مساجلات الزامــــل الشعبي

[خالد بن مهنا]

ذا فصل والثاني مشيناء في السواء= وان باتعاندني انا راسي عنيد
واحنا خوه في المنتدى واعيال عم=بانتفق مره على الراي السديد

[محمد سعيد بن مخاشن]

اقتباس : المشاركة الأصلية كتبت بواسطة خالد سالم بن مهناء المري

ذا فصل والثاني مشيناء في السواء= وان باتعاندني انا راسي عنيد واحنا خوه في المنتدى واعيال عم=بانتفق مره على الراي السديد

عليت يا المري تجنّبت الغواء=لكن غيرك طبعهم طبع العبيد
باتيس ما يعرف يقل للعيف ( بَم )=عا النار صب القاز يبغاها تِقِيْد
&*&*&=
المنتدى خلّوه غارق في الهراء=وبدلوا المضبي بصرعه من قديد
بعض العرب تدعي له ألا بالعجم=وتفرح إذا قالوا صبح حيمد فقيد
&*&*&=
ما جاوب ( الأحمر ) إذا سمعته عوى=يقول بو صالح محمد بن سعيد
وما ناحر ألاّ يام ومعهم دهم=وما نقتل ألاّ من صماصيم العضيد

محمد بن سعيــد بن مخــاشن

ــن

[علي بن طالب الحامد]

لانته من اهل الزيف واصحاب الهواء=حاشا ك لا ياجيد يانسل جيد
بن عمر يا خوك ما يهتم ويشل هم=صليب اقسى من جلاميد الحديد

[طالب النعماني]

يابن مخاشن انتبه
احم احم

[خالد بن مهنا]

اقتباس : المشاركة الأصلية كتبت بواسطة المخشني

عليت يا المري تجنّبت الغواء=لكن غيرك طبعهم طبع العبيد باتيس ما يعرف يقل للعيف ( بَم )=عا النار صب القاز يبغاها تِقِيْد &*&*&= المنتدى خلّوه غارق في الهراء=وبدلوا المضبي بصرعه من قديد بعض العرب تدعي له ألا بالعجم=وتفرح إذا قالوا صبح حيمد فقيد &*&*&= ما جاوب ( الأحمر ) إذا سمعته عوى=يقول بو صالح محمد بن سعيد وما ناحر ألاّ يام ومعهم دهم=وما نقتل ألاّ من صماصيم العضيد محمد بن سعيــد بن مخــاشن ــن

ياالمخشني بالقيك قايد عاالواء =بلقيك في صف المقدم والعقيد
واحنا اوادم قبل منقاطر كلم=نحسب لها من قرب ولا من بعيد
ياالف بعدك لام بعدك حرف راء=مفتاح يفتح كنز هارون الرشيد
هذا كلامي وانت يافاهم فهم=ركز وباتفهم تريد او ماتريد

[بن قطمان]

هاجس معي لاقد دعيته قد ضواء=ان فاد ولا منكم بايستفيد
عالم ومتعلم ولا زلا العلم=وان قد ضرب يضرب بضربة من حديد
واهل الهواء كلن يبا الا ما هواء=والشوف ياهل المنتدى عاده بعيد
ساويتها والعود عاده مااستوى=حيا زمن مصعب وخالد بالوليد
ردو بصوت الدان ياصحاب النسم=والسعد فالدنيا على منهو سعيد

[خالد بن مهنا]

من قول بن قطمان هاجسي ارتوى=قوله مثيل الرعد لي يرعد رعيد
ماجد وله في خاطري مقدار جم=والمجد ميحالف سواء الشخص المجيد

[أحمد العمودي أبوفيصل]

الطبخ لي عالنار عاده مستوى = لمى متى عالنار يتوقد وقيد
يالمخشني لك ثورعاده ماضوى = وانته في الميدان تتوعد وعيد
كل من غواه أبليس بيشوف البلا = لاقمت يالشعار بعصدها عصيد
ومن تحداني بنيران أنكوى = شفني على كل باب ملقيلي قليد

[أحمد العمودي أبوفيصل]

الخوان الشعار اسف ماشفت الربط الاخير
لاني فاكره ربط زامل والزامل ربطه فصلين

[أحمد العمودي أبوفيصل]

السوق فيه البيع هو والمشتراء = ولادخل للسوق لامامعك رصيد
والسوق لادخلته بصوتي بانهم = مابانجي من قرب والامن بعيد
يابن مهنا وط صوتك لاعتلا = والعبد مهما راح بايرجع لسيد
ان قد لطم بحرك انا بحري لطم = له موج يلطم فوق كل ساحل وميد