يالطيف

[سبع الليل]

ابديت بك يالله يامعبود ياواحد احد=الشرع بينته لنا وتوضحت كل الحدود
ياخالق الدنيا وخالق كل مافيها وجد=انت الالأه الواحد المعبود في هذا الوجود
الف صلاة الله عامحمد عد هبات البرد=وعد ما هبت رياح البرد وازدادالبرود
وألأل والاصحاب للاسلام هم قوه وسد=بالعزم والايمان هدو عاقويات السدود
سلام من شاعر مثيل السبع يزأر والاسد=على جميع الناس ذي شبه النماره والاسود
خذ من خيار القول ياسامع وفهًم من قعد=مالليله ألا في السمر باسمع الناس القعود
تعاملوا بالصدق في ما بينكم خلو الحسد=عيفه دلولك يالحسد شله تشلك يالحسود
كثر المجالس والمقاعد لي تقع بين السدد=والقيل هو والقال فرًق ناس قدكانوا سدود
لما نصاف الليل والداعي يلهله ما رقد=ما هو سواء منه يصحي ناس تعبانه رقود
كل من شبع يتحامد الله ان ركع والا سجد=أذكر الله ياأبن أدم في ركوعك والسجود
الجيد ما يخلف كلامه لا هذف وألا وعد=والمشكله ذا الوقت ماحد ناس توقف عالوعود
خيره في السلطان مانفعت قنابيسه شرد=عاد الربابه لي لها صوتين باتصبح شرود
غشمور في حلقي مضايقنا وملقي لي نكد=ماشي دواء حصلت له ياخسها حاله نكود
دار الفلك يابو محمد شل عياله وأنفرد=القافله وصلت وعسكرها يحملون الفرود
عاد البواخر مسقفه بالزين والغالي ورد=أكياس مشحونه من المطبوع والباقي ورود
شغل الكويتي ما سبر في السوق شله بالعمد=قالوا خماسي بايره دينار مثناته عمود
جاءنا من الباكر يهددنا عصاء بيده وهد=نحن هنا نخطب وصاحبنا تعشًوه اليهود
والبحر في السودان لي حذف بهاموره جمد=حتى السلاحف لي تحرحر صبحن فوقه جمود
هذه دلايل وأضحه وانت ياشاهد شهد=بعد الكسوف باتحصل أشياء جم تذهل بالشهود
زلزال في أيران وبايعقبه فيضان أستعد=ورياح وعواصف ترد السالميه لبن****
وتحوط البحرين والميناء شياطين المرد=ورجت الدوحه كبيره مثل رجات المرود
والعفو يالخوان ماحد بايخثم في عبد=ولا بغيناء بومزاحم يشتكي من بو عبود

[علي فدعق الهاشمي]

ســـــــــــــــبع الليل
المتميز في قـــــــوله وفعلــــــــــــــه دايماَ تتحفنا بالشــــــــي الجديد والمتميز بالوعــــــــــظ والارشــــاد الذي ينتفع الجميع من هذه الاقـــــــــــــوال الطيبه فلاعـــــــــدمناك ياحميد المساعــــــــــــــــــي .

اسجل اِعجابي الشـــــــــديد

[أميرة الوادي]

كما تعودنا منك يا سبع الليل أن تطرق أشد الموضوعات أهمية وحساسية

بأشعار مضبوطة ، تتفنن فيها بكل جوارحك

حتى ترسلها قنابل موقوتة تزلزل عروش الطغاة .

وبعدين الله يستر من تنبؤاتك الخطيرة ..

والله يحفظك !

[عمر خريص]

حيا الله سبع الليل
قصيدة مفلقة رائعة
تحياتي لك ياغالي