اقتباس :
المشاركة الأصلية كتبت بواسطة عبدالله الجعيدي
[ مشاهدة المشاركة ]
|
=ارحل
تغير كل شي وأيام قلنا وش يغيرها = بدا تغييرها هذي السنة من ساحة التغيير
ولي في الأسر ما ضنيت حد يقدر يحررها = بعيني شفتها بالعافية تنعم وبالتحرير
سنين القهر ولّت واختفاء كل من يناصرها = وغابت شمسهم لي يفرضوا عالمسلم التنصير
عبر زام المكايد والحيلّ واللي يدبّرها = فقد عقله وسمعه والبصر والوعي والتدبير
وساعات الهناء بعد الشقاء هلّت بشائرها =بها الشجعان بالدم الحمر قد بشروا تبشير
سنين العمر لي متبقية قالوا بقاصرها = رجاجيل المعزة والشرف ما عندهم تقصير
مكاسبهم لنفسه ما بغينا حد يجيرها = لان بعض المواقف والحجج ما تقبل التجيير
مواقف تعجز الأقلام والأحرف تسطرها= على بيض الورق من كُبرها ما تقبل التسطير
وديره تحتكم للشرع ربي بايطورها = وبايحفظ ملك طيب تقي عنوانه التطوير
وبايُعمر مساجد عالية فيها منايرها =بصوت الحق تصدح فالسماء والعلم والتنوير
وبايهدم عروش استفحل الغش في دوائرها =دوائر فاسدة فيها يديرون الحيلّ تدوير
عظيم الشان من سابع سماء وحده يسيرها = وللنصر المؤزر عالعدو خلا الجيوش اتسير
معمر غرمت به والكتائب لي مسخرها=لنفسه .سُخرت في ليبيا ضد الغبي تسخير
وزين العابدين اللي بلاده ما يقدرها =فهم من بعد عقدين ان له موطن بغاء تقدير
وحسني لي سيوفه فوق خلق الله شاهرها=به الأحرار في مصر العروبة شهروا تشهير
عصابة من قراء وإلا سمع عنها يكفرها = وقال ان ذنبها لاتغفره توبة ولا تكفير
منابرها بغت واصنامها حمله تكسرها = عليها ثاروا اللي يصدرون الأمر بالتكسير
بنفسه يمسي الشيطان فالمقعد يسامرها = وهي في حضرت ابليس اللعين اتسمرت تسمير
قضت عالنبت والاشجار باكرها وصاغرها =وصغرت واستماتت عند كل ما يجلب التصغير
حقائقها جليّة ما بغت عالم يفسرها = درس علم البلاغة والفلك والطب والتفسير
وارض الجنتين استبشر العالم بحاضرها = ومستقبل بهي له حضّر الشعب الوفي تحضير
من اهل الرجس ربي لازم انه با يطهرها =كما طهر ثراء مكة وطيبة منهم تطهير
وبايقلع بن ادم همه الأكبر يشطرها =لان هو من بذر بالعنجهية بذرة التشطير
أراضي في جنوب ارض اليمن يصبح يمترها=ولخوانه يمتر فيك يابحر العرب تمتير
جنا عالشعب . وآماله في العزة مدمرها =ومن دمّر بلاده وأهلها يستاهل التدمير
أمم كانت عزيزة من مواطنها . مهجرها = على الرضّع حكم لي ما يخاف الله بالتهجير
بجنب اغلب إشارات المرور الآم ناظرها =سببها المبتلي بالنصب من صغره وبالتنظير
بشر بالبلطجة هيّج في الدنيا مشاعرها = وقد بان الخلل والكسر في كرسيّه والتشعير
بني صهيون ارحم من عصابة هو مسخرها = لقمع الابرياء سخر عديمين الشرف تسخير
وعاده قال عدادات حكمة با يصفرها= نسي ان شعبنا مايقبل التمديد والتصفير
ينادي بانتخابات الخلايق ماتعبرها = لها رشح عرب سقطوا في الإملاء وفالتعبير
إرادة شعب كامل في صناديقه يزورها = ومن مال البلاد الطاهرة ينفق على التزوير
ملايين الدراهم في اقل من يوم يهدرها =ومليارات ما تحصى هدرها في سنة تهدير
ومنظومة فساده لي على جاله مكبّرها =عليها الشعب كبّر في ميادين الشرف تكبير
يعشّيها من أموال الوطن وألا يفطرها =نهايتها دنت لي فطرت كل قلب حي تفطير
سقط جسر العمارة لي على الباطل معمرها= وبعد اليوم فيها ما بظني ينفع التعمير
فعاله لو سنه يقعد لخلق الله يبررها =شناعتها وكبر آثامها ماتقبل التبرير
وآخر مايقول الشعب للفتنة وباذرها =ولك يامن تبذر مالنا عالبلطجة تبذير
رحل ( قووو اووت ) امشي انقلع خذها من آخرها = يريد الشعب تنزيلك من الكرسي بلا تاخير
= شعر/ عبدالله مبارك بن لجذم الجعيدي
|
تسلم شاعر الجعده ووادي عمد صح لسانك