02-25-2002, 11:31 PM
|
#1 |
|
حال جديد
|
عندك رغبه في الزواج ...؟؟ مالك امل ....!!
منقول!!
----------------------- نزل أحدهم على البدوي ضيفاً يريد الزواج من ابنته فقال له البدوي : أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟ الضيف / تفضل . البدوي / وش الشيء اللي يضرك إذا أرتفع وإذا أنخفض ؟ الضيف / هذا الله يجيرني وإياك والعروس ... مرض السكر والضغط . البدوي / ما لك لوا ... هذا سعر البترول . طيب ... من هم اللي يكرهون المطر ؟ الضيف / ما أحد يكره رحمة الله . البدوي / فيه طال عمرك ... المسؤولين اللي في البلدية ! الضيف / وش السبب ؟ البدوي / لأنه يزيد عليهم الشغل وتطلع فضايحهم والناس يدعون عليهم . طيب ... من هو اللي يصلي النافلة ويترك الفرض ؟ الضيف / المجنون . البدوي / صدقت ... هذي الموظفة اللي تخدم الناس وتضيع زوجها وأولادها وبيتها . طيب ... وشو الشيء اللي تسمع به ولا تشوفه ؟ الضيف / هذول الجن والعفاريت , الله يحمينا وإياك والعروس . البدوي / قرّبت ... هذي الميزانية اللي يأكلونها الجن والعفاريت . من هو الملك اللي نزل من عرشه وضيع شعبه وأشتغل سوّاق ؟ الضيف / هذا سؤال صعب . البدوي / أبداً هذا بسيط للي يعرف الواقع ... هذي الحرمة اللي تشرد من بيتها وتطالب بسواقة السيارات . وش الدولة اللي فيها رئيسين ؟ الضيف / ما فيه يا خوي حتى الملعب وهو ملعب ما فيه إلا حكم واحد وعنده مساعدين البدوي / شفت إنك ما أنت داري بشي ... هذي بيوت اللي ينادون بمساواة المرأة بالرجل . طيب ... إذا بغيت معنى كلمة عربية وين تدور عليها ؟ الضيف / في لسان العرب أو القاموس المحيط . البدوي / ما عندك سالفة ... بوش على الذمة , ما تشوف كيف فسر لنا كلمة (( إرهاب )) وكل العالم وافقوه إلا طالبان . الضيف / أجل , الله يستر لا يجي اليوم اللي يفسر لنا فيه معنى التوحيد والإسلام ! البدوي / طيب ... وش الوردة اللي ما تستخدمها إلا إذا ذبلت ؟ الضيف / أصلاً إذا ذبلت , ما عاد يصير لها قيمة ! البدوي / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل !! طيب ... منهم الأبرياء اللي يجوز قتلهم ؟ الضيف / ما فيه . البدوي / هذول ... المسلمين , ما تشوف لما قتلتهم أمريكا في أفغانستان , و قالت حنا ما يمكن نقضي على الإرهاب إلا بقتلهم , وافقهم العالم كلّه حتى المسلمين , لكن لو إن المسلمين قالوا ما يمكن ندمر اقتصاد أمريكا إلا بقتل الأبرياء مثل ما صار في مركز التجارة العالمية , كان عارضهم العالم كله حتى المسلمين , وهذا اللي صار مع إننا ما قلنا شي . إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه بالواقع )) وبعدين البنت باقي تدرس وعمرها لا زال 35 سنة وباقي صغيرة على الزواج !! 
|
|
|
02-26-2002, 10:38 AM
|
#2 |
|
مشرف
|
هههههههههههههههههه
ومن بغى يتزوج بدوية عمرها 35 سنة وعادها ما كملت الدراسة D  ،، شكلها بدوية مثقفة هاهاهاهاها حلوة يابوعبدالله :p :p اخوكم / وسام باسويدان الكندي  |
|
التعديل الأخير تم بواسطة باسويدان ; 02-26-2002 الساعة 10:41 AM |
|
|
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| احصا ئيات عن القران لا تفوتكم معرفتها | باحرس1970 | سقيفة الحوار الإسلامي | 30 | 10-14-2012 12:40 AM |
| الأ فعــال عـظـيــمـة الـتـأ ثـير ؟ | خذني معاك | الســقيفه العـامه | 10 | 07-26-2011 03:03 AM |
| البراء بن مالك رضي الله عنه | الروافد | سقيفة الحوار الإسلامي | 5 | 07-20-2011 03:28 PM |
| الأ فعـال تــتــحـــدث ؟ | خذني معاك | الســقيفه العـامه | 2 | 07-05-2011 11:19 AM |
| الأ جـداد والأ قـارب المسنون ؟ | خذني معاك | سقيفة المرأه | 2 | 06-25-2011 10:05 PM |
|
|
العرض العادي
