من العادات والتقاليد في حضرموت

[حسام الحمد]

هذي بعض عاداتنا وتقاليدنا في محافظة حضرموت وترى ما فيه اي اشكالية لو واحد فيكم كتب عن العادات والتقاليد عن اي منطقة يمنية او خليجية واليكم العادات :


1- في الزواجات :
يوم الخطبة يروح العريس بيت العروس مع اهله بعد صلاة المغرب ويجون بعض الاقارب الجيران ويوزعون العصير عليهم ويقعدون يسولفون الى صلاة العشاء وبعدين كل واحد يروح على بيته .
وقبل كم يوم من الزواج فيه يوم اسمه شاي الخالة هذي ياخذون العدة حق العروس وفساتينها ...الخ ويودونها بيت العريس بعد صلاة العصر يرتبون العرفة حق العرسان وبعد كذا يجوا الأقارب يشوفوا الغرفة وفساتينها ... الخ الى صلاة المغرب .
يوم الزواج ثلاية ايام أول يوم اسمه مسامرة يعزموا فيه أقاربهم من العائلة والجيران طبعا هذا في بيت العريس على العشاء وبعد العشاء يسمرون ويغنون بعدين يحنون للعريس والعروس يحنولها في أي وقت .
اليوم الثاني اسمه عشاء حراوة وهذا يمون عند أهل العروس أولا يقوموا يصحوا الصباح الساعة 6.00 عشان يسوا أشرعة حنب البيت ليقعدوا فيها الرجال والحريم طبعا يقعدون في البيت المهم الرجال يجون بعد العصر ويحضرون العقد بين الزوج وابو الزوجة ترى مو مهم يكون العقد في هذا اليوم ممكن يكون في يوم المسامرة وبعد العقد يتعشون وتكون الساعة 5.30 قبل المغرب وهذا عشاء الحراوة طبعا للرجال واما الحريم بعد صلاة العشاء وترى في هذا اليوم الحريم يلبسون في الصباح لبس وفي الظهر لبس وفي العصر لبس واذا جات الساعة 12.00 بالليل ياخذون العروس ويودونها بيت العريس ويجيبوا لهم سيارة دينا عشان يطلعون فيه الحريم يغنون ويطبلون الين يوصلوا بيت العريس وهذا يسمونه السلة وطبعا الخاتم يلبسونه بعد الوصول في الغرفة لوحدهم .
اليوم الثالث اسمه غداء صبحة ونفس الشي يصلحون الأشرعة للرجال والبيت للحريم ويكون عند أهل العريس يروحون بعد صلاة الظهر عند العريس ويتغدون وبعد الغدا الله يسهل عليك والحريم بعد صلاة العصر يقعدون يطبلون الين صلاة المغرب وكذا انتهى الزواج .
وفيه يوم يعزم فيه العريس أهل العروس على الغدا وبعض أقاربه الى هنا غلق حق الزواج .

2- العزائم :
إذا جاو الضيوف نقدم لهم الشاي والحنظل هذا لازم في كل بيت عندنا حتى لو كنت طفران وبعد كذا نوزع السمسم والبن وبعدين نجيب الغدا أو العشاء وبعده نجيب شاي .

[عفاف]

اقتباس : المشاركة الأصلية كتبت بواسطة حسام الحمد [ مشاهدة المشاركة ]

1- في الزواجات : وقبل كم يوم من الزواج فيه يوم اسمه شاي الخالة هذي ياخذون العدة حق العروس وفساتينها ...الخ ويودونها بيت العريس بعد صلاة العصر يرتبون العرفة حق العرسان وبعد كذا يجوا الأقارب يشوفوا الغرفة وفساتينها ... الخ الى صلاة المغرب . .

اسمها الصفافــــــه .

تسلم على الموضوع وياليت تذكر اسم المنطقة في حضرموت .

[حسام الحمد]

اقتباس : المشاركة الأصلية كتبت بواسطة عفــــــــاف [ مشاهدة المشاركة ]

اسمها الصفافــــــه . تسلم على الموضوع وياليت تذكر اسم المنطقة في حضرموت .

مديرية سيئون واشكرك على مرورك وعلى المعلومة

[الأطــ أبكي ــلال]

شكرا اخي حسام عالموضوع
عندنا في القطن يوم الحراوه العصر وقبل مايروح المعرس هو وجماعته الى عند اهل العروس يعملون طرب وبعد الطروب يقوم واحد ويذكر أسماء الاشخاص الي بايروحون مع المعرس عند اهل العروس وبعدين يجيبون شنطه ويحطونها بين الناس ويجون الناس يحطون فيها ظروف فيها فلوس وهذه تسمى ( طرح ) بس اعتقد ان الوقت الحالي أختفت
كذلك بعد الزواج بكم يوم يروح المعروس والعروس الى عند اهل العروس من بعد المغرب ويجيبون الشاي والبنه ويتعشون ويرجعو المعاريس الى بيتهم وهذه تسمى ( السريقه ) وسميت بهذا الااسم لان اهل العروس يجون وياخذو العروس بالخفو . على حسب معلوماتي
أشكرك اخي حسام مره ثانيه ولك مني اجمل تحيه

[أبوعوض الشبامي]

.

موضوع عادات الزواج وعادات مراسيم افراحها موضوع رائع وشيق في نفس الوقت ولو كل واحد من الاعضاء سجل لنا
عن عادات الزواج في منطقة لتكونت صوره مهمة عن هذا الجانب من الموروث الحضرمي ...!!


.

[حسام الحمد]

أشكركم على المرور