الرئيس يخاطب شعبه الحبيب

[صمت عاشق]

يا شعبي حبيبي ياروحي يابيبي ياحاطك في جيبي ياأبن الحلال
ياشعبي ياشاطرياجابرخواطر ياساكن مقابر وصابر وعال
ياواكل سمومك يا بايع هدومك ياحامل همومك وشايل جبال
يا شعبي اللي نايم وسارح وهايم وفي الفقرعايم وحاله داحال
أحبك محشش مفرفش مطنش ودايخ ومدروخ واخر انسطال
أحبك مكبر دماغك مخدرممشي أمورك كده باتكال
واحب اللي ينصب واحب اللي يكذب واحب الي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم احب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد وتهاجر وتبعت فلوسك دولار او ريال
واحبك تطبل وتهلل وتهبل عشان ماتش كورة وفليم ومقال
واحبك تأيد تعضد تمجد توافق تنافق وتلحس نعال
تحضر نشادلا وتجمع كوادر وتلمع تقمع تظبط مجال
لكن او تفكر وتخطط وتقرر تشغللي مخك وتفتح جدال
وتبدا تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفردرجال
ساعتها هاجييبك..لايمكن أسيبك وارح تبقى عبرةوتصبح مثال
هابهدك جنانك واذل اللي جابك وهيكون عذابك دا فوق الاحتمال
وامرمط سعادتك واهزأسيادتك واخللي كرامتك في حالة هزال
وتلبس قضية وتصبح رزية وباقي حياتك وتعيش في انعزال
هتقبل هاجك ...هترفض هبلك هتطلع هتنزل هاجيبللك جماااال