كل طير وخل طير

[سبع الليل]

أبديت بسم الله بافتًح بواب مسمره=سهران طول الليل بابيًت كما النجم السمير
سالك تثبتنا اذا جانا الاجل والغرغره=وتحفظ اهالينا من الغاصب وكل غاير مغير
صلاه عالهادي محمد عد سحابه مبشًره=صلى عليك الله يالمختار يالنور البشير
سلام من شاعر لكم ياهل الوجيه المنوره=وعالذي هم ساكنين القصر والحصن النوير
ذا فصل سافرنا من المشقاص لما بربره=جينا بغينا البربري قالوا سقط في عين بير
وفي دار بن عيمور حصلنا الحبال مزرزره=دقيت عاباب الوزاره ماانفتح باب الوزير
كلمه معي باقولها لو هم عطونا المشوره=لكن مصيبه باتشاور من مقدم او مشير
ان كانها الكلمه لصالحهم عطوك المخيره=وان كانها الا ضدهم أرجع لربك واستخير
وألا وقع لك دوغ في وسط السجون وصرصره=والله يعلم ايش بعد الصرصره لك بايصير
وفي مصر والسودان بحر النيل ملقي عنتره=وعيال حسنيه وبشرى تحاذفوا تيراَ بتير
هذه عرب متعاكسه تبغاء لبوها صنفره=كل ما هدت لوضاع قام التيس يشرع بالصفير
المؤتمر مقبل وقمة بن عمور محًضره=ما شي جديد لي بايجيبونه غثاء كله وضير
لوحه على بوهم يحبون التعب والسرسره=والفخر مثنات الفنادق وفلقحه فوق السرير
وحضرت البواب والسايق يحب المديره=قل له على من باتمدير وانت من فوقك مدير
خيراتنا واموالنا بيد النفوس المضمره=أيش بانسوي طالما الحكام ما فيهم ضمير
والله شو ما شي عداله في ميادين الكره=كل ما طفينا كير رشنوا حولنا سبعين كير
فرقه قفاء فرقه وياريت الفرق مطوره=ذالا حسد ما بينهم كل طير بايوكله طير
الحاصل ان نحن وقعنا في زروب مكسره=في ناس ما بايفرزون العلك من عود الكسير
والديك لي يصرخ سكت بيضه طرحها مسيره=خلاء عيال العول فرت بعد ماكانت تسير
ياريته الا ماصرخ كان الامور ميسره=وتسهلت بقعه علينا والعكي اصبح يسير
ظهورنا تعبت من جور الثقل والحرحره=نسحبل الرذله قفانا ما نسحبل شي حرير
اما الحرير الزين ظهروبه عيال الهوبره=لي نحروا الناقه بجنبيه وهبروها هخبير
وبالفاس والساطور والسكين فوق الحنجره=وبعد ذا كله ذلحن أمات كشه بالحجير
ظهرت علامات القيامه مصغره ومكبره=لاحت في الافاق قدام الصغير والكبير
أستغفروا ياناس وكل واحد يشوف المنظره=ينظر الى وجهه يراجع في الدفاتر والنظير
تحاسبوا وتسامحوا والعفو عند المقدره=لا تستبدلونه بشي والله على كل شي قدير
والختم باصلي على من عزه الله وبصًره=في الدين والدنيا رعاه الله سبحانه البصير

[بدر لجهر]

كلام والله بديع من شاعر مبدع


لك العافية يا سبع

[طالب النعماني]

احسنت يالغالي وعدت ووفيت وعدك
قصيده رائعه لاينقصها التثبيت

[طالب النعماني]

احسنت يالغالي وعدت ووفيت وعدك
قصيده رائعه لاينقصها التثبت

[علي فدعق الهاشمي]

ســـــــــــــــــــــــــــــــــــــــــــــــــ ــــــــــــبع اللـــــــــــــــــــــــــــــــــــــــــــــــ ــــــــــــيل

الله يرعـــــــــــــــــــــــــــــــــــــــــــــــ ـاك ويعطيك الــــــــــــــــــف الـــــــــــــف ملـــــــــــــــــــــيون عافـــــــــــيه ع الابيات المتمـــــــــــــــــــــــــيزه الواقعــــــــــــــــــــــــــــــــــــــــــــ ــــــيه .....

دمـــــــــــــــــــــــــــــــــــت ياالاجـــــــــــــــــــــــــــــــــــــــــــو دي بخير وعافيه

[لهيب الشوق]

مشكور يالغالي
كلام جميل وابداع متميز والله يعطيك العافيه

[سفير الوادي]

كالعاده اخي السبع قصيده رائعه جدا جدا
مثل سابقاتها
دائما مع المبدع المتمكن نجد ما نريد
لاتحرمنا اخي السبع من الجديد والمفيد
الف شكر
من اعماق قلبي احيك.

[عمر خريص]

هكذا هي حالنا نعم اخي سبع الليل
ولكن هناك فجر سوف يبزغ واشعته الان تدغدغ الافق
فلا ياس ولا استسلام .. وكفاح حتى النصر
دمت اخي

[عامر باتيس]

انشهد انك سبع
ماقصرت وقصيده رايعه ايها الغالي
وننتضر منك المزيد
وشكرا

[مجمل]

احسنت يالسبع ابداع في كل شي منتظرين المزيد من نهر الشعر