مساجلات الزامــــل الشعبي

[سعيد محمد علي عبود باوزير]

واجب نعامل بعضنابأحسان=واللي تقدّم قد تهدّم
والجبرباقي بيننا أخوان =والعذرعالزّامل تعلمّ

[سعيد محمد علي عبود باوزير]

كلمه تقوّي داخلك أيمان =وأخرى تورّد في جهنّم
بالكلمه الزّينه انا كسبان =مرفوع راسي باتنهّم

[جمال العطاس]

اقتباس : المشاركة الأصلية كتبت بواسطة سعيد محمد علي عبود باوزير

كلمه تقوّي داخلك أيمان =وأخرى تورّد في جهنّم بالكلمه الزّينه انا كسبان =مرفوع راسي باتنهّم

الكلمة الزينة لها عربان=أخلاقهم زينة وتفهم
الله عطا الحكمة الى لقمان=والبعض صكّة لا تكلّم
ماتستوي العربان ياوزران=واحد بري والآخر أجذم

[سعيد محمد علي عبود باوزير]

يامرحبايالشاعرالفهمان =فاهم ومتفهم وتفهم
انته العلم يالهاشمي العدنان =حط العلم فوق المقطّم

[عبدالله الجعيدي]

عفوا اخواني كتبت المشاركة عند مشاهدتي للفصل وحز في نفسي ان الغيها بعد مشاهدتي لباقي المشاركات اذ تكررت بعض القوافي . وارجو ان تقبلوها بما فيها من عيوب . تحياتي

أبديت بك يا فرد يا منان = يامن بكل الأسرار تعلم
يا للي خلقت الإنس هم والجان = وأخلقت للمسقوم بلسم
في هذه الصفحة مع الأخوان = يا الهاجس الليلة تكلم
وانثر حبوب اللول والمرجان= واطلع ذهب من كل منجم
شفت السفينه في غبب سيلان = مالت ومُقدمها تحطم
واللوم با حطه على الربان = لي بالخلل ما كان مهتم
يا أهل الزوامل شعركم للآن = طعمه صبح فالفم علقم
من بعد غيبة جيتكم زعلان = والحزن فوق الراس خيّم
خربتوا الزامل وصوت الدان =بابيات جم تُكتب وتنظم
ياريت بوراضي رفيع الشان = يرجع ويرجع بن مسلم
والقحم يطلع من وسط لكفان =يبناك يالحصن المهدم
باترجع الدنياء على العدان = والهرج با يصبح متمم
الدين له خمسه من الأركان = لو قامها الإنسان يغنم
والشعر لي يبنى على عمدان = بالقافية والوزن يحكم
باينكتب بالتبر في ديوان = الكيف وسطه زاد ع الكم

ابو راضي / المقصود به الشاعر الكبير سالم باتيس رحمة الله عليه وحفيده هو شاعرنا طالب حسن باتيس وهو احد شعراء وادي عمد الكبار وله العديد من القصائد المشهورة .

بن مسلم / هو ايضا احد شعراء وادي عمد الكبار رحمة الله عليه وقبيلة بن مسلم بها العديد من الشعراء المشهورين

القحم / هو القحم العمودي رحمة الله عليه وهو احد شعراء وادي عمد الكبار ومسقط راسة شعبة عمر .

[مضارب بني نعمان]

اقتباس : المشاركة الأصلية كتبت بواسطة عبدالله الجعيدي

أبديت بك يا فرد يا منان = يامن بكل الأسرار تعلم

شفه بغاله وزن يابوسالم راجع الحليله .

[عبدالله الجعيدي]

اقتباس : المشاركة الأصلية كتبت بواسطة مضارب بني نعمان

شفه بغاله وزن يابوسالم راجع الحليله .

اتمنى ان تقوم بهذه المهمة وساكون لك من الشاكرين . تحياتي

[جمال العطاس]

بديت بسمه ربي الديّان= صلى على طه وسلّم
أبيات جت في غاية الإتقان= الشهم بوسالم تهذرم
لسان تنطق بالحِكَم ولسان= عسى لها يارب تعجم
الشعر منها لفلفة خرطان = أوترتزق بالشعر تلقم
بايمدحون اللي معه حنّان=والا بفص غالي تختّم
هانوك الا ياشعرنا الطلبان=وإنته فطن ياصاح وإفهم
القافية باتت في الأكفان= أو عظمها ياصاحبي رم
ولروحها قم وإختم القرآن= وأقِم عليها اليوم مأتم
من يوم ماصارت مع زقران= مامنّهم واحد تحزّم
إن مامدحته صار لك حنقان= أو صار لك عادي تخصّم
هذا زمن من خسّها لزمان=شف كل عروة فيه تُفصم

[مضارب بني نعمان]

اقتباس : المشاركة الأصلية كتبت بواسطة عبدالله الجعيدي

اتمنى ان تقوم بهذه المهمة وساكون لك من الشاكرين . تحياتي

ابديت بك يافرد يامنان ........يامن بها الاسرار تعلم .
وحكم فيها من تبي .

[عبدالله الجعيدي]

اقتباس : المشاركة الأصلية كتبت بواسطة مضارب بني نعمان

ابديت بك يافرد يامنان ........يامن بها الاسرار تعلم . وحكم فيها من تبي .

الفهيم سينطق الاسرار ( لسرار )


( عفوا بدلا من ان اقتبس مشاركتك قمت بالضغط على تعديل وادركت ذلك لاحقا وتم التعديل‘