قصيده للشاعر حسن باقديم الى الاستاذ الكبير ابوعوض الشبامي

[أبوعوض الشبامي]

.


شاعرة السقيفة ( أم عبدالله ) بنت المكلا تأبى إلا أن تشارك وترد على الشاعر حسن باقديم بقوافي ماضيات بواتر لها حد لا يفتر وبلسان حال يقول :

من سواحل مدينتنا تصلنا الجواهر = والدرر شك عاديباج غالي سعاره
من حسن بن محمد جات مثل الزواهر = في عتيم الليالي للسقيفه إناره
لايجامل ولاهو من يبيع الضمائر =مابقلبه على لسانه وخالي الاثاره
في الصراحه وهرج الصدق ماحد يحاذر = من جعلهن سلوكه بانحدد مساره
من يطارد ورى بكره غريبه وفاطر = تاه وسط الصحاري مايعود لداره
القوافي ترد مثل السيوف البواتر =بعض اشعار منهم فارسين المداره
بيدهم شعلة الاحقاف فوق المنابر = في المحافل لهم تميز وبكل جداره
والسقيفة بقت جذوة تراث الاكابر = شاعله مانطفت من بعد سدل الستاره
عالذي قدم اتراثه ودائم مثابر= السفير المهم لو ماحتوته السفاره
عندنا يعتبر احسن من الفين كادر = النياشين له زائد رقيق العباره

ــــــــــــــــــــــــ
اختك ام عبدالله

.

[باسعيده]

اقتباس : المشاركة الأصلية كتبت بواسطة أبوعوض الشبامي [ مشاهدة المشاركة ]

. شاعرة السقيفة ( أم عبدالله ) بنت المكلا تأبى إلا أن تشارك وترد على الشاعر حسن باقديم بقوافي ماضيات بواتر لها حد لا يفتر وبلسان حال يقول : من يطارد ورى بكره غريبه وفاطر = تاه وسط الصحاري مايعود لداره .

فعلا من يقلد تراث غيره ويترك تراثه وثقافته وادبه يتيه وتضيع دياره منه ,بيت يعادل قصيده لله درك ياغالية والشكر موصول للجهبذ ابوعوض على نقل درر لمتصفح الشاعر الكبير باقديم .

[باسعيده]

يابوعوض من فيين تجيب ذي الجواهر والدرر ؟ كلما مسكت حايه تفحسها وتنضجها عيني عليك بارده .

[أبوعوض الشبامي]

اقتباس : المشاركة الأصلية كتبت بواسطة باسعيده [ مشاهدة المشاركة ]

يابوعوض من فيين تجيب ذي الجواهر والدرر ؟ كلما مسكت حايه تفحسها وتنضجها عيني عليك بارده .

هذه جواهر ودرر من مساهمات شعراء السقيفة المعتمدين والذين لهم في مجال القصائد المسرحات باع طويل . ومن شعرهم يتعلم بقية الشعراء ...!!


.

[أبو ألعباس]

صح لسانك

[بافنيدين]

ياعمدتنا قصيدة الجعيدي ماتطلع معانا في اكثر من جهاز هناك يمكن مشكلة لما حطيتها شف لك دبره بغينا بانشوفها

[أبوعوض الشبامي]

اقتباس : المشاركة الأصلية كتبت بواسطة بافنيدين [ مشاهدة المشاركة ]

ياعمدتنا قصيدة الجعيدي ماتطلع معانا في اكثر من جهاز هناك يمكن مشكلة لما حطيتها شف لك دبره بغينا بانشوفها

هذه القصيدة للشاعر عبدالله الجعيدي

اقتباس : المشاركة الأصلية كتبت بواسطة أبوعوض الشبامي [ مشاهدة المشاركة ]

ولازالت خيول الشعر مسرجة ، الجمتها بيد كبار شعراء السقيفة ، يمتطون ظهورها ويقودنها حيثما شاءوا ، ويوجهونها كيفما أرادوا ، كل شاعر له وجهته وله هدف ينشده ، والجميع متفقون على إدانة كل قاصر يأتي للدنية ، وكل فاسد محتال يتخذ من الخسة والواضعة سلوكا مشينا له ، ويلجأ للنصب والإحتيال طريقة للسطو على أموال الناس . من على صهوات خيول الشعر المسرجة ينطلق شاعر السقيفة عبدالله الجعيدي يقود البيان والمعاني ، وعلى ذلق كل حرف نستشف فيه طعنة توجه لمن يستحق الطعن . مرحبا قول من شاعر يهز المشاعر =نظم الأبيات لي ماشي كماها شعاره فالصفوف الاوايل طول الأيام ظاهر =ما خلف يوم عن صبر الشنف والمدارة يعشق الشعر من صغره ويبنى عماير = لنتهى من عماره فيه حط في عماره هرج متقون قد جابه يفض المنابر =يختلف عن هروج اهل النكد والقواره من وصل خطه المغري وانا بات ساهر =كيف جوب على شاعر يحب الصدارة واستعنا نهار السبت هذا بشاعر = لجل يهمز مقص بندقه ويسوق ناره ياحسن فالزمان العيف شفنا مناظر =مثل ماشفت واكثر وانت عاراس قاره كيف لو شفت لي طالع علينا ونادر =مامعه شي خلاف الخطرفة والصواره من يحط القدم والناس خلفه تدافر= كل واحد بغا يجلس دقيقة جواره رحبوا به وفرشوا في دروبه حراير = والتعاشير له من كل قرية وحاره وان دخل شيخ للمجلس لقوا صوت ناير=حد يسبه وحد يرمي عليه الحجاره والذهب بار والالماس فالسوق باير=والنحاس ارتفع سعره وشكل تجاره نخلنا فيه ما باقي خلاف المثامر=والمذنب من اول ما سمعنا خباره واحسن المال في سومه ثلاثه مكاسر=والسواقي ملانة بالحطب والقذاره ضيعونا قلال الخير في خط صافر = سعف سواق ماله فالسواقة مهاره مامعه في وسط موتره مفتاح تاير =ماكذب كل من سماه سواق طاره والادب ضاع واهله كلهم فالمقابر= من ذكرهم لهم فالشهر يلقي زيارة بعدهم تحزن الاوراق هي والمحابر =عالقلم لي نقص وزنة وقل اعتباره لاغرب نجم يظهر في سماء الجهل زاهر = والسبب مدح بعض الناس له ياخساره مايقولون ذا راسب وهذاك شاطر =ويل من كانوا أصحاب الجهالة ضماره كم نصحنا وحاولنا تفوق الضماير =من سبات استمر معهم وزاد انتشاره طال تاريخ بالابداع والعلم زاخر = فيك ياموطن الحكمة ونبع الحضاره واصبح العيف متربع وفينا يحاضر =والمواكب على يمناه والا يساره والمثقف صبح مزقول ما حد يناظر =فيه بالعين او فكّر يعيد اعتباره اهـ في اهـ شف قلبي على الظلم صابر =حيث مد النظر ماشوف غير الحقاره وانت مثلي عيونك دمعها مثل ماطر =لا سبل دمر الوادي ونقّر شجاره الزمن ماتغير .مثل ماكان سابر =مابدا يوم ليله قال بسبق نهاره من تغير هم أصحاب البقش والمواتر =والذي ع الادب شنوا وع العلم غاره بالخطب لي ترددها عليهم حناجر =يحسبون انهم بايمسكون الاماره من تعصر صبح حروي وزين الميازر =ماعرف وين يا بقديم يطرح سباره طاوع الوقت لو ماطاوع الوقت. وآمر =اهل دارك ويالله بك تحصل اشاره منهم يشعرونك بانك انسان ثائر =تعشق الزين اما العيف تبغاء دمارة لاتدقق اذا دققت يمكن تهاجر=من مواطنك لي ربت من اول نماره وان توجهت في ليلة لعربان زاير = شف بعينك ولاتدعي برد الزيارة صاحب الدار لا باخرك خله يباخر = وان سكت لك. سكت منه وقدرقراره باتحصل على موقده براد فاير = من على جمر منه ماتحس بالحرارة شل فيجان لو دارت عليك المعاشر =ان بغيته شرب ولا نذه تحت داره ذا كلامي قبله ان زاد وان كان قاصر =واطلب الله يعجل لاهلنا بانتصاره __________________ اخوكم عبد اللّه مبارك بن لجذم الجعيدي للتواصل [email protected] .

[بافنيدين]

حتى بالاقتباس ماتطلع

[بافنيدين]

واصـبـح العـيـف متـربـع وفيـنـا يحـاضـر=والـمـواكـب عـلــى يـمـنـاه والا يــســاره
والمثقـف صبـح مزقـول مــا حــد ينـاظـر=فـيــه بالـعـيـن او فـكّــر يـعـيـد اعـتـبــاره
اهـ .. فـي اهـ ..شـف قلبـي علـى الظلـم صابـر=حيـث مـد النظـر ماشـوف غيـر الحـقـاره


صدقت ورب الكعبة

[الشبامي]

اقتباس : المشاركة الأصلية كتبت بواسطة المتريث [ مشاهدة المشاركة ]

هذه القصيده للشاعر حسن محمد باقديم مهداه للباحث الكبير الاستاذ والاديب ابوعوض الشبامي قال باقديم من شتنه وروس المعابر = والمنيع الاشم زبن الذيب والنماره في معاقل جدودي والبوه والماّثر = راض قلبي وحبيت الجبل والمغاره قمت الخير والراحه تسود الخواطر = والمعافاه نعمه والقناعه تجاره عندها ماغبط منبي ولاغبط بشاور = والمنامه ولاجده وبرج الاماره بعد ذلحين ياالعاني ركب جيب فاخر = من شبربر جبل عذبه يثج من صباره شل خطي ومضمون الرسالات باكر = قبل تلفاك خت يوشع وزهف الحراره لاسقيفه شباميه ولاصرح شاهر = نال لاعجاب والشهره وحاز الصداره بلغوا باحث التاريخ مافيه صادر = واضربوا له تحيه كامله في حراره عمدت المنتدى منجم من العلم زاخر= عندنا قد غلي شانه وزاد اعتباره حامل الذائقه والنقد باالصيت ظافر = كلمة الصدق واجب قولها عن جداره لامنافق ولامداهن ولاني مساحر = او بحاجة غرض واهداف خلف الستاره لاولا .. لست من هذا الفصيل المناور = لاغشاه الفشل ناور وزاد انكساره لست معني بهذا الشرح بل جيت خابر = واسئل الباحث الناقد واسمع خباره هل مقام العداله طاح والصدق غادر = من صروح الادب وارحل ومحيت اثاّره اوجديد الزمن هدم علوم الدكاتر = فاح فيهم بلاء منزل وباتوا حياره او حديث النبي الطاهر رسول البشاير = داهم الورث واجتاح المقر والاداره رذمهم زاد وبلغن النفوس الحناجر = سرت مزكوم من ريح التتن والسجاره والنجر ياالشبامي تركوا في المناجر = ذي لهم صيت ويعرفون فن النجاره والخريبه كما برهوت ماترد حافر = والحطب من دخل به ماضوى به لداره واهل حبان صنعتهم نقت في الشياذر = من خرج من مسار الاهل ذاق المراره والذيهوا حصل من حجر في اهل صافر = بايتمي شبيه الوقر ذي في الحجاره كل من سار عادروب الشروع القواصر = مامعه فائده دائم وهو في خساره قلتها والجسد والقلب والثوب طاهر = عاوضوء جيت وسرحته وانا عاطهاره مثل ذاك الجبل مابين صادق وفاجر = والعنب ياالحصيني طاب لك في شجاره شي يجي لك وشي تاتيه يااهل البصاير = والمقدر قضاء عاالمعرفه والشطاره باتبع الركب مابازوغ صاعد وحادر = قالوا البدوا كل حاشي يتابع قطاره بازراره لقاء في الشحر ضوله وناير = ياالله احفظ صحاب الشحر من بازراره وان نصحته وذكرته بطاّه وغافر = صابني رذم منه ماسليت الطعاره قلت باحط رحلي عن مثقف وشاطر = خل قلم بوعوض يرسم صحيح العباره لايفرق شبام العاليه من خشامر = والوزاره يفرقها ثنعشر وزاره في سهون الاجابه ناوغيري مناظر = من فكار الذي كلن يخذ من فكاره احبائي المشاهدين اعذروني من التعقيب حيث ماعندي نت اكتب من الشارع وان حدث غلط في كلمه او بيت فهو مني وليس من الشاعر

أنعم وأكرم بك وبأبي عوض الشبامي عمدة سقيفة الشبامي !!
قصيده رائعه ودرّه تفخر بها سقيفتنا العامره أتت من شاعر له باع كبير في هذا المجال !!
توالت القصائد تاليا من هامات شعريه كبيره في صرحنا الشامخ وأبت إلا ان ترد التحيّه بتحيه أحسن منها !!
البدايه موفقه وأسلوب الردود كان أكثر توفيقا ، في تظاهره جميله رائعه !!
شكرا لشاعرنا الكبير باقديم وشكرا للمتريّث على هذا الطرح وأرحب به في بيته سقيفة الشبامي ، وشكرا مرات ومرات لكل مبدع وضع بصمته هنا في هذا الموضوع وشكرا للمهدي له هذه الدرّه الجميله أبوعوض الشبامي !!