بدع وجواب بين بوشحوف والهاجس

[ابوشحوف]

ابوشحوف

ليه شهرين ياهاجسي ماطعت تحضر = كنت تحضر وتسري في سعوف الجماعه
لك عوايد مع الشعار تطلع وتندر = تعرف اشعاب ملحه لي بروس البداعه

الهاجس

كنت لدعيت جيتك وقتها ما تاخر = مثل بحر العرب في قوته واندفاعه
كنت سالي وماذلحين جوي معكر = هكذا وقتنا لاخوك ساعه بساعه

ابوشحوف

بنشدك بس لاتخفي وعلبوري اجمر = حس راسي بشر هت عربتك والمداعه
ايش لي غيرك وانت الذي ماتغير = كلما ادعيت لك لبيت سمع (ن) وطاعه

الهاجس

ليش تبغاني اتكلم وبالسر نجهر = خل سري معي وخل كثر اللكاعه
خاف لاقلت لك تظهر على كل منبر = تفشي السر لي فلبير مبعد بقاعه

ابو شحوف

عذر ماعذر لك لما متى باتعذر= خاف هاجسي لتركته يطول انقطاعه
قل بقول الحقيقه من قيودك تحرر = اعرفك تعرف الواجب وعندك براعه

الهاجس

من فعول الزمن باقول يالله تستر = نزرع الجود مايثمر ولا له نفاعه
كنت وافي مع الصاحب ولاانا مقصر = ماحسبته من الجودات عنده مناعه

ابوشحوف

بان لي هو مخبا فلكتاب المسطر = وانكشف كل شي مخفي وبين شعاعه
جيت تشكي وراسي قال شاعر مكسر = كثرو الناس لي مايحفظون الوداعه

الهاجس

جا بفوطه ولبسته بشيذر معطر = درت فلسوق جبت الا خيار البضاعه
بعد هذا وذا شفته علينا تكبر=مننا يالشحوفي صار عنده قناعه

ابو شحوف

هكذا من دخل فلسوق ماعذر يقمر = كل واحد بطبعه مايغير طباعه
يومك الا وفي مكلوف يالهجس تصبر = والزمن عاد له دوره ولو طال باعه

الهاجس

كم سقيته عسل واسقاني الما مقطر = جاب علقم صبر مطحون داخل قصاعه
ماحسبته كذا شهرين قد لي تحير = انثر الطيب بعض الناس عنده صناعه

ابوشحوف

بختم القول قبل الهرج يالهجس يكثر = مامعك غير كثر دعوتك والضراعه
يهدي الناس والمعروف يبدى ويثمر = يبقي الجود بين الناس فارد شراعه

[صوت سيبان]

كلام مرصص يابو شحوف وقر في حجر
يسعدني ويشرفني المرور الاولي
حجز ولي عوده ثانيه
تقبل مروري وتحياتي

[عيبون]

يسعدني ويشرفني اني اول المارين على هذه الدرر اقوال رزينه والفكره صراحه اعجبتني تقبل مرور اخيك صالح بن هلابي لك خالص ودي واحترامي

[بن احمد]

كفو يابو شحوف كلام نقض وفتل
شفته المره ذي تعبك بكثر الشكاوي ولكنك ماعطيته فرصه كتمته بالتختيم
وان والله كان ودي بالدواء والعلاج الناجع منك ياتقنعه يايتقنعك مادامكم طلعتوا على النقيض
كلام والله وافي من رجال وافي سجل اعجابي يابو شحوف وتقديري لك

[احمدباعجره المشجري]

شـكــ وبارك الله فيك ـــرا لك ... لك مني أجمل تحية .

لجزل مايجيب الا الجزل كلام كلام يابو شحوف نقش في حجر

تسلم يمينك على نقلك لنا هذه المجراه الجميله بمبدعيها

موفق بإذن الله ... لك مني أجمل تحية .

[يمامه]

تسلم ياابوشحوف صج لسانك مبدع

[ميراد باسودان]

بوشحوف
شاعر جزل ومايجيب الا كل شي جزل
محاوره شيقه وجميله تشعر بأنسيابيتها
تقبل ودي وأحترامي

[ابوشحوف]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

كلام مرصص يابو شحوف وقر في حجر يسعدني ويشرفني المرور الاولي حجز ولي عوده ثانيه تقبل مروري وتحياتي

شكرا على مرورك يابورايد وهذه شهاده
اعتز بها ومرورك بمتصفحي وسام
على صدري شـكــ وبارك الله فيك ـــرا لك ... لك مني أجمل تحية .

[ابوشحوف]

اقتباس : المشاركة الأصلية كتبت بواسطة عيبون [ مشاهدة المشاركة ]

يسعدني ويشرفني اني اول المارين على هذه الدرر اقوال رزينه والفكره صراحه اعجبتني تقبل مرور اخيك صالح بن هلابي لك خالص ودي واحترامي

شكرا لك اخي صالح على مرورك واطرائك شـكــ وبارك الله فيك ـــرا لك ... لك مني أجمل تحية .

[طالب النعماني]

كلاااااااااااااااااااام رائع وابداع اوروع من الرائع
تسلم يلغالي