قالوا تعقل

[علي بن طالب الحامد]

قالوا تعقًل قلت مـــــــــاني بمجنون
وشلون يعقل مـــــــن غرامه عذابه

وشلون يعقل من يحب ظبي مزيون
وشلون يرضى زين حضـــــرة جنابه

جميل فايق ع المهاء وصـــف واللون
وكل الظبى تعرف جمـــــــاله تهابه

ياريت مـــــــــا غيري انا واياه بالكون
وياريت مـــــــــــا كتبوا لغيري كتابه

يهتز قلبي عنـــــــــــد طاريه محنون
ويحن صوته مثل صـــــــــوت الربابه

والله احبــه ان كــــــان بالحب تدرون
واعشق تراب سـار فوقه مشى به

اهواه انا بالحيل كم صـــــرت مفتون
يدرون عن حبي كـــل شلة صحابه

ساكن فؤادي ســـاكن العين والنون
وسط الحشـــى يغرز لخيمه طنابه

يا لائمي في عشـــقته بالله تكفون
ليا مت دفنوها اعظـمــي عند بابه

عربون عودة للسقيفة واعضائها
آمل ان تنال رضاكم ابوطالب

[علي فدعق الهاشمي]

الله الله ياسسسلام على هالإبداع والتميز عندما يكـون الشعر بهـذا الإبداع يكون الجميع منصت ويترقب الجديد بشغف وعلى أحر من الجمر قصيدة جزله من راس جزل تشفع عند مـدة غيابك عنا صح الله لسانك اخوي علي والله لايهينك ياغالي ولايهين غاليك لك تقديري وودي

[ابن المقفع]

بارك الله فيك