11-03-2018, 01:33 PM
|
#1 |
|
المشرف العام
 
|
جلستي دان مع شعراء سقيفة الشبامي ( الخميس 25 اكتوبر 2018 )-1-2
في جلسة دان خميسيه رائعه بدأها الشاعر الكبير خالد بن مهنا ثم كانت المساجلات تتوالى من الساعه 7 مساءا حتى 12 صباحا في ابداع جميل....
خالد بن مهنا: بو سالم يقول ماليله نبا سمره غنوا لنا بااعذب الالحان ومن يبا اللول بايغطس وسط بحره بايجيب لوله. لاقده يعرف مكان اللول والمرجان ((خذها نصيحه وعدل شوكة الميزان )) خالد بن مهنا: ياقاسم الرزق بين الفيل والذره يالله يارب يارحمن سهّل لنا غصن منه نجني الثمره بكل سهوله وميّل الشوك لي يحجى من الاغصان (( خذها نصيحه وعدل شوكة الميزان )) عبدالله بن حويل: الله يصونك من الهفوات والعثره من لاعثر صانه المنان يحفض خطاوك لاتوقع وسط شخره تصبح مقوله نهار خالد مساء وسط الشَّخَر حنبان (خذها نصيحه وعدل شوكة الميزان) غازي عمر: من سورة الناس لما سورة البقره من يوصله حافظ القران والا عمل زين يفتح لادمي قبره ساعة نزوله هذا الوطن لا تبا باتبني الاوطان خذها نصيحه وعدل شوكة الميزان سالم السقاف: يا ليلة الانس خلي مكتمل بدره بالشان حد يشبهه بالشان بالوصل اوعد واوفى ما رسل عذره ما احلى دلوله باكون له لو وصلنا خاتم سليمان خالد بن مهنا: لابغيت بتميز الحجره من الدره شلهن وبت لامحل حسان هو شخص فاهم وعنده من زمن خبره يوزن بتوله لاتبت قد بو سرور مخزم الحذيان خذها نصيحه وعدل شوكة الميزان علي بن طالب الحامد: ياخالق أقمار منها كوكب الزهره سالك ب طه ولد عدنان تغفر ذنوبي ويسّر ع العرب زرّه في كل دوله تطفي الشر ذي هو وسطها رشان خذها نصيحه وعدل شوكة الميزان علي بن طالب الحامد: وبعد صلوا على المختار بالكثرة والآل ما تحركت الأغصان والصحب ذي جاهدوا الكفار والكفره في كل جوله امست بلاد العرب دوحة من الايمان علي بن طالب الحامد: مبسمه بارق وريقه طعمه الخمره والصدر واسع كما البستان وعيون ياويل من نظرته له همره زادت كلوله وعقله طار من نظرته والأجفان عبدالله بن حويل: مابهمر الوقت لا لينه ولا عسره بسرح وبضوي وانا فرحان فكري في الي سلب خاطري من نضره تعجب ميوله ريح الشمالي تنوده مثل عصن البان فيه الحلا جم وكل شي فيه ع الفطره خيله مدونع في البستان بقطف من الغصن لاقد نضجة الثمره باطوف حوله وع جاله ولعاد بافارق الفتان خذها حذاره وعدل شوكة الميزان الشاعر رياض باسلامه: 20 حاجب يحرسونه وسط قصره يومر وينهي كما السلطان مزمار داوود في حلقه وله زمره مثل البويله يسحرك بالصوت لا دندن بصوت الدان سالم السقاف: حاكم في الكسر وأمره نافذ بحدره ورعيته داخل الوديان ياسر ويسبي بكلمه من طرف ثغره دولته دوله من بايقاومه لو صوب من الاعيان خالد بن مهنا: نصحت صاحبي لو كانه يحب عمره يروح لامرتع الغزلان غزلان صنعاء اليمن في زينهن بطره مولى السفوله لاراح يمكن معاد يرجع الى مسيسان خذها نصيحه وعدل شوكة الميزان سالم السقاف: البدر ما يسطع إلا في سماء الغدره ايه ونعمة من الرحمان ما كيل انا بالقدَح باكيل بالمصره دع ما يقوله لي يحسب الحب سلعه في وسط دكان عبدالله بن حويل: نصحك وشورك ونعم الرائي والفكره اترقب الوقت مبعد حان لاحان وقت السفر بعزم على السفره مدفوع نوله بدخل وبقطف ثمر يانع في البستان سالم بلحمر البدوي: لاشفت زرعي ضحك من ماطر الظهره ولعاد بنظر الى المعيان ماشي كما كان في محصودنا طفره خفت جبوله ماشي تبارك ولاشي مثلما قد كان ابوتمام: قم كسر الصوت شل كسره ورى كسره وانشد علي اعذب الالحان نسم على قلبي اللي مل من صبره مثقل حموله مسكين راعي الهواء بكاه صوت الدان سالم بلحمر البدوي: اكتبت فقره وعاده باقيه فقره في العشق محجوز لي عنوان لكن خوفي اذا قصرت في العشره افقد سبوله ويظل خاطري من تقصير لي مليان حسن البار: ماحد يبدّل بتاجه يا عرب مدره يخسر رهانه فيّ الميدان ومن تنكّر لخلانه عطه دفره عيفه دلوله عالاصل دوّر نصيحه ما لها أثمان مزهر الصيعري ابوذياب: ناحملت الاسيه والاذا ياناس في جبره وزعلنا عرب واصحاب مع جيران ومزهر قد عشق والعشق جي مقلوب في عصره ولا ذقنا عسل ولا حتي عسل جردان حسن البار: حولي صحابي وعندي خيرة العتره في جبرهم خاطري عشقان كل شخص معروف له ميزه وله نمره صحبه دويله عقيل صالح جمع لي أفضل الخلّان ابوتمام: خل الوصل بيننا لاتقطع الشعره نبقى كذا في الهوى خلان مره تجيني وانا باروح لك مره قدها مقوله مايصلح الاجزاء الاحسان بالاحسان سالم بلحمر البدوي: عسره فراق الوطن لا ياخوه عسره وفراق من له مكانه غاليه نيران في الجوف تبقى معك وتزود الحسره ليلك بطوله تذكر مواقف وتذكر زهرة البستان حسن البار: في الرأس بُعد الحبايب جاب لي خره يارب لا صار له لا كان والوصل ماحد يملّه لو مئة مره قصره وطوله له طعم حالي بغيّه داخل الفنجان عمر خريص: مرحب رجال الشعر هو والدان والفكره لي يحكموا المعنى على الميزان وكلام يعطوك شي بارد وشي جمره قوله بقوله.. في عرض السقيفه لي لها العمدان سالم بلحمر البدوي: يا ما بحالي واهاتي لقت زره في النفس ونسيت اني من بني سيبان في الهوك وقت الزمل شفني كما عشره في كل جوله حوم كما الصقر لا ميح على الوديان عدنان ابوبكر بن عفيف: في باهي الخد با لي يا عرب نظره عساه يعطف على عدنان وان كان ماشي نظر باموت لي غفره مثل السبوله لي غبها الماء وبيت عودها ضميان خذها نصيحة وعدل شوكة الميزان ابوتمام: في عالم النفط والاموال والطفره اعشق زمن كان ياماكان ايام نقضي الزمن عشره على عشره عرضه وطوله ياريت يرجع زمن اول لو البس طان عدنان ابوبكر بن عفيف: ياعاشق الغيد قم يكفيك من سكره لما متى في الهوى سكران بالليل تسري وتسرح بالغبش بكره من دون ضوله منته من الناس لا إنسي ولنته جان خذها نصيحة وعدل شوكة الميزان حسن البار: يا المغترب كل فرصه جات لا تكره ارحل إلى ديرة الشيبان الخير لا زال يا سالم في الحفره نفطه ولوله والعلم معنا ومعنا عروة الإيمان عمر خريص: غرد بصوتك الا ياحالي النبره الليل طول وكل مازان غني وداوي جروح الهم والحسره تلقي كلوله. يوم الغناء طب لقلب العاشق الحبان سالم بلحمر البدوي: ماحد يدور على بوزيد بالشتره والليل فانوس ماسك بيده الايمان وان قد سمع من سعيفه في السفر نهره غير ميوله وسار نحو المحب يا الهاشمي رغبان عبدالعزيز مبخوت بن شريشر النهدي: ماحد لمح مدخل النظره ولا النفره ولا لمح مصرع الغلبان قلب المسيكين ما جا السهم في خصره ساعة نزوله قد خر مصروع ، حظ العاذل الشمتان عبدالله بن حويل: حنه في القلب بي من باهي الثغره صيطر على الفكر والوجدان دمي يقف في عروقي لا انطرى ذكره زينه دلوله سبحان من بلمحاسن كمله سبحان عمر خريص: وسط السقيفه معك باسترجع الذكره شف بو عوض مسى طربان.. يحكي ليالي معه في عشق ومسره.. ويجني سبوله.. من غصن حسنه يسحر الاعيان محمد سعيد بن مخاشن: الصب يمضّي الليالي السود في همره مسكين ما يغمّض الأعيان يحصي نجوم السماء حتى بزوغ فجره وظ±نتم رثوا له يا بخت من لا يخاوي صايد الغزلان عصام النمر: تيار شوقي لخضرة حوف والمهره والبنت صيره تعاتبني على شمسان وغنة السيد المحضار والصفره بالجوف شوله تحرق فؤاد المفارق من زمن لزمان حسن البار: كلام مليان عشره فوقها عشره هز الكوامن في الوجدان لكن دروبه خطيره قاسيه عسره صعب الحموله والقلب لا زال عاشق في الهوى ولهان عصام النمر: تقص بالحلق لتذكرتهم عبره كلما تناسيت يتذكرهم النسيان ياليت لي من شراب اهل الهوا قطره وصوت عوله بشق حيط الحسيني ترعش الاغصان ابوتمام: متعود الحرب لك كره وراء كره وتورد الخيل للميدان كل البشر تسمعك ياصاحب الحضره في ماتقوله والعاقبه باتجي في صالح كحيلان حسن البار: يهل الطويله عطوني عندكم جره في دوركم أجمل الغزلان وفي شبام الجماعه يوزنوا الهره رأسه وذيله باذيب منها ومنها قائد الركبان محمد فيصل باعبيد: نفسي عزيزه دايم في الهوى حره وماتقبل الزيف والبهتان ماخون خلِّي ولوعارقبتي الشفره وماخُذُه غيله ومانقبل الذل بالعشقه ولانهتان |
|
التعديل الأخير تم بواسطة الشبامي ; 11-03-2018 الساعة 01:45 PM |
|
|
|
11-06-2018, 02:32 PM
|
#2 |
|
المشرف العام
|
ثم بدأت جلسه اخرى في تمام الساعه 12.20 صباحا الخميس ليلة الجمعه واستمرت الى الساعه 3.40 صباحا حيث استمتعنا مع شعراء السقيفه المبدعين وبصوت مغني الدان المبدع محمد بادحمان...
حيث بدأها الشاعر المتألق عدنان بن عفيف بقوله.... عدنان ابوبكر بن عفيف: يا تاج راسي ناد راسي لكم ياريتكم بالنود ذا داريين وبقدرة الله كل قاسي يلين هذا الكلام مطلع جبناه مبطي قبل كم سنين وانكتب عليه كلام كثير غير موثق للأسف وأول من غناه المغني محمد بادحمان في سمرة خاصة واكتشفنا بعد فترة انتشاره على النت بدون حفظ الحقوق من أشخاص غير حاضرين بالجلسة ونحن بحسن نية ماوثقناه .. والآن نجدها فرصة ومناسبة لطرحه وتوثيقه في سقيفتنا الميمونة الخالدة .. على لحن الطف بعبدك ربنا يالطيف  خالد بن مهنا: ياولد بن عفان انته حكم واحنا بحكمك كلنا راضيين يقول خالد لي طلب عندكم دعوه تجيب الخير دنيا ودين عبدالعزيز مبخوت بن شريشر النهدي: يا نجم ساطع في سديم الظلم ما دام سدّي كيف ما با تبين لا من سواحل حيث ريح ال ( ... ) ولا جبوتي لعنة القاطنين من حول مكه من بلاد الحرم عباد ربي صوبها راكعين عبدالله بن حويل: ياهل السقيفه زاد قدري لكم اقولها من جد ياالطيبين عبر الفضاء يبقا اتصالي بكم عالود والمعروف متكاتفين عدنان ابوبكر بن عفيف: يهل السقيفة بخت من حبكم طول الليالي ينبسط والسنين وبقدرة الله كل قاسي يلين ايش الذي ع الهجر ذا حدكم واحنا على الجودات متعودين وبقدرة الله كل قاسي يلين جانا مرض مزمن سبب صدكم ما نفعت الكيه ولا البنسلين وبقدرة الله كل قاسي يلين ابوبكر باسودان: عالصوط ذا بانسمر سعفكم لمايغيب سهيل والزاهرين وبقدرة الله كل قاسي يلين عدنان ابوبكر بن عفيف: حيا زمان الأنس في حيكم نصبح ونمسي في وله كل حين وبقدرة الله كل قاسي يلين عصام النمر : انا الذي لاجيت ودرتكم وادخلتكم في طور سين السنين وبقدرة الله كل قاسي يلين ..... مابغيت هدنتكم ولا سلمكم وفوق خالد بايحن الحنيين وبقدرة الله كل قاسي يلين . ابوبكر باسودان: يااهل السقيفه كلكم كلكم صلوا على جد الحسن والحسين وبقدرة الله كل قاسي يلين ابوبكر باسودان: يابن عفيف الزين حيابكم وصوط المغني زاد قلبي حنين وبقدرة الله كل قاسي يلين سالم بلحمر البدوي: لليوم هذا قلب ماملكم بالرغم انه قال سالم حزين وبقدرة الله كل قاسي يلين عبدالله بن حويل: يهل السقيفه لا لفاء ضيفكم عزه وقدره ف الكليف السمين وبقدرة الله كل قاسي يلين من شان تبقا في العُلى ناركم دليل للعابر وللقاصدين وبقدرة الله كل قاسي يلين سالم بلحمر البدوي: حددت حدي حد من حدكم لحقاف تجمع الابو والبنين وبقدرة الله كل قاسي يلين سالم بلحمر البدوي: ياويل من هو موقفه ضدكم وعلى المأسي ربنا بايعين وبقدرة الله كل قاسي يلين الشاعر هاني دعكيك: وقت السريه باسري سعفكم لما مطارح ياعرب مبعدين وبقدرة الله كل قاسي يلين ابوبكر باسودان: هاتوا في العشق وكشفو سركم ماشي كما العشق والولع بالضنين وبقدرة الله كل قاسي يلين سالم بلحمر البدوي: فصل والثاني خبارك ليش تعبر ماتسلم وانت بيدك روح سالم مبطيه ولها سنين ابوبكر باسودان: الخلق ياشيخ من حلى صوتكم لقوا مداره وهت ياشرح هت يازفين وبقدرة الله كل قاسي يلين سالم بلحمر البدوي: كنت نا من زام جارك لا طهر واحد يكلم كل ماهو بيننا لازال في الحفظ المكين ابوبكر باسودان: بلحمر تعجب سمارك نامعك بالصوط بنهم يارعى الله زام عدى بين حذيه والعنين بوبكر باسودان: باقراء عما وتبارك وبدحن الشيطان والهم وباتسلى سعفكم شوعادها حفره وطين سالم بلحمر البدوي: ساس داري جنب دارك وانت حاسبني المعلم ذي بنى من اجل يبقى العلب جنب الياسمين عدنان ابوبكر بن عفيف: قلنا وش هو شعارك فند اهروجك وترجم بعد ماجتنا علومك قل لهاني سالمين سالم بلحمر البدوي: لاتطالبني بثارك بعض أفكارك تألم البساط الاحمدي خله وكل شي بايزين الشاعر هاني دعكيك: كنت مع حسني مبارك نبني الي قد تهدم وكل ثلاث ايام نتقابل وسط سيلة قرين عدنان ابوبكر بن عفيف: انت بس حدد مسارك يا قمر في ليل مظلم لاظهر نجمك نجوم الليل حولك زاهرين ابوبكر باسودان: صوتكم في الاذن سالك وقالت العينين لاتنم مابايجيك النوم شعار السقيفه سامرين عدنان ابوبكر بن عفيف: كل ابونا في انتظارك بنكوي لك حيت تعلم قل لسالم بو عمر مابين قلبك والريين عدنان ابوبكر بن عفيف: ليل يهل الطرب والمغاني شلوا الصوت اول وثاني نسموا قلب سالي وحبان وين بلقاك ياغصن من بان الشاعر هاني دعكيك: لا تذكرت مقدم زماااااااااني لي مضى لي بداخل وطاني قضي الليل ع الفرش سهران وين بلقاك ياغصن من بان عدنان ابوبكر بن عفيف: قال بوشيخ عزي مكاني والوطن مسكنه في عياني حضرموت العزيزه لها شان وين بلقاك ياغصن من بان فيه خلي وفيها خواني عايساري وحد عايماني كلهم تاج عاراس عدنان وين بلقاك ياغصن من بان سالم احمد باوزير: ياسلامي على أهل المعاني والتلاحين هزت كياني خلت الدمع ع الخد معيان وين بلقاك.... سالم احمد باوزير : ليتكم باتفكو رصاني بعتلي فوق صهوة حصاني بإدراج به وسط كل ميدان وين بالقاك ياغصن عدنان ابوبكر بن عفيف: انشدوا بو فرج لصفهاني في كتاب الأدب والأغاني جاب كلمه صريحه وعنوان وين بلقاك ياغصن من بان سالم احمد باوزير: يامحمد نكرني زماني يوم غلقت لي في ثباني سرت نفس يساري بليمان وين... ابوبكر باسودان : مانسيته والوزيري نساني بن حمد لي نعده كناني ايش غيرك ياعالي الشان وين بلقاك ياغصن |
|
التعديل الأخير تم بواسطة الشبامي ; 11-06-2018 الساعة 05:06 PM |
|
|
|
|
11-06-2018, 05:11 PM
|
#3 |
|
المشرف العام
|
نعتذر للإخوه الشعراء لكون بعض الأبيات سقطت سهوا من قبل المغني ولم يقم بغنائها ولكننا ادرجناها هنا حفظا للحقوق..!!
|
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
|
العرض العادي
