اسئله حول قصائد المسابقه

[الفارس الملثم]

قصيدة الذيب

يامن بتقديرك طهم فرعون في غبه غزيره=ساعة عصى موسى بضربه شقة البحر الغزير
سالك بتاييدك ونصرك عالشياطين الكبيره=على الخمسه الكبرى وسادس قبل مايصبح كبير
سالك بتاييدك على اهل الشرور المستطيره=من عيشوا بغداد والبشتون في شر مستطير
ماشفت سيف الحق لي مغمود في داخل جفيره=ورقابنا للظلم والباطل وسيافه جفير
ذه الاوله والثانيه عيني ترى لعبه خطيره=حد ساير اللعبه وحد موقفه في اللعبه خطير
اللعبه الكبرى بدت من خوف ع الامه وغيره=منذو امر بوش الشبح من حيث مارادت تغير
بعد التخاذل والتأمر والخيانات الكثيره=كان المرض والفقر والافساد في الامه كثير
من بعد ماتقدم بدت ثوره عظيمه مستنيره =ثورة شباب احرار عممها الشباب المستنير
ثورات من تونس بدت كن ثورة المصري مثيره=ثوره عظيمه خالده يهياء بها الشعب المثير
ثوره قفى ثوره تغذيها الجماهير الغفيره=وتهاوت الاصنام تحت اقدام ذا الجمع الغفير
والحاشدي مهما بقى يكذب على اهل الجزيره=بايجيبه الموج الذي يجزر على الشاطي جزير
من سلطن الشاويش يستاهل الى شعق حريره=لانه غبي عنده قماش الطان عينه والحرير
ساوى القواقر بالمطرز داخل السوق الخسيره=وارخص حرير الهند بو وجهين في السوق الخسير
ما همه الا حيث ما تمطر تصب في عين بيره=ماء المطر والنفط له والغاز داخل كل بير
كذاب ومغالط ولا يؤمن بشي مخوه وجيره=منه ومن شره وشر المؤتمر الله يجير
بهذل بوحدتنا ومن عيبان يضرب حيد صيره=معجب في امعمر وما سواه فينا بايصير
قابض بحبل الكذب ذا الكذاب وحباله قصيره=مايدري ان الكذب مهما طال به حبله قصير
ما يدري ان الشعب له قدوه وفي يده مصيره=قدوته في مصر العروبه اهل تحقيق المصير
في النيل والاهرام والجيزه عناوين المسيره=من حيث ما قبل بها المصري معه واجب نسير
هي ام للدنياء وهي فخر العرب في كل ديره=من دونها الامه مثيل السوق لي ماله مدير
هي قلبنا النابض وتاج الرأس ياروس العشيره=كرت العرب من دونها ماجاب لي سعر العشير
عادت لنا من يد من بهذل بها واهتز ضميره=عادت من التحرير حره بعد معدوم الضمير
واستبشرت غزه بما قد سار والقدس الاسيره=واستقربت ام الاسيره يوم تحرير الاسير
من رحم ثورتنا العظيمه بالولادات العسيره=كل ما تعسر بي تيسر من مراكش لا عسير
بعد العجاف العشر واثنعشربداء عهد الخضيره=سيناء مست خضراء ووادي بن علي راوي خضير
والغيث برقه مشتعل مازال في رأس الحجيره=عارض قفى عارض جهام الخرف به محجر حجير
بايعقب الموال بعد الغيث في الرايه نشيره=حلي العمل هذي السنه بايكون في يد النشير
يكفي عمل عامل بطى يعمل ولا عنده بصيره=عشرين واكثر يعملوا مامنهم عامل بصير
اتجاهلوا الاقصى وغزه يوم صاحت مستجيره=ومن خذل من جار ماله عذر يصبح مستجير
هذا الذي حاصل واشياء في الاشاعه مش بخيره=لان المرض معدي ولا حد في المرض بايستخير
من لا وصله الدور نصف الليل بايوصل هجيره=في كل وصر باتسمعون الطبل لي يهجر هجير
عاد البنات الست بايغنن مع البنت الفقيره=لي جنبهن غنت بلحن الصوت لي صاع الفقير
امثال ماغنت سمر لابد ماتغني سميره=وامثال ماغنت سميره بايغنيبه سمير
ذا لحن حريه يهز القلب والروس الكبيره=في كل مكان الشعب غنابه على انف الكبير
لاحد يظن نفسه مؤمن او لياليه نويره=لالي في العشه ولا لي نيم في القصر النوير
المطلوب التوضيح من الشاعر الكبير ابو طارق
في ماتلون بالون الاحمر

وباقي القصايد غدا ان شاء الله

[جندب]

شـكــ وبارك الله فيك ـــرا لك ... لك مني أجمل تحية .

[اسعد انسان]

الفارس الملثم لماذا لم تعرضهن مره واحده ؟

[اسعد انسان]

الشاعر عمر الذيب
ارجوان لاترد عليه حتى تعرض جميع القصائد

[صلاح الأيوبي]

ياخي مفروض ان لاتتكلم عن اي قصيده حتى تعلن اللجنه لأنك هنا كأن تقول انك افضل منهم تبغي تنبه اللجنه عن الأخطاء ولكن يجب ان تشرشح كل القصائد المرشحه والغير مرشحه وخلنا نشوف اذا كانك تبغي المصلحه العامه للشعار واذا كانك عملية انتقام القارئ ليس غبي وهناك من هم افهم منك بالشعر يرون كل شئ وشكرا لك

[الناصح:]

الفارس الملثم يصلح في اللجنه بكل امانه واقتدار اعصر له اذني بس ياريت يكون في مكان المسئوليه امام الله وينصف ويكون نقده غير ناتج من عداء لأحد

[الميزاني]

شـكــ وبارك الله فيك ـــرا لك ... لك مني أجمل تحية .

[العباسي الهاشمي]

كل مالون باللن الاحمر مابه القصيده كامله شامله وماركه

[الفارس الملثم]

من قلب ثاير ثوّر ابحور القصيد=بقدم وباحيي شباب الثوره

ذي للكرامه قدموا كمن شهيد=في ساحة التغيير والمنصوره

في كل ساحه من حرض لما زبيد=للمهره إللي بالوفاء مشهوره

ثوّار وقفوا في الشدايد ايد بيد=كلن في الميدان يلعب دوره

احرار ماهم للدراهم شي عبيد=امثال شله بايعه ماجوره

باعوا في السبعين والبيعه اكيد=سهنواالهديه من علي مصروره

باعوا ضمايرهم وطمعوا بالرصيد=ذي مايسدد قيمة الفاتوره

بيعه بلا دلال والمبلغ زهيد=ياخس بيعه باطله منكوره

وإللي اشتراء بالمكر مابايستفيد=المكر والحيله ضوت في كوره

ماذي في الساحات واقف كالفريد=بايكتب التاريخ له واسطوره

يامنبع الثوار ياليمن السعيد=اقسمت عالاايات في كل سوره

بإني فداء تربتك في ساحل ونيد=لما سراج النصر يشرق نوره

ويعود لك مجدك وعزك من جديد=مابانخلي عزتك مقبوره

لوبايكلفني الثمن دم الوريد=بروي ترابك من دماء مقهوره

بندر مع الشجعان في الوقت الشديد=ذي صوّروا صورتك باحسن صوره

يكفي كفى من ظلم يكفي ماوعيد=طالت سنين البلطجي واشهوره

لمى متى والظلم كل ليله يزيد=عالشعب من زمرة علي وصهوره

كل من بلغ رشده مسك رتبة عميد=يامر وينهي والعرب ماموره

يامر على كيفه ويعمل مايريد=وان حد رفع صوته رفع صاطوره

شله خبيثه صفروا كل الرصيد=حتى المنيحه منهم معقوره

بيداتهم لرزاق والعيش الرغيد=والشعب من جوعه يبس حنجوره

لكن حان الكسر للقيد الحديد=مثل القيود اللي مست مكسوره

والختم باردد وباكرر وعيد=لاصوت يعلو فوق صوت الثوره

[الفارس الملثم]

خالد بن مهنا

ياراكبأ في شاص يطوي المسافات=مصنوع ومصمم بخبره وتكتيك
يطوي مسافة يوم في ست ساعات=مايخيّب امالك على الكيف يعطيك
لاوصّل الطبلون الى بعد الاميات =شم الانوف مع الاراضي ويدهيك
ولايهم المنعطف والملفات=اعسر واخطر منعطف جبه يمديك
وانته ولد سائق وعندك مهارات=امسك دركسونه ولاعاد اوصيك
واقصد منار العز مهد الحضارات=لي حضنها في شدة الوقت يؤيك
لحمك دمك روحك وللقلب نبضات=اسمك قرينك صاحبك لي مخاويك
مستقبلك حاضرك ماضيك لي فات=تبغى تضيّع حاضرك بيع ماضيك
ان بعتها باتخسر اشياء وبالذات=حياك لي بين المخاليق يحييك
وارسل معك ازكى وارق التحيات=لقيادة الثوره وكل من يلاقيك
من الرجال الثايره وسط ساحات وشعارهم بالروح والدم نفديك
ياموطن اهل النومسه والجميلات=مايستحق الشعب انه يحل فيك!
..لو ماقدر يكفيك شر العصابات=اللي الى اكبر داهيه باتوديك
وهاك شعبك ثار نظم مسيرات=واتذكرك ماكان جاحد وناسيك
ضحّى وفي صدره تلقى الرصاصات=مادامك اعطيته فلابد يعطيك
اما انت ياللي لك في الكذب عادات=يكفيك ماسويت في الناس يكفيك
عليك في كذبك دلائل واثبات=تهرج وترجع من كلامك تماتيك
"]حكاية الشاويش ام الحكايات=في اخر الحلقات ولعاد بخفيك
واوراقك اللي فيها تكتب خرافات=واللي عليها اسمك وعلمك وطاريك
رميتها في وسط كيس النفايات=آسف ترى ماعاد صرنا نثق فيك
ياكير للفتنه تنذخ شرارات=الله يجيب اليوم لي فيه نطفيك
نفّتك من بلوه كبيره وآفات=بليتنا فيها عسى الله يبليك
علمت شعبك كيف يدمن في القات=هنّه وقل يالله بعلمه يهنيك
وابعدت شعبك عن مواطنه سنوات=وكأن ماهو شي منك ويعنيك
ان عاش برضه شاقه الضرف وازمات=والنفط والثروه معك في مخابيك
في ارض غربه عاش لوعه وفجعات=داري بهم ماقول وش لي يدريك
راعي الاقامه عذبته الكفالات=يكفلك بن آدم وكافلك باريك
إلا كفيلك لو تفارقه لحضات=او تشتغل لحساب غيره يمسيك
في سجن للترحيل عبر الجوازات=والدرب لي جابك يقولوا يوديك
اقولها والقلب مليان حسرات=انا لي الله وانت ربي يجازيك
ولاّ ايش رايك يابو سالم في ابيات=انت اعتبرها جات عندك تحاكيك
وابغى جوابك واضح بدون شفرات=وانا اعرفك لي فيك مابايخليك
والختم صلو عالنبي عد الايات=لي في كتاب الله الى الحق يهديك