زامل في زواج آل جعفر العوامر وأخذ ورد عليه

[عامري من تاربة]

----------------------------- زامل في زواج آل جعفر العوامر .. أبو محمد العامري :

وسلام بالآلاف صــف من بعد صف ** ياكن راسي لا تقــــابلن الصفوف
ياخــــابرين اللــول لي بين الصدف ** شدو ركون الدار من شدة وحوف

-----------------------------رد بن عون العامري :

يا مــــــرحبا باللي تعنى أو حضف ** للخو نشــل أرواحنا فوق الكفوف
والذيب شل قسمه ودبر أو خطف **واحنا متى بنشـل أبو سته حروف

-----------------------------أبو محمد العامري :

اغفر لمن قد مـــات والهيبة شرف ** والعيب من غش الميازر بالشروف
غارة على المكـــــار والعايب خلف ** والراس عالي والخلوف الا خــلوف

-----------------------------رد الشاعر عبدالله باجعيفر:

صبح هميم السيل من وادي عرف ** كلين على جربه بالبكره يطوف

-----------------------------اأبو محمد العامري :

يا با جعيفر ما تعادلن الكفف ** حد قدم الغالي وحد مد الكفوف

-----------------------------رد با جعيفر:

يا بو محمد لا تفــتّح في المــلف ** يكفي شبعنا مالــوصوف الا وصــــوف
والقنص ماهو في السواقي والعطف ** القنص يصلح في المرابي والكهوف

-----------------------------أبو محمد العامري :

قنصان وشبينا معارقها بشف ** والحال يبغى راي ما يبغى شفوف
والي يشب النار في خوص السعف ** لازم يقود القافلة قبل السعوف

-----------------------------رد باجعيفر :

شفت البواسق امس حتنه حشف ** قصوا مقالعهن وانا عيني تشوف
من بعد ماكانن الى ذاك الطرف ** صارن ينازعن الزواخي والنفوف

-----------------------------*** الأبيات الأول والثاني فقط كانت في الزواج والبقية على النت .

[فاخر اليهري]

كلام كلام صح ألسنة الشعار جميعاً ، الجميع ابدع وبالذات أنت يابو محمد ماشاء الله عليك أبدعت وتميزت بقوة كلامك وجزالته والتزامك بالربط وليس بغريب هذا التألق على شاعر كبير مثلك يا ابى محمد ، استمر استمر ولاتبخل علينا بمنشوراتك الذهبية
تحياتي وتقديري لك

[عامري من تاربة]

صح بدنك أخي فاخر عزيز وغالي وما أنا إلا محب للشعر والله يجملنا وإياكم