(((((الدان)))))

[الوزيري]

ياهل المغاني هجرتوالدان والمغنا=ياريت بنعود لة وان رتب اسمارة
ونجيب من صافي القيفان معناها=كلين يسجع بصوت الدان

[البكري]

لا جل الدان انا با قصد وباتعّنّى ### ماباعجز ولوعاراس قاره
خل النفس مع السمّارفي هناها ###باتهنّا وبادن دن مع الالحان
هاجسي اليوم بايحسن المجنى ###لي من فنون الدان واشعاره
كلن بهايغنّي ويطيب له مغناها ###وبايردّد بها العاشق الولهان


البكري

[سعيد محمد علي عبود باوزير]

هاجس معي يالوزيري يحكم المبنا =حيث المعاني قويه يبني افكاره
ومن الجواهر ينقي ماس مغلاها =واسقيك صافي عسل جردان

[أبونمر]

الدان له لحن ياريتك تسمعنا =منه مقاطع على قنبوس كنداره
ساعات تمضي علي وايام عانها =في خيمة الشوق والأشجان
مبطي من الدان والمدروف شوقنا=والعود باقوم له باقطع اوتاره
ماهي عوايدي ذه عاده كسبناها-=مانا متيم بها قلبي ولاحبان
لايالوزيري معك مهما تودعنا =مابافتك منك من حاره الى حاره
مادام عادك معي لفنون باعطاها =قانونها لأنني فنان بن فنان

[معبد]

حى الله ابيات من شاعر لها معنا = يرتاح قلبى الى قد جاتنا اخباره
نسم على خاطرى واهموم جلاها =انستنا يامجلى الهم والاحزان

[البكري]

لاياصاحبي الحين خبّر واسعدنا ### بذكر الدان والحانه واسراره
انت اليوم تذكرناليالي قد حييناها ### في صفا بين الاهل والخلان
بسأل المولى عسى الايام تجمعنا### مع اهل الدان وجميع شعّاره
وصفحة الماضي مااليوم فتحناها### وباننظم الشعر بجميع لوزان


البكري

[الوزيري]

حيا بمن جاء على الداعي وواصلنا=لة مني القدر والترحيب مقدارة
معكم نشيد ركان الساس مبناها =وانمده القاسم على لركان
الهاجس الي معي هولي متعبنا =ماينقدي ياصحابي شاعلة نارة
لاقلت لة مابغيت الدان ثناها = ويقول قدلي زمن عطشان

[البكري]

ليت يالوزيري بانتمي في سلانا###والشعر ذافن ماهو شطاره
لازم يتم ختم الشطر هذا بناها ### نون الف ها الف يالحلان


البكري

[أبونمر]

يامعبد الوقت فرقنا ويجمعنا =لكن عسى ربنا يتكتب لنا زياره
تتحقق الأمنيه ذي نا تمناها= ونشوفكم يارجال الجود والأحسان
البعد مروع وكثر البعد روعنا =ولعد فوالتي نفعتني ولاشطاره
ايام وسنين في حاله نقضيها =من فرقة الناس ذي حلوافي الوديان
طاوعت نفسي ونفسي ماتطاوعنا=ننسى محبين لي في الغيل والقاره
وايا م ماتنسي لي طول مانساها=ذاكر لها من وعدنافي الصباء خيبان

[أبونمر]

ذي باتوله معه مابايولهنا =لايالوزيري كلامه شغل وتجاره
ونا التجاره ترى ماميل لالاها=من يوم مابادخل فيها ضوي خسران
انا نحب السلى شفني وتعرفنا=انته ومعبد وتكفي منكم إشاره
لاجاتني بافهم مابانخلاها= من فوق اذني تمرلوكانني فهمان

ماعليه يالوزيري وسعنا الربط قليل وحررناه في المقطع الأول والثالث حتى يطلع كلام على الكلام