل]

خلني اعيش حبي الوحيد
خلني احبك من بعيد
حتى لو قلبك لغيري تمنحه
حتى لو دمعي في عيوني تلمحه
خلك سعيد بدنيتك
وانا .... سعيد بشوفتك
بس الرجاء ... كل الرجاء
قلب المحبه لا تجرحه

[اصيل]

من قال فيني عيب والله ظلمنــي
فيني ثمان اعيوب والتاسع الطيب
والعاشر إليا من رفيقي زهمني
أسوق له عمري وأسوق المواجيب
والصاحب اللي بالمراجل هزمني
هذا الذي ها الحين يقرا المكاتيب

[اصيل]

دنيـا الهـوى جنـة ولكـنّ تلحقهـا ملاحيـق
ان ما حصل فيها وصـل عـودت نـار ٍ لظيـة

ولولا الهوى والشوق ما ضاقت صدور المخاليق
ولولا الهوى ما صـار للعمـر طعـم وقابليـة

[اصيل]

يبقى الرجا لوزدتني هم وبعاد

ويبقى الغلا لو ضيعتني صحاريك..

صحيح عن فرقاك ماني بمعتاد

لكن غلب وقت الرجا في حراويك..

"واللــه"

لو روحي على المـــوت تنقاد

مانسى غلاك ولاني اليوم ناسيك..

[اصيل]

ذَهَب كل الكلام وفضته يوم السكوت نـحاس
قبل ما أشوفك أشوفك نهر من منبع عــذوبه
أحبك من زمان(( البرد)) .. أحبك من زمان اليأس
كثر ما أصحى من أيام الوله وأدخل فـ غيبوبه
تجي مثل العزا بعد العزا في غيبة الأعراس
وتروح اشبه بـ دمعة فـ الورق بـ الصمت مكتوبه

[اصيل]

تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبهجرها وبهجر كل شخص لي يطريها

[اصيل]

لامن سمعته يغرد باخر اشعــاره ....ويهمس باذني تهلل كل اساريري
ابيات شعره سحاب تمطر امطاره ....يسعد فؤادي يبعثر لي تعابيري
لاقال احبك غرامي تشتعل نــــاره .... اموت لاجله فدى وأشعر بتقصيري

[اصيل]

هواك ولهفتك والضحكة اللي في عيونك كذب * تحاليت القصيدة في سماي وجيت تسرقها
غشيمٍ تحسبن في هالزمن باقي حنان وحب * من اوّل للهوى شمسٍ غفت في حضن مشرقها

[اصيل]

لاتحسبني يوم تبعد ابرجيك

ان جيتني حياك وان رحت عادي


ماتفرق اصلا لو يجيبون طاريك

ولا اسمعك لو صرت جنبي تنادي


خلاص مااحبك والا عدت مغليك

مسكين لو فكرت تسكن فؤادي

مجنون لو علقت نفسي انا فيك

ماابي محبة من يدور بعادي

[اصيل]

بمسح دموعي واذكر الله وأصلي & والله مابه شخص يسوى دموعي
واللي نكرني وراح خله يولي & ما طاح من صدري أخف لضلوعي