من ذاكرة سبع الليل

[سبع الليل]

هذه الابيات للشاهر بكران وصالح ربيع وبومزاحم بدع وجواب

------------------------------------------------------------------
يقول صالح ربيع

ذافصل والثاني ملكت الشاهي الهندي لكم=وملك اربع الف ربيه من الصفراء شبام

قال بكران

الليل ياهاجسي شف كبدي من الشاهي تزف=مروح وطعمه عيف لي ما وافق الناس الحشام

قال مزاحم

احسن ترده في صناديقه الى بندر كلم= العيف يبقى عيف اما الزين في دار السلام
----------------------------------------------------------------------------------------------------
قال كندي

مالليله الا عرس للقنف هو والقنفده=ومن سمع صوت الدخيله قال لا ياثايرات

قال بن عامر
وكريم ياحولاه تبرق في الطهوب المرمده=وانا معي ميزر يجيب الاوله عالتاليات

قال بن عامر
ذا خرج فصل والثاني انا بسالك عن دينك=فروض الوضو كم ترجع وكم للمسلمين اركان
قال له كندي
الا ياعبد مابفزع ولو جبيه رياحينك=وانا محكوم من دمنه ولي قاضي ولي سلطان
قال كندي
خان الامانه صاحب الخزنه ولبعاد ردها=ماعذر ما نرغمه ياناصر يريد او مايريد
ياخير جنبيه ولكنه تفلل حدها=ولا درينا هي سوى من عاج اوهي من حديد
------------------------------------------------------------------------------------
ذا سلامي على البيت الكبير المنور=بيت غالب ولد محسن وله سيط واخبار
سيط له في البحر والبر=قد دك مسقط وبايبلغ الى منيبار
_________________________________________________
قال عمر عيضه
قل لشيخان بانخلط عدم وسط سر=سعيد متبصر وانا ياناس بلقي تبصار
قال بن حيمد
مابعير العصر يابوك قالوا تكسر= من رمى صاحبه دفره يقع له تكسار
_________________________________________________
قال بن جوهر
ذا خرج فصل والثاني جبال الطويله= شي كماهن قداء الساحل في العرض والطول
عاد فيها عول لي ينصبون الفتيله=لا تكوا عاجبل شمسان خلوه مسيول
المهطف ومولى العود كسروا صميله=بايخلون بن حيمد على سهم محمول
حرة الفلفله يابوك والزنجبيله=والفواله ثمرها الا مصاويب وقتول
_______________________________________________
قال له بن حيمد
ماتفند كلامي رح ياذا الهبيله=امز يابس وغيري يمز تمباك مبلول
نعنبوها ريتها بت شيخ القبيله=لا هي الوافيه لقولها خرش وحيول
تشرب الا كرع ماء السيل بطن المسيله=بحمد الله خلق لي راس ويدات ورجول
الطعام الذره لي في الوصر بانكيله=لا يانصر تقمرنا وعاتقول مكيول
مابعيري قوي دايم يشل الثقيله=مامعك قطع للجذنه معك فاس مفلول
_____________________________________________
باحريز قال
يابير مامنش حلاء= كل مانزحنا دلو قر =اولاء لنا قطب السره= يادلوتم في عين بير

قاله عمر بن شيخ
ماقلت شي من غوطها =ذالا الحمه شقت علي =تبغاء سره ستين قامه مابغت وصله عطير
__________________________________________________
ذا فصل والثاني عمر بن شيخ وينه ماظهر=قل له ظهر ياشيخ ورعى الله المروه والجميل

جاكم عمر بن شيخ باخبار المسره لي تسر=لا جاب بطيخه ولا دحرج كزابه نارجيل

قال بن حيمد
ان شي قيامه عالعرب باتقوم=ياناقة السلطان ذلحين قومي=شلي حمول البن والزنجبيل
قال الفتى الشاعلر سمع ياحسين= ياراس عاصي ياصليب القبيله=لي ماتصلك اللايمه والعتاب
شفت المدافع عامدات الخزين=باثور الباروت قبل الفتيله= نبو على البدوي عوض بن ذياب
طبيني حسين وينه عسى جالس ويسمع=ويفتكر في المعاني= ذلحين انا شليت قرشي وبعد ذحين برجع
وعاد لي قرش ثاني= سلام يالعقل ياحد موس=من عند بن حيمد مروه وناموس=ماهي محبه من طرف اللسان
يالعقل فيش الميح والعرض والطول=فيش العويله ناقلين السلاح= فيش الصدف والجواهر واللول
لا تعوجت وحده لقوها سماح
__________________________________________________ ______
سعيد عنبر يقول

ابديت بالخلاق =كم يخلق ويصنع سبحان ربك لي خلق
يخلق على مايشاء= ومن خلوقه تفكر في خلوق المخاليق
قلبي بلا معلاق= خشته العلايق قلبي يسوسي علق
من جنست المعنقه=عليق وهو معلوق وهو باسم الميازر معاليق
ياجيزع المطراق=شليت الطرايق خليت راسي طرق
زقلت بالمطرقه=طريق لقت زهر لا بعاد بقل في المطاريق

قال له علي حمود
قفاهن يقع بالاف والالفين=وفك الحيي والقرش والقرشين
بلغ مايريده من معه قلبي مضبي= وامضبي وشف ذولاك في اللحم يضبون

قاله سعيد عنبر
حسبنا بقسمي وان وقع قسمين=وشفنا لقسمي صافح اليدين
وقرو اللبن ماليوم ياناس ميفي=واميفي وشف ذولاك في القرو ييفون
___________________________________________
بن حيمد واحمد باسويد

قال بن حيمد
جديد معوزي ياحمد عاده ماشتعق=قد دق مسكت وبايبلغ الما زنجبار

قال احمد باسويد
سعيدي على ظهره وانا في خلق=وان عاد ماشي وقع لي يادماري بالدمار


نا قعت في العقل يوم زر الحلق=وانت في الخور بك قشبه تحب الخصار
قال له نا ماخاطبك يازنبيل ملح العلق=نا خاطب الهيج لي حمله ثنعشر بهار
قال له
حد رزقه مطر وحد على شق شق=اهوين ياحمد رشبتك ماهي سبار
نا خاطب الوعل لي شق شمسان شق = من دار زينه ولد ناس الخيار

قال له
ياسعيد ناصر لقيت زاغق وناهق=وباتشكي لمن يوم دراك يات مكوار
قال له
ودارك ياحمد ماعبرت اربع دقايق=شلها السيل خلف لكم موقد تنار
-----------------------------------------------------------------------------
بن حيمد والعيدروس
قال العيدروس

مصر واستنبول عصره ورادي=وارض الملايو مع شربون هيا السواحل
قصبي المسقله= ومن علور الى حدرى عظادي الما هود
قال بن حيمد
معاد الا قول السماء دار والجو رقادي=وانشف البحر يامسهله
يومنا خطوتي سبعين وادي=وان تحمحمت بقعه تنود

[الدور القبلي]

جزيت خيرًا يا سبع الليل وأستغرب لماذا تم فك التثبيت
للموضوع مع أنه تراثي بحت ومزكى من المشرف العام عجبي لهذا !!!!؟؟؟؟؟
سبع الليل يا ريت تتحفنا بقصائد للمرحوم صالح ربيع بلسود وخصوصًا قصائدة الرنانه في الانتقاد .....

[سبع الليل]

اقتباس : المشاركة الأصلية كتبت بواسطة الدور القبلي [ مشاهدة المشاركة ]

جزيت خيرًا يا سبع الليل وأستغرب لماذا تم فك التثبيت للموضوع مع أنه تراثي بحت ومزكى من المشرف العام عجبي لهذا !!!!؟؟؟؟؟ سبع الليل يا ريت تتحفنا بقصائد للمرحوم صالح ربيع بلسود وخصوصًا قصائدة الرنانه في الانتقاد .....

شكرا لك اخي الدور القبلي طلباتك اوامر يالنشمي وبالنسبه للتثبيت
انا مايهمنا ذلك بالرغم انه مزكى من المشرف العام وتلبيتا لطلبه في الاستمرار بنقل القصائد الهامه
والتراثيه وتلبيتا لطلب الغالي والعزيز علينا كلنا الاستاذ سالم الجرو ابو لطفي ولكن للاسف التثبيت يومين فقط
وفجأه لم ارى الموضوع الا في الصفحه الثانيه على العموم نحن مستمرين وباذن الله في النقل ولا يهمنا الا راحت المتصفح
واطلاع الناس الضيوف والاعضاء واستمتاعهم عبر هذا المكان المتألق والمشهور والمحبوب لدينا جميعا عبر سقيفتنا
وشكرا على مرورك الكريم ولفت نظر المشرف بهذا مع العلم اننا قلت لهم علي النقل وعليكم الايضاحات ان استطعتم
في الامور الغامضه والذي نعرفه نحن مابانبخل عليكم به وبالنسبه للتواريخ والاماكن والاسماء يمكن ليست لنا المعرفه التامه لذلك في بعض القصايد
واسباب طرحها والقائها والمناسبه التي قيلت فيها القصيده هذه اوقات قديمه اما الذي عندنا معرفه وتاريخ بذلك شي ثانب
تلبيتا لطلب الدور القبلي وماسك الفذ وبومحفوظ وحلو الشرقيه وبو نواس وغيرهم من الاخوان ننقل القصيد
هذه للشاعر صالح بن ربيع الله يرحمه

ب / س بسم الله من بحر درى ببحورها=تقول في بيروت ماشي أمن حتى في البحور
كل من نهب والا قتل ماحاسبه مامورها=الله يوفق قادة الامه وولات الامور
نخلي صرب والصيف والموسم كلته طيورها=بعد انكساف الشهر لعبن بالسماء دغشة طيور
لا سعيد عنده وعي كانه مانشر منشورها=سقله صغير ما حسب للبعث ونهار النشور
والف صلاة الله على احمد لي نزل بسطورها=والأل والاصحاب بعده عززوا ما في السطور
وبسم قايدنا علي اللي قلب دستورها=لو مادركها بواحمد ان كان قدها في النتور
عاهد بربه ان يرد حنيش من عصفورها=في يوم واحد من صلاة الصبح لمان الصفور
شيطان بن عفريت بن سكني قفز عادورها=رويد يالعبد السود شف عاد حسك بايدور
ياجيشنا قفزوا على مرجانها وسرورها= لما متى مرجان يلعب بالكره هو يا سرور
وسلام مني للوكيل اللي نكر منكورها=سلام من صالح ربيع يحسب الا بالكرور
يالحاتمي الله يصونك من جميع شرورها=ماغابوا الاشرار عاد بروم مليانه شرور
وسلامي الثاني نخصبه عا جميع حضورها=وسلام عالمحضار وضيوف الشرف كل الحضور
واعياد سبتمبر واكتوبر توضح نورها=والمهلرجان الضخم في سيؤن نورا فوق نور
والوحده الكبرى بدت بارزاقها وخيورها=نعمه من المولى تعالى كله الوادي خيور
والمؤتمر واعضاه وانصاره تولوا شورها=حتى بغونا احلف يمين ان شورهم ياخير شور
بالعزم والقوه كما اسرافيل نفخوا صورها=مافيهم الا يوم غبقوا في الكويتي وأل صور
ناقة نبي الله صالح حفروا حافورها=جهال عقروها وخلو دمها ضٌلاء يفور
الكهرباء خزوات والعمله بكوا من جورها=يالمؤتمر ماذا السبب ماقلت ذا باطل وجور
لسعار تلهب نار والماء الحار زاد حرورها=عبود حم تحت المكيف واهل داره في الحرور
كانت سليمه جاءلها بندق وكسر كورها=والله اعلم هو انا والا عوض عاشور كور
حتى المذاهب لربعه لعبوا عليها زقورها=ويحللو ويحرموا في ديننا دغشة زقور
العلم ماهو بالحى ياثور ترعى ثورها=لاساد يتبعن الاسد والثور بايتبعه ثور
لجل المصالح والمكاسب ولعوا دافورها=وان جيت باتنصح فرج زاده عتوا ونفور
واهل الرشاوي تلتعب في عصرها وصفورها=كل من ظلم مسلم رفع يده وقال الله صبور
والليل طال ومعاد باطول على جمهورها=اعياد سبتمبر تطلع مهرها فوق المهور
سلام مني عابلد اكبر قصور قصورها=ماشي خرايب عندهم كل دار عاعشره قصور
العاصمه سيؤن قدنا كل واجب زورها=ذالا عيال السوق تتقول علي ظلما وزور
قالوا طمع صالح ربيع يتبع الا خشورها=قولولهم يابغاش ابدى مايكون الا الخشور
سلام عاعده لها لجنه تدير فكورها=بالعقل والاخلاص والحكمه يديرون الفكور
ابو محمد سالم امبارك شحن بابورها=والازهري واقف بجنبه مابغاء الغالي يبور
سالم عبيد الجيد لا رخيت يشد زرورها= وباصويطين الاسد من لي يشدون الزرور
باينقطبقلبي على لموات لي في قبورها=ياحي الحمدي ريت باتحيا الذي هم في القبور
وسلام عاكل العدد غربانها وصقورها=ماقصروا خلوا سماء سيؤن مليانه صقور
وسلا م عاشعار كل شاعر يحس بشعورها=يالله بحسن الخاتمه بقعه تهدد بالشعور
قل دان يابفريج شفها عكرت بعكورها=كل ما تجلت جالها الشرقي وعباها عكور
انغامكم لي زيده اربع نمر في نمورها=قمتةا بواجبكم طلعتوها الى تالي نمور
اهلا بكم يابن فريج ياوردها وزهورها=اشجاركم خضراء من الماء الحلو مليانه زهور

[الدور القبلي]

الله يجمل حالك يا سبع الليل على إيراد هذه المقطوعة الرائعة للشاعر بو ربيع

[سبع الليل]

ترقبوا في المساء باذن الله دان قديم للشاعر محمد بالناصر ( بوناصر) مع الشاعر حسن باحارثه و نخبه من الشعار الموهوبين

[معشور]

غن قل لبوسالم ذبح في الراس لي فيه السمن....واصل ولاتقف .شكرا جزيلا .اخوك معاشر.

[سبع الليل]

هذه السمره اقيمت في 23 / محرم في عام 1405هــ الموافق 18/10/1984 م في بيت سالم عبدالله بن عامر وحضرها المغني المعروف عبيد حنكيل ( بوسعيد )
والشاعر محمد بالناصر ( بوناصر ) والشاعر حسن باحارثه ( بواكرم)
قال بوناصر
فصل غن بالصوت في السمره=في محل نظمه بن عامر
حكم اسواسه قولى الستره=بيت من سابق وهو معمور
قال باحارثه
الف ياحيا مية مره =بالقمر والنجم لي سامر
والذي حضروا معي عشره=والسمر بيزين في عاشور
قال بوناصر
غن لما تطلع الزهره=واحكم النضمات للشاعر
مانباء في ذا السمر عثره=خل سرك ياحسن مستور
قال باحارثه
حلها بزفن على الكسره=في ليالي بردها كاسر
يومنا داهل نقص لثره=لا سمعته حد مثور اثور
قال بوناصر
شي معك يالحارثي قدره=تدرك العاشق بطا صابر
قد نفذ يالحارثي صبره=منكم ياصاحبي مجبور
قال باحارثه
لا معي قدره ولا فكره=في الذي ماهو بحد فاكر
ليه بس ياباهي الغره=عامحبينك كذا مغرور
قال بوناصر
في شهاره تلعب المهره=تعجب الراكب وهو ماهر
تستحق النحو والكبره=انشدوا واكد وبو منصور
قال باحارثه
كسبها حد من بني مره=ماتباء الناهي ولا الأمر
ريت لي فيها ولو نظره=قرب والا بعد بالناظور
قال بوناصر
الطويله تشبه البصره=وسطها زينات بالباكر
قد لقن لاهل الهواء شهره=وانته يكفي ترك المحذور
قال باحارثه
طيش للانسان في الصغره=دايما بحره وهو زاغر
ون انفعلت جاب لي عذره=لا ملومنا انا معذور
قال بوناصر
يدحسين الديم والبشره=وانت لا يابواكرم حاذر
مابداء لقين شي قصره=وانته عادك تمم المحزور
قال باحارثه
نقرن كم من وكم شعره=من نغات العاشق الشاعر
وان حزرت اليوم شي نكره=شف معاد حد ينكر المنكور
قال بوناصر
عاد في حوره وفي بدره=عذبنا قال بو ناصر
فوق حلقي طرحن الشفره=كننا مالقيت شي تقصور
قال باحارثه
لجلهن بطلت في السفره=وانته قد هميت بتسافر
والنبي ان يلقين لك زره=وايش ينسم قيدك المزرور
قال بوناصر
من هواهن عالكبد جمره=كل ماقد جيتهم زاير
بعد ماحجة بالعمره=قد لقوا لي ياحسن طابور
قال باحارثه
لي يرص حجره على حجره=في البناء زامين له حاير
كل ساعه تنهدم ظفره=من جدار البير لي مظفور
----------------------------------------------------
فصل جديد
قال بوناصر

ذاخرج فصل والثاني سرى البرق يتلمع=في طهوب الحياء لمطار عالروس مكثوبه
منها ذي السنه ياطارف ارفع=والسواقي ملانه والشرح بايسقون
من هواء كاملات الوصف ياقلب لا تقنع=شل بندقك في الجيلان لشباك منصوبه
من هواهن سواء لاسمع ولا ارجع=لا تذكرت ليلى هي مع قيس مجنون
قال باحارثه
شال عودي وغني كن غنايه بجنب اصقع=لا عصب عصب ثاني يوم توطلق اعصوبه
وان فتح باب جاء غيره وصٌنع=فتحوا الباب ياهل الخير لا لا تقلدون
قال بوناصر
وسط سيؤن كم من غانيه صدق تتهزع=كم وكم من رضي من صدق بايشف ارغوبه
لكننا مالحقت اوقات تنفع=بانلقي لهم عرضه وعده وقانون
قال باحارثه
في الحرير المقلم جبت الوار به بذرع= بعطي العاشق الحبان قصده ومطلوبه
والذي هو يحب الزين يدفع=قل لسالم حرير اصلي قداء قرن سيؤن
ياربيع معك بدخل وفزعان نطٌيع=يوم لحبال معصيات جدى ومصلوبه
والغبب وسطها منزل ومطلع=والقوي وسطهن يعبر وابليس مدحون
قال بوناصر
لاتذكرت زامي لي عبر يومنا نقطع=في العلوب الكبيره كنها ايام محسوبه
والهواء له سوى طاسه ومرفع=غير بصبر وسري بانخليه مكنون
قال باحارثه
ليه يالزين تتمنن علينا وتدلع=انته منته لوحدك في المداره ميت نوبه
بانخلي عيونك اربع اربع=العرب تشترح وانته تبرهص بالعيون
قال بوناصر
شي معك ياحسن ذلحين قلمه ومخلع=بانكسر حصاة ابليس لي هي كما الشوبه
خلنا افتح بواب العشق واطلع=عندنا اصحاب لي هم للسلاء مايبالون

[ماسك الفذ]

اقتباس : المشاركة الأصلية كتبت بواسطة سبع الليل [ مشاهدة المشاركة ]

هذه السمره اقيمت في 23 / محرم في عام 1405هــ الموافق 18/10/1984 م في بيت سالم عبدالله بن عامر وحضرها المغني المعروف عبيد حنكيل ( بوسعيد ) والشاعر محمد بالناصر ( بوناصر ) والشاعر حسن باحارثه ( بواكرم) قال بوناصر فصل غن بالصوت في السمره=في محل نظمه بن عامر حكم اسواسه قولى الستره=بيت من سابق وهو معمور قال باحارثه الف ياحيا مية مره =بالقمر والنجم لي سامر والذي حضروا معي عشره=والسمر بيزين في عاشور قال بوناصر غن لما تطلع الزهره=واحكم النضمات للشاعر مانباء في ذا السمر عثره=خل سرك ياحسن مستور قال باحارثه حلها بزفن على الكسره=في ليالي بردها كاسر يومنا داهل نقص لثره=لا سمعته حد مثور اثور قال بوناصر شي معك يالحارثي قدره=تدرك العاشق بطا صابر قد نفذ يالحارثي صبره=منكم ياصاحبي مجبور قال باحارثه لا معي قدره ولا فكره=في الذي ماهو بحد فاكر ليه بس ياباهي الغره=عامحبينك كذا مغرور قال بوناصر في شهاره تلعب المهره=تعجب الراكب وهو ماهر تستحق النحو والكبره=انشدوا واكد وبو منصور قال باحارثه كسبها حد من بني مره=ماتباء الناهي ولا الأمر ريت لي فيها ولو نظره=قرب والا بعد بالناظور قال بوناصر الطويله تشبه البصره=وسطها زينات بالباكر قد لقن لاهل الهواء شهره=وانته يكفي ترك المحذور قال باحارثه طيش للانسان في الصغره=دايما بحره وهو زاغر ون انفعلت جاب لي عذره=لا ملومنا انا معذور قال بوناصر يدحسين الديم والبشره=وانت لا يابواكرم حاذر مابداء لقين شي قصره=وانته عادك تمم المحزور قال باحارثه نقرن كم من وكم شعره=من نغات العاشق الشاعر وان حزرت اليوم شي نكره=شف معاد حد ينكر المنكور قال بوناصر عاد في حوره وفي بدره=عذبنا قال بو ناصر فوق حلقي طرحن الشفره=كننا مالقيت شي تقصور قال باحارثه لجلهن بطلت في السفره=وانته قد هميت بتسافر والنبي ان يلقين لك زره=وايش ينسم قيدك المزرور قال بوناصر من هواهن عالكبد جمره=كل ماقد جيتهم زاير بعد ماحجة بالعمره=قد لقوا لي ياحسن طابور قال باحارثه لي يرص حجره على حجره=في البناء زامين له حاير كل ساعه تنهدم ظفره=من جدار البير لي مظفور ---------------------------------------------------- فصل جديد قال بوناصر ذاخرج فصل والثاني سرى البرق يتلمع=في طهوب الحياء لمطار عالروس مكثوبه منها ذي السنه ياطارف ارفع=والسواقي ملانه والشرح بايسقون من هواء كاملات الوصف ياقلب لا تقنع=شل بندقك في الجيلان لشباك منصوبه من هواهن سواء لاسمع ولا ارجع=لا تذكرت ليلى هي مع قيس مجنون قال باحارثه شال عودي وغني كن غنايه بجنب اصقع=لا عصب عصب ثاني يوم توطلق اعصوبه وان فتح باب جاء غيره وصٌنع=فتحوا الباب ياهل الخير لا لا تقلدون قال بوناصر وسط سيؤن كم من غانيه صدق تتهزع=كم وكم من رضي من صدق بايشف ارغوبه لكننا مالحقت اوقات تنفع=بانلقي لهم عرضه وعده وقانون قال باحارثه في الحرير المقلم جبت الوار به بذرع= بعطي العاشق الحبان قصده ومطلوبه والذي هو يحب الزين يدفع=قل لسالم حرير اصلي قداء قرن سيؤن ياربيع معك بدخل وفزعان نطٌيع=يوم لحبال معصيات جدى ومصلوبه والغبب وسطها منزل ومطلع=والقوي وسطهن يعبر وابليس مدحون قال بوناصر لاتذكرت زامي لي عبر يومنا نقطع=في العلوب الكبيره كنها ايام محسوبه والهواء له سوى طاسه ومرفع=غير بصبر وسري بانخليه مكنون قال باحارثه ليه يالزين تتمنن علينا وتدلع=انته منته لوحدك في المداره ميت نوبه بانخلي عيونك اربع اربع=العرب تشترح وانته تبرهص بالعيون قال بوناصر شي معك ياحسن ذلحين قلمه ومخلع=بانكسر حصاة ابليس لي هي كما الشوبه خلنا افتح بواب العشق واطلع=عندنا اصحاب لي هم للسلاء مايبالون

يعطيك العافيه على النقل الرائع يا ابو جمعان

[سالم علي الجرو]

يا بوجمعان ، ما قصّرت يعطيك العافية ، لكنها قصره عند لي يعرف ينسّق وخلاّك وحدك.

حاولت عدّة مرّات وفشلت.

أخترت الأبيات أدناه لبو ناصر " محمد بن ناصر القعيطي ":

في شهاره تلعب المُهْرهْ = تعجب الرّاكب وهو ماهرْ تستحق النّحــو والكبـرهْ = انشدوا واكد وبو منصور

***

ذاخـرج فصل والثاني ســرى البرق يتلمـعْ في طهوب الحياء لمطار عالروس مكثوبهْ منها ذي السنه ياطارف ارفع = والسواقي ملانه والشّرح بايسقّون

من هواء كاملات الوصف ياقلب لا تقنعْ شـل بندقك في الجيـلان لشباك منصوبـهْ من هواهن سواء لاسمع ولا ارجع = لاتذكرت ليلى هي مع قيس مجنون

لاتذكرت زامي لي عبـر يومنـا نقطعْ في العلوب الكبيره كنها ايّام محسوبه والهواء له سوى طاسه ومَرْفَعْ = غير بصبر وسرّي بانخلّيه مكنون

[سبع الليل]

ابشر بسعدك ياماسك الفذ غالي والطلب رخيص

هذه القصيده للشاعر المرحوم صالح ربيع بالسود الله يرحمه
______________________________________________

ياسين بسم الله سبحان العزيز المقتدر=ماشي معانا مقدرة وانت على كل شي قدير
يالي خلق النوب وخلق العقارب والذبر=وخلق كل مخلوق في الدنيا صغٌير اوكبير
يارب عبد ضاق من وقته يودي ينتحر=اهل الكرامه والشرف لرهاب نحروهم نحير
يابن اليمن خليك واعي قبل ماتعمل فكر=وحسب حسابك في النفس لا تطرح ايدك وسط كير
وسمع نصيحة بوربيٌع قبل ماتذرع شبر=بالظلم والضغيان زادوعالطوال ال بوشبير
لنسان ماحد يحسبه انسان لما يختبر=سالم عبادي من خلق صكه بغاء نفسه خبير
ياما وياما قلت لكم ياشعب شو علوي خطر=يضحك ويتبهلل ولنتو داريين انه خطير
في الصبح والا في المساء صوته في الشاشه يعر=خرج عيال أدم من الجنه الى نار السعير
دنيا ترويك العجب ياويل من لا يعتبر=بعض العرب مغرور في نفسه حسب ماله عبير
اليسر بعده عسر ذالا الموت ياخواني عسر=الله يوفقنا واياكم في اليوم العسير
شي ينتكر لي هم يسوونه وشي ماينتكر=ياويلهم يوم القيامه عند منكر هو ونكير
غدروا بشيخ الكاف في الظلمه وفي الليل الغدر=لا خافوا المولى ولا فزعوا من الليل الغدير
ماهم شوي لي حضروا الدخله جرادن منتشر=هو في خلاء خالي وهم كلين على الثاني يشير
وبعد ماذبحوه قالواله عنق يابن حمر=حمر والله يعلم هو حمار الشيخ والا هم حمير
حريت في حريت قالوا وين عادك باتحر=قالوا لي الا انت السبب لي شعقت ثوب الحرير
فطرت قالوا ليش وان باصوم قالو لي فطر=هذا مرض ماطبه الا الورس والمر الفطير
لكننا قلبي يدق ويقول لي عادك صبر=لما اراد الله طلع يوسف وهو في عين بير
والف صلاة الله على طه الحبيب المنتذر=صلى عليك الله ياحمد يايشيرا يانذير
بسم المناضل بوحمد تمى سلانا مستمر=من تاربه لا مريمه كل ليله انبيت سمير
ياصانع الوحده لنا الياس انت والخضر=منذو توليت اليمن والشعب والوادي خضير
عاش الوكيل العام ومساعده بسمه نفتخر=الشيخ يحير باجري قولواله الدنيا بخير
ماحد كما العلفي عالجاويد والجوده بصر=لو كان ماهو كان ماحققت تقرير المصير
عاش المدير العام بسمه في الطويله نشتهر=حتى بغونا احلف على القران ان هذا شهير
بلغ سلامي له وقولو له صالح ربيع حسر=حد عاقطف رومي وحد مزقول عاوصله حسير
ايظا وقولو له فلسطين الحبيبه باتفر=القدس في ازمه ونحن من سفاره لا سفير
شارون يالملعون يالصهيون يالوجه الحقر=لك يوم ياظالم تروح افين منا يالحقير
وامريكا القحبه بغيناء عرق ابوها ينقعر=لا توحدوا لسلام هم لي بايقعرونه قعير
يالبوش يابن الكلب شف صدام لازم ينتصر=النصر مش بالطايرات النصر بالله النصير
ولعاد باطول على الجمهور والدنيا تعر=الثور هو يا الجحش والناقه تعزر بالبعير
سلام مني عابلد في لاساد فيها والنمر=حلانها تجار كل واحد ملك ماهو امير
يامريمه يام المدن فيش المسره لي تسر=اذا دعاء داعيش باجي لو على رجلي اسير
ارض السلاء والبسط كل ليله وهايرها يصر=ماهمهم يوم الغلاء قالوا يصير اللي يصير
وعمر عوض باجبير جبري لا جبرته يجتبر=ومحمد العملاق بن سالم ونعمك باجبير
قلنا لهم شو صالح ربيع غلي قالوا بشر=ماهم من البخلاء الوضر نعم المبشر والبشير
عوض عمر هو يامحمد برهم ياخير بِر= حتى ولو قالوا طمر في البير بقفز وسط بير
وسلام عاجمهور كل ماسهرت العده سهر=لا قال بو جبار سهروا كلهم باتوا سهير
وسلام عاعده قويه خلت العاصي يقر=في ظرف ساعه شجرة الشيطان نقرتها نقير
عدة صلاب الروس لي سوو لهم بقره تدر=كلين يحلب منها ماحد على حنظل ودير