مساجلات الزامــــل الشعبي

[طالب النعماني]

هذا الكلام الزين ذي موزون=قل للوعول المعشريه
ماالبكري الليله عرف للنون=واعرف حروف الابجديه

[علي سالم البيض]

ماقضيتو لزم في يوم سهم المنيّه

هاجسي لاقدم ماظن يسكت ويعجم=ياصلاب الهمم ودّي بشربه هنيّه
وسط سوق الظلم ماحد من الظلم يسلم=والجدار انهدم عا كبّت الحضرميّه
يارجال اللزم الله يدرى ويعلم=ماقضيتو لزم في يوم سهم المنيّه
مثل فرق الغنم لاجاهن الذيب لصرم=يخدعن في خيم واقرونهن ملتويّه

[طالب النعماني]

اقتباس : المشاركة الأصلية كتبت بواسطة علي سالم البيض

ماقضيتو لزم في يوم سهم المنيّه هاجسي لاقدم ماظن يسكت ويعجم=ياصلاب الهمم ودّي بشربه هنيّه وسط سوق الظلم ماحد من الظلم يسلم=والجدار انهدم عا كبّت الحضرميّه يارجال اللزم الله يدرى ويعلم=ماقضيتو لزم في يوم سهم المنيّه مثل فرق الغنم لاجاهن الذيب لصرم=يخدعن في خيم واقرونهن ملتويّه

انته المتهم . لاتقول في الناس مهتم=جبت للناس هم . جبت الاذا والاذيه
ياعلي لاتعم . كلين يدري ويعلم=بعد رفع العلم . صبحت كياسك خليه

[أحمد العمودي أبوفيصل]

اقتباس : المشاركة الأصلية كتبت بواسطة علي سالم البيض

ماقضيتو لزم في يوم سهم المنيّه هاجسي لاقدم ماظن يسكت ويعجم=ياصلاب الهمم ودّي بشربه هنيّه وسط سوق الظلم ماحد من الظلم يسلم=والجدار انهدم عا كبّت الحضرميّه يارجال اللزم الله يدرى ويعلم=ماقضيتو لزم في يوم سهم المنيّه مثل فرق الغنم لاجاهن الذيب لصرم=يخدعن في خيم واقرونهن ملتويّه

قل منهو ندم لابد مالبيض يندم = كان يلعب بهم ضيع حياته عشيه
كل عاقل فهم وانته ماطعت تفهم = شل فرشك ونم واقفل ملف القضيه
خير عالناس عم بعد ماغاب لجذم = شعبنا قد نسم يوكل فواكه طريه
جاب للناس هم لي كان بالامس يحكم = لي سقوا الشعب سم ماشي لهم قابليه

[علي سالم البيض]

ـههههههـ اشرررررب اشرررررب ـههههههـ

يوم جاك الجذم . ودّيت بالناس تجذم=وش علاج الجذم . الا ثلاثين كيّه
عندي البحر زم . شربتي من بير زمزم=نهر سيّدك زم . وانته ورادك خليّه
قد خلفت القيم . واليوم شاعر مقمقم=لنت صمصوم قم . في سعفة الهاشميه
وإن تبون السلم . انته ويا بن مسلم=شفت شوك السلم . مثل الحراب القويّه

...

[جحدر]

لك عطينا نعم يا البيض والروح والدم=لي بوادي سقم صمدو على المدفعيه
خالفون النظم باعون من كل منجم=واسقو الشعب سم بعد القراص البغيه

[أحمد العمودي أبوفيصل]

دوب شفني نهم ومن فوقكم باتنهم = بانوطي القمم وحيودك المعتليه
باترص الكلم والامعاد باتكلم = كل مقصود تم واحنا مسكنا القويه
قبل مسقيك سم باحذرك لاتتسمم = حط بهامك بصم يكفي من العنجهيه
باتمص العجم والاترى باتعجم = من غفى بيحلم ياهل العقول الذكيه

[علي سالم البيض]

ـهههههههـ اشربوووو ـههههههههـ

من فزع لارجم . بيكون عمره مرجّم=وان رجم لا ارتجم . بتكون له قابليه
وان رجعلي قزم . ألرث دايم مقزّم=جا لسيّدك هم . من فرقت الدوسريّه
راح عنتر وكم . بالدرع لحمر مكمكم=يسمعون الصمم . بالميج والمدفعيه
قد فروخ الرخم . في قصر عالي مرخّم=ياصقور القمم . لخطـْب يباكم ضحيّه

....

[جحدر]

لي يرص بالقدم غيب ورى الهيج لدهم=مابناشئ مهم مادام رجلي قويه
لادخلت الدلم باتنشدعلى الخال والعم=مايفيد الندم لابوك دنيادنيه

[أحمد العمودي أبوفيصل]

قل لجحدر نسم لي شكله اليوم لرتم = يومه أول عجم ريته تكلم شويه
قله أصبر نعم ذا الهيج عاده ملجم = لي طلع للقمم ضحى بعيشه هنيه