اول كتاباتى في القصص الطويلة (احلام وردية)

[الشبامية]

السلام عليكم

هذة اول كتاباتي للقصص الطويلة وعدت صديقة لي اذارجعت السقيفة انزلها وهاهي اليوم

منورة السقيفة ووعد الحر دين علية

وفي انتظار ارائكم وقد كتبتها بالعامية

عائلة بوصالح

بوصالح مدير شركة معروفة بالمنطقة وولدة صالح نائب المدير

ام صالح حرمة طيبة حالها حال بيتها وعيالها

نادية الكبيرة بين اخواتها البنات وتخرجت من الثانوي وقعدت بالبيت

رحمة تدرس في ثانى ثانوى جميلة جدا ومغرورة بس طيبة

هبة اخر العنقود وتدرس بالمتوسط شاطرة وذكية حيل

(عائلة بومحمد)

بومحمد اخو ام صالح وهم كانوا مغتربين باْمريكا لفترة طويلة

زوجتة ام محمد عصبية حيل ومنظمة وتحب الزيارات كثير

محمد ابنهم الكبير عمرة 26 يكمل ماجستير في لندن

وسارة بنتهم الصغيرة وعمرها 19 سنة دلوعة ومتمردة على بيئتها الخليجية المحافظة


(عائلة بو جاسم)

بوجاسم اخوبوصالح مشارك اخوة بالحلال وبينهم علاقة وثيقة

ام جاسم مراة ملتزمة ومن سجادتها الى ختمتها ماتحب القيل والقال

جاسم مهندس معمارى خلص 27 بس انسان واعى ومايحب اللف والدوران

شروق اختة عمرها 20 سنة وتدرس اول سنة بالجامعة ومالكة وزواجها قريب

رغد عمرها 19 سنة طايشة ومتكبرة ومتهورة




هذولا هم ابطال القصة واليكم البارت الاول وان شاءالله يعجبكم وانا اول مرة اكتب قصة فاتمنى ان تنال اعجابكم


**في بيت بوصالح **

هبة تصرخ يمة يمة تعالى لحقي شوفي بنتك تبي تذبحني يمة

ام صالح وش فيك يابنيتي خرعتينى منو يبي يذبحك

رحمة اوووه يمة انتي ماتعرفين بنتك كل شئ عندها ذبح

ام صالح اكيد انتى مسويتلها شئ اعرفش زين

رحمة والله حرام عليكم كل شئ موزين تقطونة فوقي كل ذا يوم انى طيبة ومسكينة

هبة: بل بل بل انتى مسكينة هههههه انتى حتى اسمك مايليق لك لانك ماتعرفين شئ اسمة رحمة

ام صالح: والله هذاالي ينقصنى بعد تتشاتمون قدامي ولاعملتوا لي اعتبار ذلفوا غرفكم حسبي الله عليكم بنات اخر زمن

نادية: خير يمة وش فيهن هالمخابيل يمة تكفين لاتضايقين نفسك خلاص حنا تعودنا على مناقرتهم لبعض

ام صالح: اية يمة نادية بس انتوا خوات لازم يكون قلوبكم على بعض الله بعونة يجمع قلوبكم ويحفظكم من كل مكروة

نادية : امين يارب


في بيت ابومحمد

سارة :هاي محمد والله واحشنى مرة متى بترجع المملكة

ام محمد: من تكلمين سويرة

سارة: هذا محمد ماما

ام محمد: جيبي التليفون الو يمة محمد اشلونك يابعدعمرى عساك طيب

سارة: هههههه طيب عطية فرصة ينطق

ام محمد: متى بترجع يمة تراك وحشتنا متى نهاية الاسبوع باتجي ربنا يجيبك بالسلامة والله الدنيا ماهي سايعتني من الفرحة في حفظ الله ياوليدي

سارة: اوف صحيح محمد واحشنى بس حرام ينزل من لندن ويجي هالسجن وع

ام محمد: حرمت عليش عيشتك ان شاءالله هذة بلادنا هي الي باتدوم لنا ربي يحرسها من كل مؤذي

سارة: انا ماقلت شئ بس لندن روعة يمة ولانسيتي لما كنا عايشين فيها انا عن نفسي مابتزوج غير اجنبي

ام محمد: سويرة قومى من وجهي لاعطيك كف يوصلك للندن قومي خليني اكلم عمتك اقولها بوصول محمد


** في بيت ابوجاسم**

جاسم يمة انا نازل تامرين بشئ

ام جاسم مايامر عليك عدو تروح وتجي بالسلامة ولاتنسى يمة ذكر الله في الطريج

جاسم لاتوصين حريص يالله في امان الله

ولما فتح الباب اصطدم ببنت عمة نادية جات تسلم على زوجة عمها

نادية : اشلونك جاسم عساك طيب

جاسم: هلا فيش السموحة انا مستعجل

نادية تقول بنفسها هذالين متى بيظل مستعجل اووووة صج يوم يقولون الحب اعمى


السلام عليكم خالتى ام جاسم


ام جاسم: هلا وغلا ببنيتي اشرقت وانورت يالغالية حياش تفضلي ياهلا ومرحبا


ام صالح: ربنا يجيبة بالسلامة في امان الله ام محمد

هبة: منهو هذالي ربنا يجيبة بالسلامة

ام صالح : هذا محمد ولد خالش جاي نهاية الاسبوع

هبة : ياحليلش يارحمة

ام صالح : وش دخل رحمة في الموضوع

هبة لايمة لاتاخذين على كلامي كنت اخطرف هههههههههه

ام صالح: الحمد للة والشكر اصحاب العقول بنعمة هههههههههه

هبة : رحومة رحومة رحمة وينك لحقي عند لكي خبر بمليون ريااااااال رحوووووووومة

رحمة: خير هبو وش فيك انهبلتي انتى

هبة : خلاص بطلت ماراح اقولك بالخبر

رحمة : يالله قولي ترانى موفاضيتلك

هبة بقول بس بشرط عطيني الشنطة الحمراء


















\

[الشبامية]

اذا لقيت تشجيع

راح انزل الجزء الثانى

وفي انتظار غاليتى دمعة حزن

[عليــــــــــان]

قصة جدا رائعه ومثيره


تعجبيني يالشبامية يوم تكونين كذا

[أحمد دريقان]

قصة حلوة بس جامدة
يرجى وضع بعض التفاصيل حتى تحلو
مثل (دخل جاسم على امه وهي تصلي فانتظر بكل احترام حتى انتهت من صلاتها...
أو(دخلت هبة راكضة إلى أمها والخوف يظهر منعيناها ....أرعبت أمها المسكينة الجالسة عند الزاويه القديمة في غرفتها الدافئة الصغيرة.....)
يعني هيك شي
وخذي الحكمة من..........
هههههههههه

[باغوزه]

كملى يالشبامية ومايصير كذا تقطعين الحلقة والا الكهرباء انطفت
كملى حتى على الماكينة بالديزل المهم ثانى مره لاتقطعى الحوار
قصة تبدو من بدايتها رائعة ولن تخلوا عن المفاجآت والاحداث
قواك الله وسلمتى يااختى الشبامية

[فاجوان عباس]

بصراحة القصة كتير حلوة ومشوقة
ينفع يكون مسلسل
يلى ياختي جيبي الباقي حرام تخلينا معلقين
بتمنى تتقدمي اكثر واكثر ونقراء روايات في مستقبل باسمك
بصراحه وبدون مجامله القصه عجبتني كتير
منتظره الجزء الثاني

[الشبامية]

عليان ضحكتنى لية لوماكنت كذا مااعجب هههههه

وبعدين هذة هواية جديدة قلت اجربها واشوف هل انجح فيها ولا لا وهذا دوركم انكم

تعطونى رايكم بصراحة شكرا لمرورك

احمد دريقان

مشكور ياخوى على النصيحة وان شاءالله بناْخذها بعين الاعتبار ولسة انا في اول المشوار

يعنى تكون هناك اخطاء كثيرة بس نقدكم البناء هوالي يحسن اسلوب القصص الجاية

شكرالمرورك

باغوزة انت مادريت اننا بالمكلا والكهرباء طافية عندنا ؟ على قولة الدكتور بلاد طفي

لصي يعنى اذا ماكملت الجزء ومادخلت السقيفة عرفوا ان الكهرباء طافية الااذا باتتبرعوا

بماطور لاصحاب المكلا الموجودين بالسقيفة جزاكم الله خير وعلى فكرة ماهم كثير يادوب 20 نفرههههه

عموما الحمدلله ان القصة عجبتك وان شاءالله ساسرد بقية الجزء الثانى بس ابغى تعليقاتكم
عليها وايش تصوركم عن الابطال (بيني وبينك لسة ماكتبت نهايتها ومن تعليقاتكم بتكون النهاية

شكرا لمرورك الكريم

وينك يادمعة حزن؟؟؟؟؟؟؟؟؟؟؟؟؟؟؟؟؟؟؟؟؟؟؟

[الشبامية]

رحمة : نزين وخري بروح لامي تعلمني ورمت المخدة فوق هبة وهبة تقولها غصبا عنك باشيل الشنطة

يمة يمة يمة راحت الصالة ومحد راحت المطبخ

يمة وش تسوين بالمطبخ

ام صالح : انتى ماتدرين ان ماريا عندها اجازة اليوم وانا الى بطبخ الغداء

رحمة : افا ست الحبايب تطبخ ورحمة موجودة حاشى والف كلا

ام صالح: عشتوا رحمة تطبخ قولي يابنت وش تبين وخلصيني ترى وراي شغل وايد

رحمة: هبة تقول ان في خبر زين وش هو تكفين ترانى بموت من الفضول

ام صالح: بسم الله عليش كل الحكاية ان ولد خالش محمد جاي نهاية الاسبوع من لندن

رحمة: يعنى هو جاي اجازة ولاخلص دراستة

ام صالح: لاهوخلص دراستة وجاي يشتغل ويدور على بنت الحلال

رحمة لاشعوريا قعدت تنطنط بالمطبخ

ام صالح وش فيك استخفيتى

رحمة وخدودها حمر من الاحراج لاسلامتك يمة انا بس فرحت لخالتى ام محمد مسكينة زمان لها ماشافت ولدها

ام صالح ههههههههههههه ماهي على هالحركات يابنت بطنى

رحمة انحاشت من المطبخ وراحت غرفتها وفتحت الدولاب وتطالع فساتينها ومحتارة وش تلبس لما يشوفها محمد هو صحيح سافر وهي يادوبها

10 سنوات بس من كثر مايتكلمون على محمد وخلاق محمد حبتة من غير ماتعرفة تمام

-__________________________________________________ ____________


في بيت ابومحمد

ام محمد مرة فرحانة برجعت ولدها وابومحمد هم بعد مشتاق حيل لسوالف محمد

اما سارة فكانت متزهقة وطفشانة لانها شبة محبوسة في البيت ماتطلع غير للمدرسة ولبيت عمتها ام صالح

سارة: يبة تكفى ودني بيت عمتى

ابومحمد: من عيونى انا عندى كم سارونة هي وحدة وتربعت في القلب

ام محمد: هو وانا رحت فين ولاكلامك لي مزح

ابومحمد يضحك ههههههه شفتي ياسويرة امك بدات تغارههههههه



هبة هلا والله فيك ياسارة زمان محد يشوفك

سارة: شسوي من المدرسة للبيت والله زهقت

رحمة: وكيف محمد صج بايجي نهاية الاسبوع هذا

سارة: للاسف ايوى

رحمة هو ليش للاسف ماصدقنا انة بيرجع ونتعرف على ولد خالنا

سارة: موقصدى بس بالله عليش ايش يبغى من هنا لندن روعة وبناتها يجنون

هبة تغمز لرحمة وتغيظها اية صدقتي ياسويرة بنات لندن ايش حلاتهم بياض ورشاقة ماهم مثل البقر الى عندنا

رحمة بعصبية هبة وش تقصدينى بكلامك هذا

هبة وهي تلعب بشعرها سلامتك ياختى ماقصدت شئ انتى ليش احتريتي

رحمة: صج جهال والي يجلس معكم مثلكم وقامت وخلت المجلس

سارة: وش بلاها ذي

هبة : ههههههه اقولك بيني وبينك هي تموت في محمد وغارت ليش انك وصفتى بنات لندن هههههههه

سارة : باْستغراب اشلون تحب محمد وهي ماشفتة صج البنات مخفوفات هههههههههههه

سارة: اقول قومى ياهبو ترانى جبت اسطوانات لشاكيرا تعالى نسمعهم فوق في غرفتك



في بيت ابوجاسم

نادية بخاطرش عمتى انا بروح بيتنا تامرين شئ

ام جاسم مايامر عليك عدو ولاحبيب جلسي يابنيتى تغدى عندنا الحين بايجى عمك بوجاسم

شروق: اية تكفين جلسي ياندو بعد ماشبعنا منك

رغد: يمكن محنا قد المقام

نادية: افا عليش يارغودة حنا اهل ومقامنا واحد

ام جاسم : وهي تغمز لرغد ومتعصبة ماعليش منها يمة ناديه هذة محدياخذ بكلامها

رغد: ليش شفتونى انتف شعرى ولااكلم روحي وبعدين ندو هذة حبيبتى بس انا ابغى احرها هههههههه

ام جاسم عيل صبري يانادية الحين يجي جاسم ويوصلك للبيت مايصير تروحين بالظهر لحالك

شروق: اية يمة وانا ابغى اروح معاها سمعت ان سارة بنت خالها عندهم تكفين يمة

رغد: وع سارة عندهم اصلا هذة البنت دلوعة وبايخة مااطيقة مرة

ااااااااااية قبل لاتعطينى محاضرة ياست ندو هذة انا ماعرف اجامل ولا انمق


نادية : ههههههه حسبي الله عليش الله يعين زوج المستقبل ويصبرة

الكل ههههههههههههههههه

*في بيت ابوصالح*

ندو حبيبتى

خير وش في يارحمة قولي بسرعة

رحمة: نادية تكفين عطيني التنورة السكرى حقتك بلبسها اليوم

نادية: اخ منك لما تبغين شئ تتمسكنين

هبة : اية والله ياندو اليوم رحمة متغيرة كلش صايرة رومانسية اصلا حبيب القلب جاي هههههههه

رحمة: صج ماتستحين الحق على انا الي جالسة معاكم

نادية: مهما كان ياهبة هذة اختك الكبيرة ولازم تحترمين مشاعرها

هبة: لاوالله الحين كلكم باتقومون على ماصرت كلمة قلناها وبعدين هذة عوايدها لما تزتنق تنحاش

صالح : يمة يمة انا رجعت من الرياض وش فيهم محد في البيت ياندو رحومة هبوووووووووو


هبة: اخوى جاء ونزلت تركض بالدرج صالح هلا وغلا بصلوحي متى جيت

صالح: اشوة ان في حد بالبيت وينكم لى ساعة وانا قاعد اناديكم خير ان شاءالله

هبة: خير البيت يتزهب وبيروح يستقبل ولد خالتك محمد اليوم جاي من لندن

صالح: محمد جاي طيب وين امى وابوي

هبة امي راحت تساعد خالتى ام محمد وابوي فين بيكون مثل عادتة في الشركة

صالح طيب امسكي شيلي الاغراض هذة الى فوق وتجهزوا علشان نروح مع بعض انا داخل اخذ حمام واتلبس

في هذة اللحظات رحمة لبست احلى شئ عندها وحطت مكياج خفيف ولابسة الكعب العالي وشكلها كان مرة يجنن

في بيت بومحمد*
محمد: كيفك يمة وانت يبة والله لكم وحشة بشكل ماينوصف

سارة: احم احم نحن هنا دكتور محمد ولاخلاص صرنا موقد المقام

ام صالح: ههههه افا الا انتى الخير والبركة سويرة ومحمد كلنا اشتقنالة حيل

محمد: حتى انا ياعمتى الافين صالح وعمى بوصالح والبنات

ام صالح:ياوليدى صالح اليوم جاي من الرياض وعمك بوصالح في هالشركة ليل ونهار والبنات الحين يجون

سارة: الباب يدق اكيد هم جاو شفتوا جبنا سيرة القط جاء ينط هههههههه

هبة: منهو ذاالي جاء ينط قاعدة تحشين فينا ها

ام صالح: طيب سلمى على الاقل وبعدين ترافعي هههههه

قام صالح ومحمد بالاحضان محمد الله ياصالح ماتتوقع قد ايش اشتقتلك صالح حتى انت بعد يالغالي

نادية :هلا فيك يامحمد نورت المملكة انا نادية

رحمة وهي مرتبكة هلا يامحمد نورت

هبة : اخيرا شفناك من كثر مارحمة ااة قصدى امى تذكرك تشوقنا نشوفك

محمد ماشاءالله كبرتم يابنات والمملكة منورة باصحابها

ام صالح تغمز لبناتها يروحون مجلس الحريم وراحوالبنات واول ماشالت رحمة الطرحة عن وجهها صاحت سارة

وش هالزين يارحومة وش هالحلاة طبعا سارة كانت قاصدة ترفع صوتها علشان محمد يسمعها

رحمة : اخجلتى تواضعنا ههههههه

نادية : ااااوووووة ذحين بتاخذ مقلب في حالها

رحمة بكل غرور وليش لا انا موزي بعض الناس المعنسين

نادية خنقتها العبرة وودها تصيح بس مسكت نفسها علشان ماتخرب القعدة

بس الكل لاحظ هالشئ وسرت لحظة سكون وصمت كسرتة هبة وهي تقول لمحمد ها يامحمد وش جبتلنا من هدايا

ام صالح صج ماتستحين ياهبة الرجال توة جاء وانتي تسالين عن الهدايا

ام محمد وهي تضحك وش فيها يام صالح محمد مثل اخوها طلعي ياهبوانتى وسارة غرفة محمد وفتحواالشنط

سارة: تعيش ماما يالله ياهبة قبل لاتغير رايها وطلعوا يجروا في الدرج

بينما نادية كانت في عالم ثاني تفكر بكلام اختها صحيح هي صارت عانس بدون ماتدري ولايمكن لانها ماكملت دراستها

الكل يحس انها ضعيفة الشخصية

رحمة : انا اسفة ياندو ماكنت اقصد

نادية بنبرة غضب حصل خير


ثاني يوم في بيت ابوصالح

يام صالح مرحبا يابوصالح خيرتبي شئ
بوصالح: خير امس جاء واحد خطب نادية هاوش قلتى ترى الرجال ماعلية كلام ابن ناس واصل وفصل ومدير شركة صغيرونة عندنا بالمنطقة

ام صالح: والله هذة الساعة المباركة اهم شئ شورك انت يابوصالح

ابوصالح : خلاص انا وافقت بلغي نادية ان الخطبة باتكون يوم الجمعة يالله عن اذنش

اقوم اصلي الضحى

[الشبامية]

فاجوان عندى هلا ومرحبا

هذا من ذوقك يالغالية شفتى كيف يعنى بدل الجنان جلسنا ناْلف ههههه

في انتظار راْيك لانة يهمنى

يسلمو يالغلا

[الشبامية]

وش رايكم بتوافق نادية على الخطبة؟؟؟

ومحمد ياترى بيلاقي بنت الحلال الي يدورها وينتبهة من بنت عمتة؟؟؟

وايش الحدث الي راح يخرب على العايلة سعادتها؟؟؟؟؟
كل هذا شوفوة في البارت المقبل