ديوان الشاعر القدير((مجمل))..هديه من سقيفة الشبامي.

[خالد بن مهنا]

بعد ان قمت بطرحي لديوان الاخ الشاعر القدير عمر سالم الذيب. وعدتكم انني سااقوم بطرح عدة دواوين لعدة شعراء في سقيفة الشبامي.ولو كان ذلك متاخرا ولكني عند وعدي لكم احبائي.والان اختار شاعر عرف بقوة شعره وجزالته اثراء صفحات عذب القوافي بحضوره وتواجده الذي يزخر بمشاركاته الشعريه والنثريه ..شاعر لايفكر كثيرا في الكم بل يصب عصارة فكره في الكيف.وهذا هو الشعر الحقيقي والابداع المنقطع النظير.

اخي العزيز ((مجمل)) اقبل هذه الهديه والتي قد لاتكون في مقامك فمقامك اعلى من ذلك.ولكن كما يقول المثل .الجود بالموجود

مشرف سقيفة عذب القوافي .اخوك/خالد بن مهنا.
وبالنيابه عن ادارة ومشرفي وحلان سقيفة الشبامي

[خالد بن مهنا]

((اجمل ايام العمر))

هاجسي يبدع في المناظر ذي تسر = يبدع اذا شاف الغصون الراويات
وقمة الابدع لاذقت الثمر = بعض الشجر اثمارها سكر نبات
العشق في قلبي لقا نقش الحجر= ذقته كما ذي من سموح الجانيات
ماتنتسي ايام مرت فالصغر = مدونه في بوك احلى الذكريات
لو بحرت واتذكرت في ماضي عبر=مابا قصيها من صباحي للمبات
من عاشها من صدق باينسى الكدر = بايذوق طعم العيش من كل الجهات
واخر كلامي بالمفيد المختصر = ماشي كما ذيك السنين الماضيات
احلى سنين العمر مرت ع عمر = ماليوم شيبنا دعولي بالثبات

من كلمات الشاعر :مجمل

[خالد بن مهنا]

((محنون))

لاطعم للعيشه ولاشي نوم = محنون فالوادي كما المفطوم
ماظن في هذا علي شي لوم = ايش الدواء ذي ينفع المحنون ؟
لذكرت ذي فيه العرب حلان = انسى أنا الغربه مع الاحزان
سلام لك ياخيرت الوديان = ياذي ثمارك تين والزيتون
ان عاد شي باقي في الاعمار = بقطف ثمر شجره من الاشجار
ناوي مجمل يترك الاسفار = وفق مجمل ياإله الكون
باتنطفي نيران ذي فالجوف = تمر الخلوع المفرشه مصروف
سوو فضيله وافعلوا معروف = باعيش باقي العمر لك مديون
وان كان حظي هكذا محسود = ولعاد شي رحمه ولاشي جود
بجلس هنا والعيده للعود = والسر خله بيننا مدفون
ياوادي الرحمن لك مليون = ازكى تحيه زايده بليون
انا بحبك هكذا مفتون = واللي مقدر دايما بايكون

من كلمات الشاعر :مجمل

[خالد بن مهنا]

باقة ورد للمشرف العام

صوت الشبامي عندنا مســــــموع = يأهل السقيفه ياصلاب الروس
الورد بانهـــــديه من كل نـــوع = يستاهل التشريف والنامــــــوس
يبغا السقيفه أسمها مرفوع = مهتم بكل الناس شي ملمــــوس
عصب حبال الود ذي مقطـــــــوع = بالعقل قد عالج لنا الفيروس
والسب بعد اليوم هو ممــــــنوع = يومين قد مرت علي كابوس
واليوم كل واحد يشـــل له روع = ولا زمان الحقد هو والبوس
باشق عود الحمر ذي مـــــربوع = باخاوي الاوتار عالقنبـــوس
باتسمعون القول ذي مصــنوع = فالعشق بانعطي حصص ودروس

للشاعر :مجمل

[خالد بن مهنا]

((العيش متعه معك في هذه الدنيا))

دنياء دنيه بدونك كيف تحلالي =وكيف تحلى بدونك هذه الدنيا
لاطيب للعيش لا منته على جالي = شوفتك والله ذي قلبي بها يحيا
حتى الصبر لانظرتك اطعمه حالي =لاقد نظرتك اهوجس مرحبا حيا
خلك بجنبي كنان الراس واظلالي = واعطف على قلب ذي حبك عطف هيا
هيا تكلم وقل حاجات في بالي = قل لي نصيبك وترك باقي الاشيـــــاء
واسعد بعيشه معي فيما تبقالي=فالعمر لحظات دنياء مالها بقيا
باقولها صدق فالاول وفالتالي = العيش متعه معك في هذه الدنيا

للشاعر:مجمل

[خالد بن مهنا]

من بلاد الصين

هاجس يجملني ونا باجمله = يوزن قوافية بميزان القفال
يفتح علي ابواب قدها مقفلة = شيبه وتفكيري بترباة العيال
شف حالة العشاق دايم بهذله = يخسر ويربح من دخل هذا المجال
كل شخص فالدنيا يمر في مرحله = في كل شي مطلوب دوب الاعتدال
ان باتجملني قصد في المرجلة = المرجله ناموس في روس الرجال
تحضر مع العقال لاشي معضله = وتسير بين الناس محمود الخصال
لكن حمولتها عنية مثقله = تهوى مع لجواد والناس الثقال
والعكس لخرى هي طريق السحلله = سهلة ولا تحتاج فيها للسوال
يابخت كل رجال بيده لاوله = والله بان المرجله هي راس مال

للشاعر :مجمل

[خالد بن مهنا]

اخواني الاعزاء حفظكم الله بعد زيارتي لارض الوطن الغالي وقمت بزيارة الصفراء شبام واعجبت بهذه الجوهره الغاليه والمنظر الخلاب من كل الاتجاهات في وسط وادي حضرموت شمعه مضيئه تاريخ متحف كنز من الطين وتحركت مشاعري وسجلت هذه الابيات المتواضعه في وصف هذه الجوهره

باحاول اتغنى في الصفراء شبام = بالشعر بوصفها لكم حتى قليل
هي درة من طين في لون الجهام =حسناء وسط وادي بمنظرها الجميل
في شكل بدويه يزينها اللثام =في كبرياء المهره من النسل الاصيل
محشومة المظهرفي اللبس التمام=عيناك تتبعها ولا تبغى تميل
هي جوهره كل من عشقها مايلام =هي كنز فالوادي من الزام الدويل
هي امنا هي العزيزه فالمقام =هي الحبيبه ذي مقابلها السحيل
متزينه دايم لنا في كل عام =يالله عسى الصفراء لها العمر الطويل
هذا العجوز المعجزه تدعى شبام =ماحد يعتب في نسبها مستحيل
عاجز ولابقدر وصفها بالكلام =خايف في الميزان شي كفه تميل
سلام لك مليون من قلبي سلام =سلام يادار المروه والجميــــــل

للشاعر:مجمل

[خالد بن مهنا]

(((الـــشوق)))

يامالك الملك ياذي معتلي في سماه =وفق مجمل في الدنيا وحقق مناه
بعد الحبايب كوا قلبي بناره كواه =لذكرتهم طار نومي من عيوني جفاه
سلام مليون للوادي سلامي ملاه =يبلغ لعربان ذي حلوا بمخيه علاه
وشوق للصاط شوقي لاشجاره وماه =لاهبت الصبح عليا جاتنا من قداه
اشم ريح الحبايب ذي يهب في هواه =وحرك الشوق في قلبي وزود عناه
وزاد همي في الغربه ولاشي بداه = من السفر ياعرب والله ماشي بداه
والسوق فاتر وكلن مبتلي في بلاه = حد قد دخل سوق لسهم مالحق ذي يباه
مسكين ضيع شهر وسنين فيها شقاه =وضيع المال ذي بيده من اول خباه
وصار يمشي في الشارع يزقل يداه = خايف من الفقر يوصل في سهن ذالغناه
يارب سترك علينا في امور الحياه =وفق عبادك ووفقنا نقوم الصلاه
وعود لرضي معافا مابغينا سواه = هذه عطيه كسب من خالقه قد عطاه
والختم صلوا على من لانبياً وراه = محمد المصطفى ذي قص روس الطغاه

للشاعر:مجمل

[خالد بن مهنا]

حلم.

حلم فســــــــــــرته على بالي طراء = مثل حلم الليل ذي يســـــــعد مساك
وانشـــــــــــغل فكري بترتيب اللقاء = والعيون الســــــــاهره تبغاء تراك
وانصدم بعد المشـــــــــــقه والعناء = حلم ريته تم في لحظـــــــــــة لقاك
ايش ذي قد صــار وايش اللي جرى= ايش ذي غيرك حد ثاني غــــــراك
وانقلب من ود طبـــــــــــعك لاجفاء = ماعترفلي وين وجــــهك من قفاك
بعد ماكانت مشـــــــــــاعرنا سواء = كنت مثل النجم ساطع في سمـــاك
كنت عايش حلم في بحر الـــــهواء= ياخســـــــــارة حلم مع واحد كماك
فصل عشــــته في حياتي وانطوى = لعاد قدامـــــــــــك ولابضرب وراك
انت ذي خسران مابخســــــــر انا = بيننا الايـــــام باتــثبت غـــــــــــباك
كنت تامرني وقولك مـــــــــــرحبا = ياقليل الخـــــــــــــــــير هذا ماكفاك؟؟

للشاعر:مجمل

[خالد بن مهنا]

بدع وجواب بين مجمل وابنه
مجمل

ثارت مخيله قل لعبدالله عمر = شوف المناشي تعتكر فوق البشير
الله يعينه من بناء بيته مدر = مابايكنه لسماء تهدر هدير

عبدالله

الله يصونه ياأبي من كل شر = كل من تكبر عاد من فوقه كبير
ماشي مهم في حصن ساسه من حجر = عنده منيبه ذي يجلون الشبير

مجمل

وعاد خوفي ع المنيحه فالوصر = ذي هي تخصر للصغير والكبير
وحوش جم من بعد ماغاب النمر = باتشوفها كل يوم فالنشره تغير

عبدالله

شي يعتبر يابه وشي مايعتبر = وماكتب فاللوح لازم بايصير
ولعاد شي منكور فعله ينتكر = عند الذي له قلب ماعنده ضمير

مجمل

الله يصيبه وقت ظالم مايسر = خلا حصان الكذب والشرع القصير
يركبه من عنده دراهم فالكمر = واما المقل حافي على الشوكه يسير

عبدالله

العيب فينا لو تبا مني خبر = نحنا تركنا الساقيه هي والضمير
نحنا هملنا المال ذي يلقي ثمر = وضاعت القصبي وضيعنا الجفير

مجمل

الصبر ثم الصبر ياوعل النتر = ربك يفرجها على الامه قدير
كل من صبر لابوك فالدنيا ظفر = على العدو الله يعينك يالبشير