الديوان الملكي لشعراء الشِعر الشعبي .

[محمد سعيد بن مخاشن]

اقتباس : المشاركة الأصلية كتبت بواسطة بن احمد [ مشاهدة المشاركة ]

انا ياخال منّك مالقيت اّلا صداع الراس=ومن فوق الغثاء دايم تحط عقده في المنشار ونجم اسهيل صاحبكم كما واحد من الحراس=على باب الملك موقعك لا يسهيل يالنجار انا مانا كماكم ماضربت اخماس في اسداس=وصاحبي الملك عارفه بيراعي حقوق الجار ومالي شي طمع مبغيت لا فضه ولا بانحاس =ولا لي في جريف اطماع ياذا العايب المكار مخوه عاشرف ماهي على قلة حيا وخياس=ونا عد الخوي لي كنز لا يالمخشني وضمار واذا تميت في طبعك كذا بشكي لبن مرفاس=عسا انّه ينصف الشاكي وحكمه مايجي ف شتار

يا ألف سلام على شاعر يعرفك ويعرف مقاطينك ويعرف أهلك ويذكرك بهم إلى أن تدمع عيونك

(( عمر إقرين )) ما هو مثلكم يا صاحبي حسّاس=معزّة ولْد بن أحمد بقلبي يا الشويخ البار
تذكّرني مقاطيني وأهلي يا أصيل الساس=وبن مرفاس والجذمور ... نعمك في كرام أحرار
وبا حنجور وأخوالي وكافَة عزوة الجسّاس=معاهم كل مشايخهم في النقعه وقرن الزّار
وبا إتخبّرْك ( مــ ) الصَّوره وشامُرّه ... عسى ما باس= يجيهن ... ياعساهن بالمطر دايم يهش مدرار

بن مرفاس والجذمور وباحنجور = أسماء فخائذ أو فروع من فخائذ
النقعــــة وباقـــرن = أسماء قرى
الصَّورة وشامُـــرّة = أسماء جروب زراعية

[محمد سعيد بن مخاشن]

اقتباس : المشاركة الأصلية كتبت بواسطة صقر الوديان [ مشاهدة المشاركة ]

رجال إرحاب أهل العز وهم أهل الكرم والباس = حذر يالمخشني منهم تراهم يحرقوا كالنار تعوذ يا محمد منه بو مره ولتهاجم خيار الناس = ترنا صقر من أهل الزبينه باسقيك المُر والصُبار

ونعمك نِعْم في إرحاب تسوى عندنا مكناس=ولا ذم أهلها أهل الكرم والجود ... جم أخيار
وذلاّ بو حسن دايم يذُر في عيني البسباس=بغاني قع مثيله في هروجه ... نستوي ثرثار

[نجم سهيل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

نِتِه تعرف مكانك في قليبي قل لبانوّاس=وذلاّ بغيت باشوفك مريض أو مشتفي يا العار ولبعد شفت في عمري مريض يسدد الأبكاس=إلى خصمه مثيلك يا حمد ويجرجره جرجار

اقسم بالله انك ملح السقيفه وشاعرها العذب وقلمها المضحك المبكي ياصاحب الميزان انت رائع وكفى

[نجم سهيل]

ونجـم اسهـيـل صاحبـكـم كـمـا واحــد مــن الـحـراس=عـلــى بـــاب الـمـلـك مـوقـعـك لا يـسـهـيـل يـالـنـجـار

رغم ان شعرك لذيذ ولكنه يلقع كما الحنش الرقطاء يابو شاخ

وياراعي المسب يابن حمد وضعك هنا حساس=تهاجمني بلاحجه وانت الشاعر البيطار
ونجم اسهيل له حجه على الطلاب والقساس=وكل كندي مزّور شوفني ماباه وسط الدار
وشف كل بيت قد له قاعده صبوا عليها الساس=ونا ساسي قوي صبه وشف ماهو مدر وحجار
كما هذا المبصل لي بسوق ارحاب جا واحتاس=ويتعزوى بكنده ياخساره مجدنا والشار

[نجم سهيل]

الحمد لله على سلامة الملك الغالي ابو حسن وتراها مزوح وعمر الشقي باقي
يالباحص ماعليك خلاف ولاشر وجعلّه طهور يالغالي

[ملك اليمن]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

الحمد لله على سلامة الملك الغالي ابو حسن وتراها مزوح وعمر الشقي باقي يالباحص ماعليك خلاف ولاشر وجعلّه طهور يالغالي

الأخ الفاضل الكريم نجم سهيل حفظك الله

تقبل جُل تقديري لشخصك الكريم على

مشاعرك الأخويه دمت بود وسعاده

عزيز وغالي يا كندي الخشب

[نجم سهيل]

خرج ذا فصل فيما راح ياكشميم وتقدم=نبا تحقيق رسمي وانت تتقدم لها بالذات
لانّك جيد ياصالح واذا اترسمت تترسم=جعيدي حق ابوك التقدمه في مامضى اوفات
وفي ذا الوقت انت اعرف بها ياصاحبي وافهم=تصرفها وتعرفها في الروحه وف الجيّات
وقد لك حكم نافذ عالبدو والحضر يافندم=يوم ان بعض العرب حكمه قصص يابوك وحكايات
ترى هذا الملك كذاب ماضنيت حد يسلم=من احكامه وكيده والبلا ذي فيه والصوعات
ترك بيع البصل باع المحل عاسعيد بلعجم=وجا للملكه واسمع تهنجامه وللضولات
ولا لك حول يالمري وبالموضوع لا تهتم=وبقعا يبن مرّه شوفها تيسير وسهالات
وبن عمرو الحمومي باه ف الموضوع يتكلم=ولو موجز وما التفصيل بنبثه في النشرات

[ملك اليمن]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

نِتِه تعرف مكانك في قليبي قل لبانوّاس=وذلاّ بغيت باشوفك مريض أو مشتفي يا العار ولبعد شفت في عمري مريض يسدد الأبكاس=إلى خصمه مثيلك يا حمد ويجرجره جرجار

ولك عندي معزه زايده قد جاوزت لحساس = معزه وزنها يالمخشني جاوز مئة قنطار
ولكن في كلامك كهرباء تضرب علينا ماس = نسيت إن الملك بيده وسائل تقطع التيار

[نجم سهيل]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

ولك عندي معزه زايده قد جاوزت لحساس = معزه وزنها يالمخشني جاوز مئة قنطار ولكن في كلامك كهرباء تضرب علينا ماس = نسيت إن الملك بيده وسائل تقطع التيار

لله درك يالمبصل قزلت راس النصع

[ملك اليمن]

سبق السف العدل

إستمروا على فصل

نجم سهيل

لم أشاده إلا بعد إعتماد

مشاركتي الأخيره