هل هو خطأ قد عم ولا قصد لي //////ابو صقر//////

[ابو صقر..]

عودة بعد توقيف لا ادري مااسبابه؟؟؟

ياهاجسي خل القوافي تعتبي=يوم الهروج اتفندت مانته غشيم
تشبي مكايين العسر ماتختفي=لا قد قبلك حد مطالب او خصيم
كم من جبل تقفزه رص ماتحتجي=بالفعل تبدي والشواهد دال ميم
ناد الحليل الخمس مابالكتفي=لما لجيب القول في وسط الصميم
خل الجماعه عالمهاري تشتفي=في اليوم هذا قبل مايحل الضميم
اسعيد يفصل والشبامي يعتزي=ويقول يابو صقر كل شي في السليم
هذا خطأ فني علامك تشتكي=ريض ورض لاتلقي الطارف غريم
(هل هو خطأ قد عم ولا قصد لي)=ماسمعت جاء للذيب ولا باقديم
ولا بن احمد قد حصل والواقعي=توقيف فني او فهمها يافهيم!!
لا كنني بو صقر عارف وتكي=حيث الجلَز والغلظ من سابق قديم
معروف عند الحالكي والخامعي=وان سرت لي سمعه بسيطان الهميم
اصلي يشرفني ولا انا مهتبي=في ملك غيري وادعي باني قسيم
حتى خصومي في القبل كم معتدي=جملتهم واللقيت لي هابه وقيم
اما بيوت الشعر عندي تنحني =لا ني مهلهلها الابي المستديم
ومروض القيفان قولي يرتقي=فوق الثريا والقمر هو و الاديم
واسط العضيده بارتجالي ابتدي=وانهم وصوتي مثل ماصوت الهزيم
اما سلوم المرجله لو تنتهي=تبداء هنا عندي وانا اجدر زعيم
يحمل لواها في الزمان الملتوي=وافخر وراسي فوق لاني من تميم
يعجبني الرجال لا قد قال شي=نفذه لو حتى يقع عظمه رميم
هذا احترامه غصب لجله تعتني=وتجيه من صرفيت لا الغناء تريم
واختم قوالي بالنبي الهاشمي=جد الحسن هدي السراط المستقيم
صلاه له تغشاه عد مايحتصي=واله وصحبه دي على النهج القويم

[الواقعي]

عودة الغانم يابو صقر
كلام شنطبه يفخر به القاف وتطرب له الاذن
وثق انك وأن غبت فمقعدك شاغر في عقولنا قبل قلوبنا
فمن ذا الذي يستطيع ملء فراغ غيابك

[عيبون]

حي الله الشاعر ابو صقر شاعر كبير وشهادتي فيك مجروحه

كلام وقر في حيد يابوصقر اعجبت كثير بفخرك في قبيلتك ونعم

فيك وفي قبيلتك بني تميم عسالك القوه تحياتي لك اخوك صالح بن هلابي

[خالد بن مهنا]

حيا الله ابو صقر..وش يحجي السيل الهميم..

كلام جميل جدأ..واعجبني وفااك لأصدقاؤك من شعراء السقيفه..وكفوء والله شرفتهم بذكر اسماءهم في هذه العصماء ولنا الشرف لأنهم اصدقاء اعزاء لنا..

بارك الله في ايامك واهلأ وسهلأ بك..

اخوك:خالد بن مهنا

[عمر الذيب]

اهلا وسهلا بعودة اخينا ابو صقر
عودا حميدا ايها الشاعر الرائع يعلم الله كم فرحنا بعودتك
اما القصيده فما تحتاج كلام يكفي ان قائلها هو بوصقر
كل التحيه والاحترام من اخيك
عمر الذيب

[بن احمد]

اما سلـوم المرجلـه لـو تنتهـي=تبداء هنا عندي وانا اجـدر زعيـم
يحمل لواها في الزمـان الملتـوي=وافخر وراسي فوق لاني من تميـم

كفو والله والسبعه انعام
جزله من راس جزل وماعليها كلام
مليانه شعر وعلوم رجال
اهلا بعودتك في بيتك ومحلك
والخطاء طال عمرك وارد
ون غابو الاجواد ماغابو عن اقفاص الصدور
فانت وان كنت غائب الا انك موجود في قلوبنا
وتقبل تحيات اخوك سالم باوزير

[علي فدعق الهاشمي]

الشاعر العزيز / ابو صقر لله درك والله لايهينك نص راائع صدر عن تجربه شعرية وهو إيقاف معروفك او ضياع الرقم السري هذا مايحدث كثير بالنسبة لي الاسبوعين الماضيه تظهر سقيفة الشبامي محجوبه عندما اقوم بالتسجيل ولكن عاده المياه الى مجاريها . على فكره :كل اسبوع بانبلغ بو صالح يغلق عليك السقيفة لكي نستمتع بقصيده رااائعة كهذه هههههه لك التحية

[ديناميت الجنوب]

لله درك يا عم ابو صقر قصيده عصما مايقولها الا شاعر من شاعر
وانا نزلت موضوع حول غيابك بصراحه افتقدناك ولاكن
مستغرب من جميع الي ردو عليك واشادو في القصيده
لماذا لم يشاركو في الموضوع حول غيابك او الشغله
مجامله في الوجه صبرا جميل والله المستعان

[مساعد المري]

لله درك يابو صقر كلام مليان لا ياتي الا من بوصقر ونعم والله

[:الميزان:]

ههههههههههههههههههههه هههههههههههههههههههه هههههههههههههههههههههههههه

جد الحسن هدي السراط المستقيـم ؟؟؟؟؟

وان سرت لي سمعه بسيطان الهميم؟؟؟
مافيه منطقه بهذا الأسم (شروج ال هميم)

واسط العضيده بارتجالـي ابتـدي(هذا البيت مكسور)

في اليوم هذا قبل مايحـل الضميـم(لغه جديده) قال الضميم

جملتهم واللقيت لـي هابـه وقيـم (هذا البيت مكسور ومرعبل)

تبداء هنا عندي وانا اجـدر زعيـم(ماحد يمدح نفسه) هههههههه

يعجبني الرجال لا قـد قـال شـي =نفذه لو حتى يقـع عظمـه رميـم(من ذي توسط لك يستاهل الشكر هذا صدقت فيه)