<<هنا المدروف الغياضي والساحلي <<الدان >>

[أبونمر]

اقتباس : المشاركة الأصلية كتبت بواسطة أميرة الوادي

هذا لون جديد أول مرة أشارك فيه بس با أحاول : يرتاح راعي الهوى لا كذ قضى دينه = ما يدري ألا وخله كذ عفا عنّه بالهجر ياما جناها ذنوب مكتوبة = واليوم قدّم رصيد الوصل بالمكتوب

حنيت يانوب مبطي ما سمع حنينه =خرجت من جوفي الآهات والحنه
وفتحت صفحات لي في العشق مرغوبه =وفتحت باب السلى المرغوب
حتى العسل ماسلم من غش بايعينه =قرص البغيه اغتش بالزيت والسمنه
لقراص في قرفها تشتاف مضروبه =ونا نعيف القرص لي مضروب

[أبونمر]

اقتباس : المشاركة الأصلية كتبت بواسطة البكري

مواثيق ذا يابونمر بيني وبينه = روحت نا وياه الليله في جنه جنة الشعر له فيها علام منصوبه = ويعيش معنا والراس منصوب

قدنا بالفين والصاحب بتسعينه =يذكر روايات وحكايات ياخنه
ماله في العشق شي والنفس مقطوبه =نفسه وقلبه من بطي مقطوب

[البكري]

اقتباس : المشاركة الأصلية كتبت بواسطة أبونمر

قدنا بالفين والصاحب بتسعينه =يذكر روايات وحكايات ياخنه ماله في العشق شي والنفس مقطوبه =نفسه وقلبه من بطي مقطوب

لا نطرح الوعل زادت سكاكينه = وكلين بايظهر في التقطيع فنه
وكلين يهابه وشباكه منصوبه = يافرحت القلب لا وقع في المنصوب

[أبونمر]

اقتباس : المشاركة الأصلية كتبت بواسطة البكري

لا نطرح الوعل زادت سكاكينه = وكلين بايظهر في التقطيع فنه وكلين يهابه وشباكه منصوبه = يافرحت القلب لا وقع في المنصوب

عدها حواجز تقع بينك ومابينه =عالوعل باتدور لما تخرج الصنه
حد السكاكين لاتذبح بمحروبه =مايذبح الوعل ذي محروب

[البكري]

اقتباس : المشاركة الأصلية كتبت بواسطة أبونمر

عدها حواجز تقع بينك ومابينه =عالوعل باتدور لما تخرج الصنه حد السكاكين لاتذبح بمحروبه =مايذبح الوعل ذي محروب

باذبح بجنبيتي وباتسمع ونينه = وهو تحت رجلي بايردف الونه
وام حدين ماتهم ولومقلوبه = والسيف مايقطع وهو مقلوب

[أبونمر]

اقتباس : المشاركة الأصلية كتبت بواسطة البكري

باذبح بجنبيتي وباتسمع ونينه = وهو تحت رجلي بايردف الونه وام حدين ماتهم ولومقلوبه = والسيف مايقطع وهو مقلوب

واحد رطن لي ونا مانعرف ارطينه =والبكري الظاهر إنه يعرف الرطنه
والمسأله بينهم من سمح مسهوبه =كل شي مرتب بينهم مسهوب

[البكري]

اقتباس : المشاركة الأصلية كتبت بواسطة أبونمر

واحد رطن لي ونا مانعرف ارطينه =والبكري الظاهر إنه يعرف الرطنه والمسأله بينهم من سمح مسهوبه =كل شي مرتب بينهم مسهوب

زمن الرطنات قد عدت اسنينه = وذا الزمن الناس تمشي على السنه
الخير معروف عسى نسلك ادروبه = وطريق الشرع والسنه خير الدروب

[البكري]

اقتباس : المشاركة الأصلية كتبت بواسطة أميرة الوادي

هذا لون جديد أول مرة أشارك فيه بس با أحاول : يرتاح راعي الهوى لا كذ قضى دينه = ما يدري ألا وخله كذ عفا عنّه بالهجر ياما جناها ذنوب مكتوبة = واليوم قدّم رصيد الوصل بالمكتوب

حب الوفاء ياناس وحب لي فاعلينه = والعفو شيمت اهل الكرم لا المنه
وصاحبي يحافظ على الوفاء دوبه = عسى يقدم لي رصيد الوصل دوب

[أميرة الوادي]

ألم يحن الوقت لفصل جديد؟

حبذا لو تشاركوني:

حد للسمر عاشق وحد يصبح = يترقـّب الأسياد في الدوحة
يهوى الرياضة واهلها يفرح = لا شافها قنوات مفتوحة

[أبونمر]

نعم حان التغيير وموضوع جميل افتحتيه لنا لي عوده ان شاء الله للجواب والمشاركه