مجلس الدان الحضرمي

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

وخل اشبام لهل شبام شبام العاليه شفها ضحيّه للقحاطينا ولهل الراهده والمصعبيني وِلـْـقبيلة يام تركها با الربيعه دمع له مدرار وِسْخينا وغادرها ولـَـد باذيب وهو مقهور ما يلتام

علامك قل لبوصالح سمرك اليوم رامينا =شبام العاليه ماهي كما لندن ومستردام
شبام العاليه ناموس ماتقفي وترمينا =ولكن الظروف القاسيه لي سيّرت لقدام

[بن بريك]

اقتباس : المشاركة الأصلية كتبت بواسطة الشافعي [ مشاهدة المشاركة ]

على عذب الكلام الزين لي في المنتدى جينا=وتعجبنا ترانيم الوتر واللحن والانغام وكلمة جبر لاجت من بنادم شهم تكفينا=تعبرنا ثلاث اسنين والا خمس لا قدام

الا يا مرحبا حيا بذي الاشعار والمغنا = على صوت المزمر بايصحي كل من قد نام
وانا احب الطرب واليوم انا زاير في الغنّا = وبازور المدينه عاد لي فيها من الاعمام

[خالد بن مهنا]

اقتباس : المشاركة الأصلية كتبت بواسطة الشافعي [ مشاهدة المشاركة ]

على عذب الكلام الزين لي في المنتدى جينا=وتعجبنا ترانيم الوتر واللحن والانغام وكلمة جبر لاجت من بنادم شهم تكفينا=تعبرنا ثلاث اسنين والا خمس لا قدام

كلام جميل يالشافعي,,الله يعطيك العافيه يالنشمي,..

[الشافعي]

عسانا ياصحاب الشان ع الحد ماتعدينا=وسرنا بالنضام العسكري والزام عقب الزام
ولو شفتوا بانا ع وثن باين تخطينا=عليكم معذرتنا من فعال الوقت مانلتام

[بن احمد]

اقتباس : المشاركة الأصلية كتبت بواسطة الشافعي [ مشاهدة المشاركة ]

عسانا ياصحاب الشان ع الحد ماتعدينا=وسرنا بالنضام العسكري والزام عقب الزام ولو شفتوا بانا ع وثن باين تخطينا=عليكم معذرتنا من فعال الوقت مانلتام

كلامك زين ونته زين وابياتك تورينا=وشعرك مثل لوحه راقيه ونته لها الرسام
واسلوبك وشعرك ماركه مابا تنسينا=معاني وافيه مع سيطره عالقاف وتحكام

[الشافعي]

اقتباس : المشاركة الأصلية كتبت بواسطة بن احمد [ مشاهدة المشاركة ]

كلامك زين ونته زين وابياتك تورينا=وشعرك مثل لوحه راقيه ونته لها الرسام واسلوبك وشعرك ماركه مابا تنسينا=معاني وافيه مع سيطره عالقاف وتحكام

طلب كل مابغيته يالوزير وأتمر فينا=عسانا مانخيب كل ضن في قادم الايام
ونا وياك بانجيب العسيره لا تصافينا=لاني نعرفك لا دخلت في بحر الهواء عوام

[بن احمد]

اقتباس : المشاركة الأصلية كتبت بواسطة الشافعي [ مشاهدة المشاركة ]

طلب كل مابغيته يالوزير وأتمر فينا=عسانا مانخيب كل ضن في قادم الايام ونا وياك بانجيب العسيره لا تصافينا=لاني نعرفك لا دخلت في بحر الهواء عوام

انا عالتلفزه ناطرك ف النشره توافينا=بغيناكم على الامّه تذيعون البيان الهام
ولا ظنيت عاد امر الهوى ياخوك يعنينا=محلاته انا ف القلب قد هدمتها هدام

[بن بريك]

اقتباس : المشاركة الأصلية كتبت بواسطة بن احمد [ مشاهدة المشاركة ]

انا عالتلفزه ناطرك ف النشره توافينا=بغيناكم على الامّه تذيعون البيان الهام ولا ظنيت عاد امر الهوى ياخوك يعنينا=محلاته انا ف القلب قد هدمتها هدام

وانا ماحب ذا الاخبار عالشاشه تغثينا = مناظرها فضيعه ماتجيب الا صور ايتام
ومن بغداد حتى السند والمقدس تورينا = ولا بيدي حلول اليوم حله بيد بو تمام

[خالد بن مهنا]

صحيح ان الزمن يقسى ولكن مايقسينا=ينابيع العواطف نابعه والشعر والالهام
هوانا شاعري ورسوم جم وافكار تطرينا=ورسمك قبل وصفك ولا وصفك ذي يجي قدام
مجال الرسم ماقد كان بهوايته يغرينا=ولكن بعد ماشفتك تمنيت انني رسام
ادور من زمان لدفىء حضن الفن ياوينا=واطمح واحلم بااشياء وهل تتحقق الاحلام
نعم:لو كان تركيزي على الحاضر وماضينا=نحاول نستفيد من الخطاء... وعلامة استفهام((؟))

[خالد بن مهنا]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

صحيح ان الزمن يقسى ولكن مايقسينا=ينابيع العواطف نابعه والشعر والالهام هوانا شاعري ورسوم جم وافكار تطرينا=ورسمك قبل وصفك ولا وصفك ذي يجي قدام مجال الرسم ماقد كان بهوايته يغرينا=ولكن بعد ماشفتك تمنيت انني رسام ادور من زمان لدفىء حضن الفن ياوينا=واطمح واحلم بااشياء وهل تتحقق الاحلام نعم:لو كان تركيزي على الحاضر وماضينا=نحاول نستفيد من الخطاء... وعلامة استفهام((؟))

للاطلاع..