قـــــبل اعرفـــك دنيـاي ضحكــا وتنكــيت = مرتـــاح قــبل اعرفـــك يــازين عــياب ..

[ابو عولق]

قصيده غزليه

قبل اعرفك دنيـاي ضحكـا وتنكيـت=مرتاح قبل اعرفـك يازيـن عيـاب
لكن انا استاهل تسرعـت واخطيـت=اعطيت قلبي وحـش مزقـه بانيـاب
ياقلـب سامحنـي فـوالله حبـيـت=وفديت بك حبـي لابـو خـد جـذاب
ريما شبيه البـدر مايوصفـه بيـت=في مبسمه وحده يبي وصفـه كتـاب
اطالع فـي عيونـه ولا يـوم مليـت=وانسى معاه هموم وغموم وصعـاب
واعشق سواليفه على كـل توقيـت=صوته هو انفاسي ولا عيش لو غاب
عزاه لابو دعـاس ادمنـك واقفيـت=حتى الامـل لـو راح والله ماطـاب
ماله سـوى طبـك يداويـه ياليـت=ترحم خفوقا اه من سهمـك مصـاب
تنزف شرايينه ولـو شفتـه ارثيـت=عدوانه ارثوا له فما بال الاحبـاب!!
وين الوفاء والحب والعهـد سويـت=وينه حبيبي تبخر ياتـرى ام ذاب؟!!
اصممت اذني بحبك لي وكـم عديـت=اشواق-لهفه ومدري وش تبعها كذاب
اسف على حب من دم الوريد اسقيت=اسف ياقلبي وياروحـي وياالاهـداب
عذبتكتم في هوى قاسي ولا اتأنيـت=مايعرف الحب فكركم دمـى والعـاب
يصب مويه على ناري ومـره زيـت=كابتن ولعيب يتلاعب على الاعصاب
اسهر عيوني سحرني لا وبل حاكيت=حاكيت نفسي ولا يرفق بحالة شـاب
كله براءه وصوته فيه انـا انغشيـت=لا ماتوقعـت ذاك الريـم يطلـع داب
الحب بلوه وانـا ياللاسـف طبيـت=ونيت من جرح الامه تعـوي ذيـاب
في حب محبوبي تجرعـت ورويـت=علقم وقلبـي كـان يسقيـه اعنـاب
على نار اتحرى وصالـك ولا جيـت=وان قلت انا اجي لك تسوي لي اعقـاب
مقوى على فرقاك حاولـت ماقويـت=احبك واغار عليك من ريـح هبـاب
ووالله لاقابلـك لـو انـي حيـيـت=وامسك على يدينك وابشرك باعجاب
واحضنك واشكي لك بما فيك عانيـت=واقول ضميني تـرى القلـب لهـاب
ومحد يفرقنـا ولـو كـان عفريـت=لا والذي زينك ما اضرب له حسـاب
ياظبـي صيـادك يولـع بكبـريـت=بحرق بلد لاجلـك لـك الله ماهـاب
هذي حقيقه ثق ولو رحـت تكريـت=والله لاجي لك على رغـم الاشنـاب
هذي هي اشواقي من الـدم خطيـت=حتى ولو فيها على القطعـه عتـاب

وسلامتكم
للشاعر: عادل بن حيدره العولقي .

[ابو مشتاق]

تسلم ابو عولق بس وين القصيدة؟؟؟

[ابو عولق]

تسلم ياابو مشتاق شكل الشوق اتعبك
تحياتي لك وتقديري ارجو ان يعاودنا