من شعراء الباديـه

[طالب النعماني]

شكرا للاخ بالليث جزيل الشكر
ونرجوا من الاخوان المشاركه
وخاص الاخ طارق بن حيدره ندعوه للمشاركه وان يكتب كل ماعنده من اقوال الاوليين هنا

[مرعي صالح بن سميدع]

الحلقه الخامس
وضيف الحلقه الشاعرالمرحوم / احمد بن سالم بن علي بن عبد بن سميدع
ولد الشاعر في قرية الشمريه السفلى بصوط ال سميدع وكان الشاعر قدوه لمن بعدة من الشعراء ويتحلى بالاخلاق الحميدة وكان ذو حكمه و من اعيان المنطقه وله من القصائد الشعبيه عدد منها في المهجر وبعد عودته الى ارض الوطن ،،،،،،،،،،،،

[مرعي صالح بن سميدع]

لازلنا مع الشاعر احمد بن سالم بن سميدع

وهذه القصيده للمرحوم بعد عودته من ارض المهجر

بوعمر قال في هذا الزمان انقلابه=كل ماقلت قاصر طال عاده وطول
كان هاجس معي واليوم قفلت بابه=سامحوا واعذروا من بعد ماقد تقفل
قد حسابي معي منه وهو خذ حسابه=شي من العام حاسبني وشي عام لول

[طالب النعماني]

شكرا للاخ مرعي بن سميدع
على استضافته الشاعر المرحوم احمد بن سالم بن سميدع

وهذه القصيده للشاعر بن سميدع

ببداء بذي في سماه الشمس منصوبه=تشرق وغابت ولما الصبح لاقد بان
لايالله اطلبك واعط العبد مطلوبه=يامالك الملك ياقادر على ماكان
يارازق الطير عالجنحين والنوبه=تجني مجانيه لاسرحة في الخليان
كلن برزقه من المولى وتركوبه=والرزق مقسوم مابين انسها والجان
رزقه مسبر على ذي مكتلف دوبه=ماهو على حد خلافك ياعظيم الشان
يارب لاتاب عبدك تقبل التوبه=تصلح جميع العمل لازان والا شان
وان جار ذنبه عسا انك تغفر اذنوبه=يالله معونتك يابلجود والغفران
جارك من اهل السبب والحسد والغوبه=واهل السياسات ذي ماترضي الرحمن
الظاهره طيبه بيضاء ومقلوبه=والغابيه كنها الا من حمة هرشان
لاتعاجوا اثنين ثالثهم فرش ثوبه=سلقه على بير والقوا دحقة العميان
يعطيك عروه وقد عروته مقطوبه=وانته مصدق وهو مبلي من الشيطان
لنواك للذبح والا التاليه صوبه=ماتدري الا وصوبه حز في العظمان
شفرته للحم مسنونه ومشطوبه=يقطب اللحم مايقطب بها العيدان
اتقول من معنقة بلجيك مصبوبه=رصاص ذي من معانقها يجي حمسان
ملا عسى اللطف من بلواه واصقوبه=ينهاش ياذا الطيور السود يالغربان
وبعد قم يالمعنى ظهر مندوبه=حاشيها ماخلق مثله في الحشوان
ذي مابداء شدها الجمال محجوبه=تبرك مناخ الجرب والغش والقردان
من بل لقموش محسوبه ومنسويه=او هي تربة وترعى في جبل سيبان
واجزع في العين يسقيها من اشبوبه=لاقده رؤس المناشي حنت الرعدان
في صاط باحفص باتجزع ومذروبه=ذي كنها الصقر لاعمد على الجنحان
يوخذ طريق الضليعه فوق مركوبه=لاتضوي الا القويره منقع الحقان
عالباخريبه على فصله وماجوبه=سلام عالشاب والشيبه وعالغران
ذي من ضواه العتب يجلون معتوبه=فوق الزبر والمخالع تضرب العمدان
قل جيت من صاط مسقي بالكدر دوبه=صاط ال على ذي من اول في الزمن ذي كان
لاصاح صياحهم يلقون لبلوبه=تقول ينثر من المعلم كما الصران
واليوم قدها بضاعه جات مقلوبه=بارت جميع البضايع ذي في الدكان
ولعاد راس ارتفع مطلع وعزوبه=سارت شبيه الحنش في كيس بن علوان
ان عاد شي صوت ثاني باتغنوبه=والا صبرنا على القبصه من الثعبان
تميت قولي وكلن سار في شغوبه=والختم صلوا على الهادي بني عدنان

[طالب النعماني]

نامل من كل الاخوان المشاركه
ومن لديه اي قصيده للشاعر بن سميدع
او غيره المجال مفتوح للجميع

[نايف باتيس النعماني]

تسلم تسلم يابوراضي
والله تعبت وانا ادور للموضوع هذا
ماحصلته الا في الصفحات الماضيه وان شالله اني عند وعدي يابوراضي
ولك ماطلبت مني سوف اكتب قصائد الشيبان الي عندي ابشر
والدعوه عامه للجميع
وخاصه طارق بن حيدره مطلوب قصائد بن عكعوك
ومرعي بن سميدع مطلوب تكمله للقصائد حق احمدبن سالم
وجمال العطاس وبوطارق والشعف وحلتم الطائ وكل حلان ورواد السقيفه
والاخ عبدالله الجعيدي ورياض باشراحييل وكل الاخوان
الموضوع فعلا جميل ويستحق الاجتهاد

[طارق صالح بن حيدره]

ابشروو ابشروووووو يا الشعااااااااااااااار
والله عادني الا اول مره ادخل هنااااا
لكن ابشرو بادور قصاااايد لبن عكعوووووووووك ولغيره ولا يهمكم
تحيااااتي

[طالب النعماني]

وهنا نوجه الدعوه للاخ الشيخ وباقي شعراء الباديه ان تكتبون مالديهم من قصائد الشيبان
وذالك من اجل الحفظ والتوثيق ان شالله

[سالم بادحس]

مشكور يابوراضي على هذا العمل الجميل
ولكن عندي اقتراح بعض القصائد مغربله بالون الازرق الغامق ماقدرنا نقراها من اللون
ارجوا اعاده النظر

[بدر لجهر]

هذه القصيدة للشاعر المغفور له باذن الله سالمين بن عوض بن عمر باتيس (بوحمد) قالها في وفاة الشاعر سالم بن محمد باتيس (بو راضي)ويعتبر الشاعر بوحمد شاعر المناسبات ورغم قلة قصائده الا انها غنية بالمعاني السامية.
ارجو المعذرة اذا كان هنالك اخطاء ،كما أرجو أن تنال اعجابكم مع تحياتي.
أخوكم:بدرلجهر