|
06-27-2012, 01:35 PM | #1 | |||||||
شاعر السقيفه
|
بن مخاشن عساه بخير يا اللي تبونه = الخنب تنتظر للوعل حاني قرونه
|
|||||||
06-27-2012, 01:58 PM | #2 | ||||||||
شاعرة السقيفه
|
من يون جاكم المجنون كامل جنونه = ما يميز ولا يفهم مفرقز عيونه
|
||||||||
التعديل الأخير تم بواسطة شهد الملكه ; 06-27-2012 الساعة 02:06 PM |
|||||||||
06-27-2012, 02:26 PM | #3 | |||||||
شاعر السقيفه
|
طالب القرب يبغا وصلكم ياحنونه = ونت اعرف بذي يبغا ولا شي دونه
|
|||||||
06-27-2012, 02:56 PM | #4 | |||||||
شاعر السقيفه
|
ياصديق انت كلام مشكل كثير .... هذا كلام مره خرباااااااااااان ههههههههههههههههههههههه
هذا صاروخ ارض جو ياصوت الجنوب ايه تلقي ياخوك |
|||||||
06-27-2012, 03:11 PM | #5 | |||||||
شاعر السقيفه
|
انظر ردي على بو الجويد با قديم وانت تعرف من هو
صوت الجنوب ولكن المشكلة في المعرفات الكثيره .. تقبل تحياتي ، والعفو منك ياملك ......... |
|||||||
06-27-2012, 05:44 PM | #6 | |||||||
شاعر السقيفه
|
والله ياخوي صوت الجنوب العفو منك مافهمت ايش تقصد .... لكن ترى اللي كتبته هو مجرد دعابه واكبر دليل انني من اعجابي بما كتبت قلت على البيت صاروخ ارض جو وانا من متابعينك . اما موضوع المعرفات الكثيره فهذا موضوع لا يهمني فليس لدينا غير معرفنا هذا اذا كنت تقصد ان لدي معرفات متعدده لكن اذا التعليق زعلك فانا اسف كثير الاسف واتمنى ان تقبل اعتذاري ......
|
|||||||
06-27-2012, 06:30 PM | #7 | ||||||
عميد شعراء سقيفة الشبامي
|
ياسامعين الصوت صلوا عاالنبي = ياعاشقينه كلكم صلوا عليه
ذي من صلاته كل كربه تنجلي = والقلب من ذكر النبي يبعد غثاه والثانيه بنصح صحابي واخواتي = تراحموا ماحد مخلد في الحياه الكلمه العيفه تنكد خاطري = وان قلتها ناظري ماشي نوم جاه لوني محق ودفاع من كل مبتلي = باطله داهمني وداهمني بلاه يمسي يساورني ندم مايحتصي = واستغفر المولى ونترجى رجاه العمر فاني والليالي تنطوي = من لا بناء عاساس يتهدم بناه |
||||||
06-27-2012, 07:31 PM | #8 | ||||||
عميد شعراء سقيفة الشبامي
|
انا بشر قد صيب وخطي يابني= والمؤمن الصالح علاجه في تقاه
غير العمل ماشي يفيد الادمي = يابخت ذيهوا لا خطاء يدرك خطاه لاحقد في قلبي ولا طبعي شني = قلبي يرف رحمه على القوم الشناه شافوا الزيب عاكور والطيب شقي = ومن دخل في سعفهم ملا كساه |
||||||
06-27-2012, 02:29 PM | #9 | ||||||
عميد شعراء سقيفة الشبامي
|
هاجسي مايجيب اللوم ينظم فنونه = نظم عن نظم يفرق كل خادم لمونه
فرزنوا وزنكم كلين يحكم وزونه = كل ديان جبري سددوا له ديونه والخريبه كما برهوت ذي تعرفونه = والحطب من دخل به ماحنب في زبونه محكمة عدل كل واحد يقدم طعونه = بانشوف الذي يضحك وذي يرشخونه |
||||||
التعديل الأخير تم بواسطة حسن محمد سالم باقديم ; 06-27-2012 الساعة 02:36 PM |
|||||||
06-27-2012, 02:50 PM | #10 | |||||
شاعر السقيفه
|
[QUOTE=حسن محمد سالم باقديم;727114]
هاجسي مايجيب اللوم ينظم فنونه = نظم عن نظم يفرق كل خادم لمونه [/QUOTEفرزنوا وزنكم كلين يحكم وزونه = كل ديان جبري سددوا له ديونه والخريبه كما برهوت ذي تعرفونه = والحطب من دخل به ماحنب في زبونه محكمة نقض كل واحد يقدم طعونه = بانشوف الذي يضحك وذي يرشخونه
ياسلامي على الهرج الذي تنقحونه=مثل دسمال غالي والصناعه ببونه
من كلامك رزح هاجسي فلّج رصونه=والبضاعه عين شفها معه في خنونه كل راعد وله بارق وتذلح مزونه=من ظمي يشرب الا من كرع في حفونه |
|||||
مواقع النشر (المفضلة) |
|
|
|