<<هنا المدروف الغياضي والساحلي <<الدان >>

**يسلم صالح بن عكعوك** · 04-19-2006, 01:23 PM

هاجس معي مبعد تعدل=كل يوم يطلبني عداله
لا قلت له كلمه عدالي=اعوج ولا جا في اعتدال
قد كان فالسابق مدلل=يجي على راس الدلاله
ويجيب بنه فالدلالي=من شان بيقهوي دلال
واليوم في المرصن معقل=خلوه يرزح في عقاله
لجرب دواه الا العقالي=باتيس لتفك العقال

**أبونمر** · 04-20-2006, 12:20 AM

يأهل الهوى كل من تجول = في العشق بيحصل مجاله
ونا حرمتوني مجالي =قلتوا قعد مالك مجال
مانامجد معكم تخزل =اوماتعرفون الخزاله
اوذا تريدونه خزالي =يومني حب الخزال
القطن ذي زرعوه دول =في جروبه والبداله
مابدلوابه شي بدالي =ولارضوابه للبدال
موسمه هذا العام طول = والذي ماحد مايطاله
في العناقيد الطوالي =خلوه للناس الطوال

**البكري** · 04-20-2006, 07:24 AM

ما بونمر اليوم يتغزّل ### عينه من ذيك الغزاله
ونا ضيعتـــه غـــزالي ### وانته شل ذاك الغزال
ان حـــد معك لي حوّل ### شفها باتصلنا الحواله
لك كشفــت حالـــــــي ### يالله عسى بستر لحوال

البكري

**أبونمر** · 04-20-2006, 11:37 PM

[QUOTE=البكري][align=center][size=4]ما بونمر اليوم يتغزّل ### عينه من ذيك الغزاله
ونا ضيعتـــه غـــزالي ### وانته شل ذاك الغزال
ان حـــد معك لي حوّل ### شفها باتصلنا الحواله
لك كشفــت حالـــــــي ### يالله عسى بستر لحوال[/enter use=ex num="0,black

مابونمر حاجز ونول =من سمح قد حضر نواله
ما با تأخرني نوالي =ولاحسب غلي النوال

**أبونمر** · 04-20-2006, 11:49 PM

باهدي لكم اول سلامي= يأهل الدرافه والمغاني
قد جيتكم قاصد وعاني = من شأن بارد السلام
ذا فصل والثاني كلامي =قلته لكم اول وثاني
يأهل الفكر وأهل المعاني =يالذي تفهمون الكلام

**البكري** · 04-21-2006, 07:07 AM

بارد سلامي لك واحترامي ### ذكّـــرتنــا اول زمانــــي
يومنا طــوف ذيـك المجاني ### كل الشكرلك والاحترام
اليوم يــوم مسك الختـامي ### يابــونمــر لــك التهانــي
عاخزاكــل حاســد وشــاني ### عسى يقع مسك الختام

البكري

**أبونمر** · 04-24-2006, 01:21 PM

,

يالبكري البستان ضامي =ذي بالثمر قدكان داني
ويعود ملكه لبن يماني = وعليه متحفظ وضام
واما الذيهوفي الشبامي =كلام جم نسمعه ثاني
مثل البغيه عالساني =لاجاء من مدينة شبام
لاتقول لي جاهل وعامي =يابونمر وقتي رماني
خلاني نضيع قراني =وبقيت من جيز العوام

**البكري** · 04-24-2006, 02:21 PM


	مايقع عاقل وهامـــي ### وبه اليــوم ربّي بلاني قــال ربّي ماهـدانــــي ### دوب وقتــه في هيــام العلم به يرفع مقامـي ### من العلم ربّي عطاني به يعلى قدري وشاني ### وبه نلــت اعلى مقـام البكري

**سالم علي الجرو** · 04-24-2006, 10:27 PM

معارضات ممتازة جدا ، قوية ومربوطة وقائمة على مبنى . أتحفونا بما تجود به قرأئحكم .
صوت قديم:
ورا التّليدة رمحت الحلاّب ............... إتْفقدّوها خاف جفلت من ثيابه
ولا با تخشع ولا تهتاب ................. من ذاك لي كانت تهابه

يا حسفة الرّاعي على ذيك المحاليب

**أبونمر** · 04-24-2006, 10:49 PM

rقصيده طيبه ونتشرف بحضورك معنا على المدروف يالغلي
بس ياريت تثني على البدع حتى يستقيم لنا الوزون والهدف
وخاصه الفصل اااااااااااااالأخير هل لابد المحاليب تكون اعني برط الكلمه او حر
ممكن تثني وان شاء الله نستمر عليه وشكرا

<<هنا المدروف الغياضي والساحلي <<الدان >>

سقيفة عذب القوافي