((( الدان )))

[أبونمر]

لوما المحبين حلوا فيك يالمعدي =من بعد ذا اليوم ماباقول لك عوده
حل السمر باحضر ماباخلف وعدي =بارد على الدان والمدروف ذا عوده
باوفي الشرع لك والجود يالجودي =وفسالة الوقت هذا تعتبر جوده

[البكري]

يا بونمر الى عندك مردّي = والدنيا شفها تدور كما الروده

[مجمل]

الجود دربك ونا والله في عودي = حب الوفي ذي كلامه در معدوده
الناس تسمع لذي في يده العدي = واليد دايم الى المخباه ممدوده

[أبونمر]

مالي بحد قصد غير الصدق مقصودي = والآدمي لاصدق بايبلغ قصوده

[أبونمر]

عادتي لانظرت قدامي نظر بعدي =شوف الذي هو عليه بيشرع عوده
وطبيعتي ما حسب للقرش والأردي = والآدمي لاحسب في اليوم مردوده

[البكري]

في ذا الزمن من بايبيع يبيع نقدي = من باع بالاجل ضاعت نقوده

[مجمل]

عيني بميزر فسحت اليوم فالحمدي = صوته يزوع بوادي عمد وحيوده
ونا ذرعته بنص والله في جهدي = وانه موافق عطيته قصر فالكوده

[أبونمر]

انك مكلف على الميزر ظهر سدي = لايكون هوذا ذي مولاه في السوده
عز السلوبه في البلجيك به عهدي =والصوب في الكند للرميان معهوده

[الحاير]

مسكين ياناس قالو من مامعه عدي = يمسي سهير الليل يهنهن على عوده

[أبونمر]

لاقد معه العافيه والستر باتعدي =يالحايرسنين لي في العمر معدوده
عندي وصيه عليها ضام من جدي = والآدمي لاعمل بوصية جدوده