مجلس الدان الحضرمي

[المطلع]

بانرد الى العشق والغزل ولو انني مانميل اليه

ظبي فوق الحيد مقبل =يأهل البلاجيك القصيره
لاتخلونه يعدي منكم صاغ (ن) سليم =
بادره بالضرب عجل=لاتقول لي إن الذخيره
نافده يابن حمد وانته رجل رامي قديم=

[المطلع]

رحبوا بالذي توصل =جاء في الهجر الهجيره
بن مخاشن يوم جاءبايرعض السيل الهميم=
في سباعيه تقذل= رادف الشيره بشيره
غزل شحري والخياطه (برو )مبرومه بريم=

[بن احمد]

قالها بن احمد الدوري اصفر واسود

[محمد سعيد بن مخاشن]

اقتباس : المشاركة الأصلية كتبت بواسطة المطلع [ مشاهدة المشاركة ]

رحبوا بالذي توصل =جاء في الهجر الهجيره بن مخاشن يوم جاءبايرعض السيل الهميم= في سباعيه تقذل= رادف الشيره بشيره غزل شحري والخياطه (برو )مبرومه بريم=

ــــــــــــــــــــــــــــــــــــــــــــــــــ ــــــــــــــــــــــــــــــ

قالها بن احمد الدوري اصفر واسود
ــــــــــــــــــــــــــــــــــــــــــــــــــ ــــــــــــ

قل لسالم ويش حصّل=فضّها يا خوي سيره
شيخ عاقل يا الوزيري لا تقع سقله غشيم

يبن أحمد لا تغفّل=و ( إتحادك ) شوف غيره
قع كماه المطلع في العشق بحره له لطيم

تصبحون على خيـــــــــــــــــــــر

محمد بن سعيــد بن مخــاشــن

[أحمد العمودي أبوفيصل]

مبروك فوز الاتحاد

[المطلع]

طبع سالم ماتعدل= دايم ينكد عا مديره
كلما وصاه يبغي سفن اب له جاب تيم=
وان طلب منه مشكل=جاب له كرتون بيره
والعنب والموز حقه يوسفي حامض وليم=

[ملك اليمن]

اقتباس : المشاركة الأصلية كتبت بواسطة المطلع [ مشاهدة المشاركة ]

طبع سالم ماتعدل= دايم ينكد عا مديره كلما وصاه يبغي سفن اب له جاب تيم= وان طلب منه مشكل=جاب له كرتون بيره والعنب والموز حقه يوسفي حامض وليم=

مدير سالم ما يعول = شهرته في كل ديره
بالعداله دوب يوصف قد دعاء له كم يتيم =
والبلاء في أهل عندل = لي كساهم من حريره
شورهم ماهو معاهم وإنت فاهم يافهيم =

[سالم السقاف]

على الشاعر أن يكون مستمعا جيدا قبل أن يكتب ..

الأخ بن مخاشن ذكر سالم وهو قصده انا شخصيا لا للدلاله ولأنه ذكر الوزيري والاتحاد ..

الذين بعده لا أدري ماقصدهم !! فاذا كان قصدهم ان (سالم) للتورية .. فالاستاذ المخشني كان قصده سالم السقاف ..

الا اذا كان المساجلين الذين اتوا بعده يقصدوني شخصيا هنا سنعيد ترتيب الأوراق

[بن احمد]

اقتباس : المشاركة الأصلية كتبت بواسطة المخشني [ مشاهدة المشاركة ]

ــــــــــــــــــــــــــــــــــــــــــــــــــ ــــــــــــــــــــــــــــــ قالها بن احمد الدوري اصفر واسود ــــــــــــــــــــــــــــــــــــــــــــــــــ ــــــــــــ قل لسالم ويش حصّل=فضّها يا خوي سيره شيخ عاقل يا الوزيري لا تقع سقله غشيم يبن أحمد لا تغفّل=و ( إتحادك ) شوف غيره قع كماه المطلع في العشق بحره له لطيم تصبحون على خيـــــــــــــــــــــر محمد بن سعيــد بن مخــاشــن

مثلما رّسلت اقبل&والصغيره بالكبيره= اش بلاك اليوم شوفك تلقي الطارف غريم
واجبك تنشد وتسال&قبل متجيب النكيره=بعد ماغسلوا دماغك في بريده والقصيم

[بن احمد]

مبروك ياحبيب سالم الوصافه انا من امس قد باركت لك وين الروح الرياضيه ياولد عمي ما بعد باركت لنا بالبطوله دمت بود