قف هنا وأستقل وأتبع فلول الجريمه

[صوت سيبان]

أنت حبك من الخاطر محبه عظيمه= وأفتخربك وفاخر بك وقاوم ودافع
قدر زايد وفاء من فرد يعشق زعيمه=عشق من صدق ماهو عشق شاري وبايع
والقلم سخره يكتب مأثر قديمه=جف مخزون حبرالراع بين الأصابع
في كتابه لها عندي خٌلاصه وقيمه=من زمان الشبيبه هم وحزب الطلايع
وجبر السار يقبض في ثناياء بزيمه=والمبادي لها دستور عندي ووازع
المحبه حقيقه والنواياء سليمه=بعد مكرهت عنتر هو ومصلح وشايع
ليه تلقي كذا وتسيبني كل البهيمه= في فلاءذيب قال إسعيد مسعور جايع
حضرموت الشرف والعز ماهي وليمه=أو بضاعه تسوقها مثيل البضايع
دونها إرجال قطّاعه وزايد عزيمه=با البرتات وأبناها مثيل المدافع
بايجيبون لك راسه ولحمه وديمه=قولها خامساً وأردف بسادس وسابع
قف هناء وأستقل وأتبع فلول الجريمه=وأحلق الراس لي خطط وفل الجرم ضالع
قبل مسهيل يدفق با السيول الهميمه= ذي غواربه تفتك با الظمر والمضالع
والغشر با يشله لا رعد با الحميمه=باتشوف الشقي فا الدقم نازل وطالع
نرخص الروح من شان الحياة الكريمه=والمهونه لكم لاياترابي الشوارع
والمطالب بغرمه با يلاقي غريمه= واللقاء بينهم بيكون طيّب ورايع
والمكاسب وليهو تحت بند الغنيمه=باتخلوه تحت إعلوبها والمضالع
لرتفع خشم مايصعب علينا لطيمه=يخرس الوهن قدّام الشديد المصارع
الضريبه دفعناها وحق القسيمه=كل زيدي يقدمها رضاء للشوافع
كل واحد يشل عنبه وموزه وليمه=بانفض الشراكه بين كنده ويافع

أخواني المعذره أستخدمت طريقة الكتابه حسب لغه القراءه المبسطه للشعر أستبدلت الهمزه على الياء با الياء الصريحه
لتبسيط القراءه

[بن احمد]

حجز اولي مع عوده غدا

[الواقعي]

لا فض فأك ...لا فض فاك ولي عوده

[علي فدعق الهاشمي]

صوت سيبان تأكد باِنك مفخــرة لقبيلة سيبان انعم واكرم بك يالسيباني نص راااائع من حكيم قصيده رااااائعة جــــــداً بروعة حضورك قصيده متفردة باسلوبك المتفرد المتميز صح الله لسانك وجاد بنانك مزيداً من العطا والتوهج

[بن قطمان]

الصوت الذي يتكم شعرا
صوت سيبان
مساك بالخير ياشاعر القبيلة

والله انك شاعر كبير وكلماتك لها جرس موسيقي خاص

قصيدة مليانه بالصور الشعرية البديعة
لايتقنها الا شاعر كبير

تسلم اخي صوت سيبان على هذة الدرة الثمينه

وتقبل مروري

وخالص تحياااتي

بن قطمان

[سبع الليل]

قصيده رائعه جدا جدا ماقصرت ياصوت سيبان كلام ثقيل وجزل
تسلم الله يبارك فيك ويحفظك يابورايد

كل واحد يشل عنبه وموزه وليمه= بانفض الشراكه بين كنده ويافع

هذا عين الصواب

[الواقعي]

للمره الثانيه اقراْ واقول الله يا بورائد
كل بيت يسوى قصيده

[الواقعي]

(يخرس الوهن قدّام الشديد المصارع)

وما زلت اقراء

[حانى قرونة]

بايجيبون لك راسة ولحمة وديمة

كلام جزل من راس جزل اللة يكثر امثالك ويعطيك العافية

[الوحدوي]

قصيدة رايعة
ومعبره
لن تأتي من فراغ
اسجل اعجابي
وخالص تحياتي
لشاعرنا الفذ صوت سيبلن