08-25-2012, 06:03 PM
|
#1 |
|
شاعرالسقيفه
|
جلسة العيد في مجلس عمر الذيب .
قال حنطبه :
ياعيد حيابك = خبار اهل الوطن ماتشرح الخاطر وكل ماقد حصل نكد على سالي = يحن لى ارض فيها كاسبين الجود والمعروف ياالزين ماصابك = من عيون الحسد ذي تقطع السابر وانته الا بري من سلطة الوالي = وبيجيك الفرج والعين عدها في فرح بتشوف واديك وشعابك = يحن قلبي لهن لكنني صابر على الغربه وذكرك دوب ع بالي = واتمنى رجع لكنني ع فراقهم مكلوف ذره من اترابك = وورقه من غصون اشجارك الزاهر لهم عندي ثمن ياموطني الغالي = كثر من مال بن لاذن وباشنفر وبامردوف واقف على بابك = أنا المسكين يابالجود ياقادر تسهل أمرنا وتحقق آمالي = وتصلح ماخترب في ارض دمرها الطمع والخوف سنتك وكتابك = لنا منهج في التشريع ومصادر وقائد وحدوي ع الحق مايبالي = يساوي بيننا في كل شيء في الدخل والمصروف يالعيف من جابك = دمرت المال ذي له كم سنه عامر لقيت الأولي في الترقيه التالي = ولاهو ع الخبل يمشي على العاقل غلب مايطوف اهلك واصحابك = بغوا منك عمل ياالفاهم الشاطر ولاحد يعتمد ع البيض والدالي = وشف ماشي مغطىء ع الجنوبي كل شي مكشوف حضرتك وجنابك =يشوف الناس في الاسواق تتدافر ولكن البضاعه سعرها غالي = من التجار مكسبهم في الحاجة البسيطه الوف قال سبع الليل (أبو جمعان ):
لا تحرق أعصابك=عزم ياحنطبه وعبر بخط صافر مثيلك قال بوجمعان بيصالي=نصيف الله في عامر وصالح بن عمر شرغوف يادار مسخابك=يحلك مرتشي ويهينك الكافر ثلاث ارباعهم تركي وصومالي=ولا سيب الذي هم من قداء امريكاوجربتشوف قال حنطبه :
لو قلت لي مابك = انا بقول لك حظي ردي عاثر من الحسره على تغيب دسمالي = ومن تمر الصقاطر والمديني ذي صبح مقطوف سلفني اسلابك = وبنعود سوى ع الخط نتقاطر وبحلف انني مافارق اجبالي = ولو عودت للغربه حسبني آدمي مهتوف المجد يزهابك = نعم ياموطني ياعزي الفاخر تحدى الاجنبي لو قال ياحلالي = بملي متر من ارض البوه الشامخه لأنوف قال سبع الليل :
يا مسهل أطلابك=علي بالعهد لا ما قلت لك حاضر معك ياصاحبي في سلم وقتالي=عشان العز بانقضي على كل مرتشي ملقوف مقبلك وذهابك= علينا كالقمر والنجم لي سامر سمر ياحنطبه عارغم عذالي=وسل عاخاطري شفنا كما راعي الثقل مقصوف سيّبت لي سابك=وسبته في الهواء للزخي والعاكر وسبت الزاد والمزناد لعيالي= رفيقي مانبدل به بدل مهما قست لظروف قال حنطبه :
مابكشف احسابك =وعدني بادفع من مالي الوافر وخذ من مامعي ثلثين من مالي = وانا لي الثلث ون غلق اسحب لك على المكشوف ركز في اعتابك = على مباحث عدن وجنود وعساكر بغوا وضع اليمن بالغصب فدرالي = ولابغوا وضع عند أهل القيم في مجمله مألوف ذي بدلوا احجابك = ولقوا لك طلاسم زود العاكر وسابوا عبيد حم وسط الخلا الخالي = بغونا الا تبع ع كيفهم تحريكنا ووقوف تدنيس محرابك = على يد العميل الخائن الغادر حذر منه وقل له الشال ذا شالي = إذا اشتد الشتاء بتشوفني ع الجول به ملفوف اردم بقلابك = بياري يوم دلوي حبله القاصر افي وقت السناوه ماعطي امجالي = يخليني حنب والمال من كثر العطش محسوف قال بانصيب:
لاتزيد اعجابك = بنفسك عاد جوفك وسطه النافر اذا مسكوك لاعمي ولاخالي = يجوا وقت الدرك ويبعدونك من قريب النوف قلل في خطابك = كتب بالمختصر النافع الباهر نكر لاتقول ذه قصتي ومقالي = اذا نقدك رصاصه قاتله من داخل الشاخوف قال حنطبه :
النخب في نابك = فقه لاتجيبها سد العرب صاقر ولاهندي ولابيفيد بنقالي = ولو شافوك ع السكه يعبروا ع المدحمل روف والقمل في ثيابك = ومن كثر الوسخ كل يوم تتكاثر اذا بغيته يهب قلد تغسالي = بيا الغسه وبالصابون بو علامه الحمامه دوف ون طالت اشنابك = قصه بالمقص من قبل لاتغادر ولو شافوك بيحسبوك ايطالي = من اصحاب اللحاء خافك تبيت ع جبل مخطوف حمبصك وقنابك = لاتجيبه هنا خله لبو عامر في الوادي العوج باوصي اعيالي = يحرسونك من اسهام العداء ورماحهم وسيوف بعطيك اتعابك = اذا قصيت رأس الفاسد الساحر وانا ماخاف وظماري على جالي = يجوني لارعد وسط النشيه فوقنا وقنوف قال حنطبه :
باقطب اشذابك = من العلب الذي ع الساقيه حادر وباخليك تسمع صوت سركالي = تبيت تندوح لما تنذي حبك المنسوف لاناخت إركابك = أنا بمسك خطام الدوسري الفاطر معي صحبتي في الترحال ورجالي = ولك كلما بقي حتى جواني قطننا المندوف قالت عيون المكلا (أم عبدالله ): ياشعب نوابك على الحايه الصغيره دوم تتشاجر وبين المر مايفرقون والحالي ولاجتمعوا بنيه صادقه يوم القمر مخسوف واسباب احزابك بمدح الفاسد المغرور والخاسر يجعلونه بطل وعفيف ومثالي وماتحتاج له سيئون يسوونه لاهل الجوف قال حنطبه:
نيزكك وشهابك =على بلاد العوالق ذه سنه مامر تفجر قبل مايوصل لمسيالي = حماني الله من عين الحسد ذي ماتحن وتروف يامجري اسحابك = تقرب رأي بامنصور لباناصر وذي هو في المكلا يشبك اذبالي = تجي له صاعقه وتشل اركان البنى وسقوف قال بانصيب:
عولك وغرابك = يقولين الحقيقه وانت بتكابر وخلك مثلهن في القيل والقالي = ولاتساوي العطب يابوعمر في قيمته بالصوف مدحك واطنابك = يفوق الحد وانته محترق حائر بقوه كاسحه تهجم على مثالي = وانا مسكين لا عراف لي مثلك ولاسنقوف قال حنطبه:
لالعبت بكعابك = لعب معهن ولو روعك نزل بادر دعيني لاتسكت باجيب عمالي = يشهدوا ان عينك ماوصلها منهن اقذوف لاحد تعنابك = تلقي له لوك وهروج وتخاطر بنفسك وأنت في صداقتك طوالي = وذي نفرك من جارك طلاسم ماكنه وصروف قالت عيون المكلا : أهلك وانسابك يسكنون المدن ووجودهم ظاهر وبالمعوز بلاغتره ولاعقالي وهم بدوان قد حلوا مغاره في جبل وكهوف كبرت مخلابك ولاسويت شيء والبعض تتآمر وأما العولقي ماقال افضالي عليكم واضحه ياناكرين الجود والمعروف قال حنطبه:
ماحجيت خطابك = ولاغشيت حد بسلوبك الآسر وقولي بيشهد ع كل افعالي = ولاتأثر ولاهتز منها ذي خضبت لكفوف يالعيف اسبابك = تحملت الأذى والقوم تتناحر وأنا صابر وساكت ماشكي حالي = حسبت الجود بايثمر وبانجنيه بالمردوف ارميت اقطابك ؟= وتبغاني دخل في البحر ونغامر وأنا بدوي على نشرتي وجمالي = سرح وضوي وتعجبني صوات الدان والمدروف قال بانصيب:
باعوم دهبابك = حذر يالعولقي تسكت ولاتبادر ومن شان القضيه كل بمكيالي = وشحم البربريه ماكفا كله صبح مغضوف مازلت في شبابك = كلامك في محله يعتبرنادر كما التبر الحمر وزنه بلقفالي = وطعمه كالبغيه الدوعنيه في السقاء وقروف قال حنطبه :
طيرك وذيابك = يحسفون الغنم ولعاد حد قادر عليهم يردعون الخصم بالآلي = ويبنوا سور من سيل الشتاء يابوحمد مجروف صدقت نهابك = وطلعته إلى الروشان يتفاخر وفرقت اليمن لجنوب وشمالي = وذي هو صف واحد ينقسم بعد التعب لصفوف وبعيد ع شنابك = تقسيم الموحد شعبه الظافر على حدوده حرس من طيش جهالي = ومن افراد ماتفكر يردون السهب معكوف قالت عيون المكلا : الخوف ينتابك وفي كشف الحقيقة ليش ماتجاهر وغيرك قال آثاري واطلالي عليهم أسم جدي واضحه لعيونكم الحروف كسرت اكوابك وتتأثر بنقد الصامت الصابر كلامه كان في تقدير واجلالي ينبهكم طلوع الفجر وظهور الغسق وكسوف. |
|
|
08-25-2012, 08:37 PM
|
#2 |
|
المراقب العام
|
مساجلات رائعة ,
من شعـار كبار وما يحتاج , كانت كالعيدية لنا , شكرا لك اخي بانصيب , تم التنسيق . ارفع لكم القبعه احتراما وتقديرا . Support |
|
|
|
08-26-2012, 05:41 PM
|
#3 | ||
|
شاعرالسقيفه
|
لاشكر على واجب وكمان نرفع لك القبعه على الحضور والتنسيق |
||
|
|
|
08-26-2012, 11:57 PM
|
#4 |
|
حال نشيط
|
خوي حنطبه جهدك مشكور ولكن غلبت الكميه في شعرك وشعر الثانيين على النوعيه
فيه كسور وملاحظات اذا الله احيانا يمكن نوضحها لكن مثال بسيط فقط الشطر .............................. وورقــــه مــــن غــصــون اشــجــارك الــزاهـــر كيف تقول اشجارك الزاهر بدل اشجارك الزاهره؟ ارجو التوضيح وغير ذلك |
|
|
|
08-27-2012, 02:51 PM
|
#5 |
|
حال نشيط
|
اليوم حصلت خمس دقايق ورجعت لهذه الجلسه بعين ناقده وطعمه كا شف يابانصيب .................................................. اذا نقدك رصاصه قاتله من داخل الشاخـوف<<<<< كيف يشتل هذا البيت وايه معنى اذا نقدك ايضا هذا الشطر كيف يشتل .................................................. ............ وطعمه كالبغيه الدوعنيه في السقاء وقروف |
|
|
|
08-27-2012, 03:19 PM
|
#6 | ||
|
حال نشيط
|
نرجع دحين الى المقطوعه الاولى للأخت عيون المكلا
المقطوعه كل بوها تحتاج سبك واعادت صياغه ................................ ياشعب نوابك على الحايه الصغيره دوم تتشاجر والا دوب يتشاجرون<<< الضروره الشعريه ما تبيح للشاعر تانيث المذكر وايضا ............................. ولاجتمعوا بنيه صادقه يوم القمر مخسوف <<<<<< قصدش اذا اجتمعو بنيه صادقه ينخسف القمر ما هو يـــــــــــــــــــــــــــــــوم القمر الخ ثلنيا ارجو ان تركزين معي على الجمله الاتيه واعتبريها نثر ما هي شعر ...................................... واسباب احزابك بمدح الفاسد المغرور والخاسر يجعلونه بطل وعفيف ومثالي لو حذفنا كلمه اسباب اللي هي حشو تصير الجمله .................................... و احزابك بمدح الفاسد المغرور والخاسر يجعلونه بطل وعفيف ومثالي <<<<< كده الجمله اوضح ولها معنى لكن راح عليش الوزن  قمتي حشرتي كلمه اسباب
|
||
|
التعديل الأخير تم بواسطة رحبة العين ; 08-27-2012 الساعة 03:26 PM |
|||
|
|
|
08-27-2012, 06:00 PM
|
#7 | ||
|
شاعرالسقيفه
|
كلن يزنح من ريمه يارحبة العين وبايجي المقدم وبايرد بماعنده . |
||
|
|
|
08-27-2012, 06:03 PM
|
#8 | ||
|
شاعرالسقيفه
|
له له له ...موزون وبحط سمعتي على الوزن والمعنى ــــــــــــــ اعني ان نقدك اي كلامك في الاخرين مثل الرصاصه القاتله المنطلقه من شاخوف معاد يبغالها تفسير كلام بنقحي كمايقولون . |
||
|
|
|
08-27-2012, 06:06 PM
|
#9 | ||
|
شاعرالسقيفه
|
برضه كلن يزنح من ريمه وباتجي عيون المكلا وباترد بماعندها ولكن شهاده لله ان الكلام بتي ولافيه عتب ولكن الكمال لمولى الكمال ماحد خلق متعلم . ومجمله ومشكوره يارحبة العين على الحضور والنقد حتى لو هو نقد برصاص (فشنك ) برضه احترم الاراء وكل واحد له تفسيره ومعناه وفهمه . |
||
|
|
|
08-27-2012, 09:48 PM
|
#10 | ||
|
شاعرالسقيفه
|
برضه مشاركه للاخت عيون المكلا
|
||
|
|
 |
| مواقع النشر (المفضلة) |
|
|
|
|
العرض العادي
