عسى تعوض بالوطن بعض ماضاع (بن بريك)

[بن بريك]

عسى تعوض بالوطن بعض ماضاع

درب السلامه يارفيقي أمامك=توصل ديارك وأنت مرتاح قانع
من بعد مازادت همومك ولوجاع=عسى تعوض بالوطن بعض ماضاع
كثير في دربك تلاقي مثالك=من لي شراء الغربه وذلحين بايع
شاف الحقيقه وأختفت كل الاطماع=عسى تعوض بالوطن بعض ماضاع
كن بالقناعه دايمآ راس مالك=وأنصح بها من كان للنصح سامع
يرتاح بالك بعد ماسرهم شاع=عسى تعوض بالوطن بعض ماضاع
أجهر بيارك وأرفع اسواس دارك=يمكن تحقق حلم تطلبه رايع
جدك سكن فيها من اول ولا جاع=عسى تعوض بالوطن بعض ماضاع
قلبي معك والله يرفع مقامك =تبلغ مرادك دمت لله طايع
والقلب بالغربه على طول ملتاع=عسى تعوّض بالوطن بعض ما ضاع
دام المغني قد سجع بالشارك=يسمع ونين القلب من كان راتع
بين الحنايا معتكف خلف الاضلاع=عسى نعوض بالوطن بعض ماضاع
يا هاجسي تعرف جميع المسالك=تعرف دروب العشق دايم متابع
مركب هوانا قد رفعنا له اشراع=عسى نعوض بالوطن بعض ما ضاع
انشد عليك الريح وش كان حالك=واكتب لك الاشواق وسط المراجع
في عشقتك شاري ولا انا ببياع=عسى نعوض بالوطن بعض ما ضاع

بن بريك