مجلس الدان الحضرمي

[عمر الذيب]

اقتباس : المشاركة الأصلية كتبت بواسطة المطلع [ مشاهدة المشاركة ]

عذوبه في عتوم الغيل كل معيان من نبعه =بذوقه والعذوبه محتفظ لمان هذا اليوم وكل مخلوق يتفاخر ويفخر دائم بربعه = بظني هو يستاهل يسمى دوب سيد القوم

عرف يوم المخيله والسحاب الزين من قزعه=متى ما سبر يثور لكم باخيله باقوم
وغيث اليوم شوفه عاالجبل والضاحيه قطعه=ولكن الضمر زينه وحبل الساقيه مصموم

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

حنب بالحمل جاهل خيب لي ماقايس الشقعه=وبيت به يلف ويدور تحت المحكمه ملزوم وعا مستقبله خايف بعينه تدرج الدمعه=وله مده يخبخب من بظه لا سوط باكرشوم

يكون الله في عون الذي علته في سمعه=وبعض الناس لاشافوا صقع قالوا لنا مغروم
ولاشافوا ثرم قالوا نفخ واطفي لنا الشمعه =بغوه الاضحك دايم على الظالم وع مظلوم

[ابوشحوف]

سمر ذا الليله اعجبني ذكرت الصوط والنقعه = وذكرني ليالي ماضيه ماذقت فيها النوم
ليالي ريتها ترجع ولكن صعبه الرجعه = صبر ياقلبي السالي صبر عالواقع المحتوم

[عمر الذيب]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

سمر ذا الليله اعجبني ذكرت الصوط والنقعه = وذكرني ليالي ماضيه ماذقت فيها النوم ليالي ريتها ترجع ولكن صعبه الرجعه = صبر ياقلبي السالي صبر عالواقع المحتوم

صبرنا مثل ماصبرو على القفقف وعا الرصعه=ولكن صبرنا ما فادنا يالشاعر الدمدوم
تعبنا من تقلاب الزمن واهله في الخشعه=لان كلن على كيفه يشق في منجرة برهوم

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

صبرنا مثل ماصبرو على القفقف وعا الرصعه=ولكن صبرنا ما فادنا يالشاعر الدمدوم تعبنا من تقلاب الزمن واهله في الخشعه=لان كلن على كيفه يشق في منجرة برهوم

وكل ماجاك هومنك تركت اسهيل والهنعه = ولافكرت في وادي بطى ياصاحبي مرحوم

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

صبرنا مثل ماصبرو على القفقف وعا الرصعه=ولكن صبرنا ما فادنا يالشاعر الدمدوم تعبنا من تقلاب الزمن واهله في الخشعه=لان كلن على كيفه يشق في منجرة برهوم

تركنا دار بن زيمه وهبينا لبارفعه =لعل الله يتمي سرنا بين العرب مكتوم
خذونا بالليونه لكن المهيون قل شرعه=ندمنا قال سبع الليل عالوافي وعالصمصوم

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

تركنا دار بن زيمه وهبينا لبارفعه =لعل الله يتمي سرنا بين العرب مكتوم خذونا بالليونه لكن المهيون قل شرعه=ندمنا قال سبع الليل عالوافي وعالصمصوم

دخلنا الوادي المرحوم ما لحقنا ولا زرعه=ولا مشطه ولا نخله ولا حتى كرب وجزوم
شجار الخير من وادينا وقعت لها نزعه=وقعنا في خطاء ومن الخطاء ماحد خلق معصوم

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

دخلنا الوادي المرحوم ما لحقنا ولا زرعه=ولا مشطه ولا نخله ولا حتى كرب وجزوم شجار الخير من وادينا وقعت لها نزعه=وقعنا في خطاء ومن الخطاء ماحد خلق معصوم

كلامك زين لكن الجماعه تبعوا الضفعه=ومن يتبع ضفاع اليوم يبقى دائما مشؤم
حكم نحن علي صعفص وبو فوشه وبوقرعه=معاد بيجيبهم لا الميزر الاصلي ولا التبشوم

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

دخلنا الوادي المرحوم ما لحقنا ولا زرعه=ولا مشطه ولا نخله ولا حتى كرب وجزوم شجار الخير من وادينا وقعت لها نزعه=وقعنا في خطاء ومن الخطاء ماحد خلق معصوم

وحتى الصيد عدمت لاثني تلحق ولا جذعه = معد بقيت في الوادي خلاف الكسر ذي ماتقوم
وراحواكلبوهم اهلها خبه وراء اللفعه = قطر باداس في آخر زمن بجمال بافرجوم

[أحمد العمودي أبوفيصل]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

سمر ذا الليله اعجبني ذكرت الصوط والنقعه = وذكرني ليالي ماضيه ماذقت فيها النوم ليالي ريتها ترجع ولكن صعبه الرجعه = صبر ياقلبي السالي صبر عالواقع المحتوم

وانا بنشد وبتخبر ورى صوبك ابه لكعه = وكم مثلك في الدنيا مسى ياصاحبي محروم