02-28-2012, 02:05 PM | #1 | |||||
شاعر السقيفه
|
ولكن الذي شفته يخليني حسب لخطار
هرج صاحبي كلمه في المحف وقال بابادر = وكل من بيتكلم باللقي روعه هو المبدار
أنا ما قول با الفرقة ولا هي لي على خاطر = ولكن الذي شفته يخليني حسـب لخطار سمع ياصاحبي لول وإنت الثاني والعاشر = بغينا الخبز بالحاله بلا فلفل ولا عشار وكم ياليل باتطول وانا الا حاسبك قاصر = نثر ذا الليل بايطول وليلي فيه دون نهار وانا ويش عادني باقول في ذا وقنا الغادر = ولا قدها كذا ما باحسب عاصاحبي والجار جهلتوا ويش ينفع حفظ بعد وريت للعاثر = وانا لا جيت باتكلم تقولوا لي انته معثار عدن والكود باتشكي من اللي منكم ظاهر = وعاد الشحر والبندر وياكم تشتكي أمصار جميع الناس تتكلم ولا حد في اليمن طاهر = ولا سمعت المحطه حقهم بتقول ذولا خيار حكمنا جيش في الغالب عجم وحبيبهم باقر = حسب انه كسب والكسب ماهو في حديد ونار وحزب الله في لبنان يتأمر ويتآمر = وإلا كيف بايحصل على اللي كان واللي صار يغض الطرف كل واحد عرف بالحكم الجائر = لأنه ميقدر يعصى كلام الحاكم الجبار يخاف اليوم عالكرسي وبكره رب ياساتر = من اللي صار ياربي ستر يالله ياستار ولا تقولون لي ما اليوم كل واحد يقع شاطر = لأن الناس في الدنيا جميعا كلهم شطار وبختم يارفيقي قبل هدّم كل شي عامر = وبادعي ربنا يستر على الحجاج والعمار |
|||||
مواقع النشر (المفضلة) |
|
|
|