طالب يطالبني ولاعندي لطالب شي طلب

[يسلم صالح بن عكعوك]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين


جديدي مرسل الى الشاعر الكبير : طالب بن حسن باتيس النعماني

طالب يطالبني ولاعندي لطالب شي طلب = ماشي لطالب عند بن عكعوك ستعشر قتيل
قدني محافظ عالمجوره والمخوّه والنسب = وان حد تجرا قال فيني عيب هذا مستحيل
من عهد مانا تحت دقم الخزع منفوح الركب = وتحت ظل الحصن في مبنى على الشرع الطويل
جدي عمر شيّده وألقى ساس له مصبوب صب = وألقى ثنعشر قرش يومي للمعلم والقبيل
واليوم بو راضي يطالبني ودفْخوه العيَْب = رسموله الباطل يداعيني ولاعنده دليل
وأنا بري من مدّعاني يارجاجيل السلب = ماشي خطا مني بدر يهل المروّه والجميل
خطاي لأني قول كلمة حق فوساط العرب = وبعضهم يزعل من الواقع ويلْقيني عميل
ياولد بن بالخير راجع مابدر منك ودب = وانا صديقك لوّلي وأبوك ياطالب زميل
لاتستمع في من رطن لك بالغلط يبغى العتب = يبغاك تعتبني وهو خادع ومن فوقه مكيل
وانته ذكي شاعر وعارف للثقافه والادب = واهلك رجاجيل النقى والاصل يبقالك اصيل
وبعد ذا شف باشداده منضجع وسط المزب = اسنين مرت ماكبر ولا تنوا للرحيل
يشرب حليب الباشداده قده يرقب من حلب = لاحلبو الناقه ضهر صوته ورفس بالرجيل
ولعاد خلا للخيب حاجه لهف قوت الخيب = وابوه لاتكلم تجي كمه عجوز الباصويل
قالت سكت ماتفهم ان ذا زقر صابر عالتعب = وانته تبرع فوق راسه بالشتايم والضويل
ذلا من العقل الموقر ماكبر خل الغضب = راجع ضميرك ذا ولدنا لا تقول انه دخيل
من يوم جا حلّت بنا البركه وودعنا التعب = والبيت نوّر واغتنمنا الفضل من عند الفضيل
مضهره سكني له شهر واعوام رابض مصطلب = مسوا سنونه يطحنن عالقوت كثره والقليل
ولعاد له عندي محل شليه ياغبر الذنب = قدني بري منه ورب العرش من فوقي وكيل
متحسف الا يوم ربيته وسبب لي سبب = وانتي تحبينه تقيتينه مربى زنجبيل
انتي وهو ودي لكم في كيل في جوف اللهب = قلبي قنع من شوفكم ودي لكم في واد ويل
لاكنه اتبرع وكفلته العجوزه ام قتب = قالت فرض رايك عليهم بين غورب والسفيل
حتى غلب والدك بخليه يرضا لا غلب = بتكي على راسه وبايرجع لنا راكع ذليل

يسلم صالح بن عكعوك بن غانم

18 \ 8 \ 2011م

[الخليفي الهلالي]

اقتباس :

طـالــب يطالـبـنـي ولاعـنــدي لـطـالـب شـــي طــلــب=ماشـي لطـالـب عـنـد بــن عكـعـوك ستعـشـر قتـيـل قــدنــي مـحـافــظ عـالـمـجـوره والـمـخــوّه والـنــســب=وان حــد تـجـرا قــال فيـنـي عـيــب هـــذا مستـحـيـل

في هذه أنت خالفت أهلك ذي مايردون الطالب لوطلب ولو حتى ماشي له طلب يفتحون له الباب ويقولون له حيًا وسهلا ويحتكمون له؛يايسلم

اقتباس :

وبـعـد ذا شــف بـاشـداده منضـجـع وســط الـمــزب=اســنــيـــن مـــــــرت مــاكــبـــر ولا تـــنــــوا لــلــرحــيــل يـشـرب حلـيـب البـاشـداده قــده يـرقـب مــن حـلـب=لاحلـبـو النـاقـه ضـهـر صـوتــه ورفـــس بالـرجـيـل

كلام .. وياريت من يراجع حسابه ..!!

القصيده زينه وأما الهدف منها أنا أعتبره هجوم معاكس كرد فعل نفسي..ولكن الأيام حبلى بالمتغيرات؛ يانسيب؛؛؛؛؛

[جمعان بانافع]

اقتباس : المشاركة الأصلية كتبت بواسطة يسلم صالح بن عكعوك [ مشاهدة المشاركة ]

بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين جديدي مرسل الى الشاعر الكبير : طالب بن حسن باتيس النعماني طالب يطالبني ولاعندي لطالب شي طلب = ماشي لطالب عند بن عكعوك ستعشر قتيل قدني محافظ عالمجوره والمخوّه والنسب = وان حد تجرا قال فيني عيب هذا مستحيل من عهد مانا تحت دقم الخزع منفوح الركب = وتحت ظل الحصن في مبنى على الشرع الطويل جدي عمر شيّده وألقى ساس له مصبوب صب = وألقى ثنعشر قرش يومي للمعلم والقبيل واليوم بو راضي يطالبني ودفْخوه العيَْب = رسموله الباطل يداعيني ولاعنده دليل وأنا بري من مدّعاني يارجاجيل السلب = ماشي خطا مني بدر يهل المروّه والجميل خطاي لأني قول كلمة حق فوساط العرب = وبعضهم يزعل من الواقع ويلْقيني عميل ياولد بن بالخير راجع مابدر منك ودب = وانا صديقك لوّلي وأبوك ياطالب زميل لاتستمع في من رطن لك بالغلط يبغى العتب = يبغاك تعتبني وهو خادع ومن فوقه مكيل وانته ذكي شاعر وعارف للثقافه والادب = واهلك رجاجيل النقى والاصل يبقالك اصيل وبعد ذا شف باشداده منضجع وسط المزب = اسنين مرت ماكبر ولا تنوا للرحيل يشرب حليب الباشداده قده يرقب من حلب = لاحلبو الناقه ضهر صوته ورفس بالرجيل ولعاد خلا للخيب حاجه لهف قوت الخيب = وابوه لاتكلم تجي كمه عجوز الباصويل قالت سكت ماتفهم ان ذا زقر صابر عالتعب = وانته تبرع فوق راسه بالشتايم والضويل ذلا من العقل الموقر ماكبر خل الغضب = راجع ضميرك ذا ولدنا لا تقول انه دخيل من يوم جا حلّت بنا البركه وودعنا التعب = والبيت نوّر واغتنمنا الفضل من عند الفضيل مضهره سكني له شهر واعوام رابض مصطلب = مسوا سنونه يطحنن عالقوت كثره والقليل ولعاد له عندي محل شليه ياغبر الذنب = قدني بري منه ورب العرش من فوقي وكيل متحسف الا يوم ربيته وسبب لي سبب = وانتي تحبينه تقيتينه مربى زنجبيل انتي وهو ودي لكم في كيل في جوف اللهب = قلبي قنع من شوفكم ودي لكم في واد ويل لاكنه اتبرع وكفلته العجوزه ام قتب = قالت فرض رايك عليهم بين غورب والسفيل حتى غلب والدك بخليه يرضا لا غلب = بتكي على راسه وبايرجع لنا راكع ذليل يسلم صالح بن عكعوك بن غانم 18 \ 8 \ 2011م

صح لسانك قصيده جزله تطرقت الي موضوع مهم ومايدور في الساحه اليمينه ومجاملات الجوار صح لسانك تقبل مروري وناضرين الرد من الشاعر القديرابو راضي

[الفارس الملثم]

يـشـرب حلـيـب البـاشـداده قــده يـرقـب مــن حـلــب =لاحلـبـو النـاقـه ضـهــر صـوتــه ورفـــس بالـرجـيـل
صيب ويل ذي مايخلي شي لاخوانه 0وعاده عامد عند حجرة الناقه لاسمع الشخب صاح ورفس برجله
مضهره سكني لـه شهـر واعـوام رابـض مصطلـب=مـسـوا سـنـونـه يطـحـنـن عـالـقـوت كـثــره والقـلـيـل
حتىى الرابض مصطلب؟؟؟؟؟؟؟؟؟
لاكـــنـــه اتـــبـــرع وكـفــلــتــه الــعــجـــوزه ام قـــتــــب=قالـت فـرض رايـك عليـهـم بـيـن غــورب والسفـيـل
مدلعته العجوز ام قتب
مطلوب الرد لنعرف المفيد من طالب
ملحوضه بعض الغلطات الاملائه ارجوا التدقيق فيها وتعديلها

[**الهاشمي**]

صح لسانك

[الخانق]

لله درك ايه الشاعر المغوار كلام لايقوله الا من تجرع الشعر منذو الصغر جات ملاء قصبت العيلمانوخلت النصع
ملح وين الشاعر الكبير بن احمد من التثبيت
ولكن ثابته بدون تثبيت

[طالب النعماني]

قصيده راااااااااااااااااااائعه وفي غاية الروعه والجمال
بارك الله فيك شاعرنا الكبير بن عكعوك
واعذرني لم اطلع على هذه القصيده الا اليوم ولم اعلم بها وقد اخبرني بها الاخ خالد بن مهنا البارح عبر الهاتف لني خلال شهر رمضان كان دخولي للسقسفه محدود جدا
انتظر الجواب ان شالله

[ابوثامر بن حيدره]

تسلم يابوصالح وصح الله لسانك
وفي انتضار بوراضي

ونشوف نهايه معذاب ولد\ الباشداده

[بن بريك]

صح لسانك ياعم يسلم
كل عام وانته بخير ومن العايدين
(بن بريك)
عبد الله بن احمد البريكي

[علي فدعق الهاشمي]

الشاعر المبجل / يسلم بن عكعوك الله الله عليك يابو صالح نص راااااااااااائع جزل يروي الذائقة الشعرية صح الله لسانك ياشاعرنا الهمام وبإنتظار بو راضـي لك التحية