12-15-2009, 08:23 PM | #1 | ||||||
شاعر السقيفة
|
مقص الرقيب
رفعت الصوت في خير المواقع = واجمل منتدى ماريد غيره ابو فضل سالم مقصك يالمراقب حاد قاطع = ولكنه يقص قص في شتيره بغيت الشور لك مالك مراجع = ولانته هيج تقدم عالقطيره ولا با تنفعك كثر الذرايع = حبال الكذب عدمانه قصيره لان الصدق مثل النجم ساطع= ولا يخفى على العين البصيره على الجبهات ماتقدر تدافع = ولا يوصل رصاصك والذخيره يدير الظهر لي ما هو بشاجع = يهز سيفه وهو داخل جفيره ابد ما كون له خاضع وطايع = لامره في الصغيره والكبيره قليل الخير لي هم مايرابع = مصيري ماربطته في مصيره ويتصرف بلا ناهي ورادع = وله غلطات محسوبه نكيره من اول فيه متعشم وطامع = ولكنه طلع بايع ضميره عسى شي يالشبامي طب نافع = ترى الحاله يابو صالح خطيره ولابغيت الحجج هي والمراجع = تراها عند باسنبل كثيره المشرفين ارجو التنسيق |
||||||
التعديل الأخير تم بواسطة ابوفضل سالم ; 12-15-2009 الساعة 08:34 PM |
|||||||
مواقع النشر (المفضلة) |
|
|
|