02-20-2009, 12:33 AM | #1 | ||||||
بــــوجــــمــــعـــــان
|
مخلصين السقيفه
يامن رسلت الأنبياء والمعجزات المرسله=تهدي عبادك بالرسل وعسى بهديك يهتدون سالك تجنبنا الكوارث والفتن الزلزله=وأهل المكايد والحسد من بيننا يتزلزلون صلوا على احمد ألف من ذكره صلاه مذبله=تعداد ماقاري قراء عٌم وألم نشرح ونون والأل والاصحاب تعداد الركوب المثقله=وتعداد ماهبت نسايم عالعرب يتنسمون يقول بوجمعان بانشرع بطرح المسأله=مابين حلان السقيفه عالوفاء يتوحدون سلام لك ياصقر ياعامد بروس البنقله=ياعارف المعروف لك تاريخ تشهده العيون لك في الوفاء بصمه ولك في الجود أشياء مجمله=وفي المعزه والشرف والقدر الامه يوصفون ولك في السقيفه اسم ومواقف عظيمه مبجله=ترقى بها الأجال والقراء بها يستمتعون لأجل الشبامي كلنا نفتح بواب مقفله=ولأجل السقيفه والنبي مانرخص الغالي بدون ونائب المشرف كمن خلاء الامور مسهله=والنعم والله قل لفدعق حلانها لك يشكرون رجال متعلم ومتثقف ثقافه مذهله=طور سقيفتنا بفن زايد على كل الفنون دايم تطور نشهده ومن مرحله الى مرحله=يحفز الأعضاء ويشيعهم الما يرتقون يستاهل التقدير والتشريف وضرب الامثله=حياك في حياك في حياك ياعود الدخون والى جميع المشرفين هذا سلامي برسله=للمخلصين الأوفياء لي عالسقيفه يسهرون بقلامهم وعقوله تكشف حوار الخلخله=وباللين والحكمه لتصحيح الخطاء يتعاونون وهذه تحيه خاصه مني لراعي لوله=مني لبوراضي صليب الراس يالي تسمعون وللزوامل والسمر والدان خطه مكمله=كلين يكمل بعض لي يسمر وليهم يزملون ولكافة الشعار بانشهد لهم بالمرجله=أهل القلوب الساليه في كل سمر يتكاتفون أقوال مزيونه وموزونه وقوافي معدله=ووصوف متقونه ومحكومه لحمران العيون وحلانها الاخيار وضيوف الشرف متامله=بجهودهم وافكارهم كل البشر يتنورون يالله عسى الاحوال تسبر هكذا متسلسله=عاقلب واحد كلنا ماحد على الثاني يهون هذه السقيفه بيتنا والبيت ماحد يهمله=البيت بيت التربيه والعز والحضن الحنون اما الذي هو بالعمد يبغاء يولد مشكله=قل له كفى ياصاحبي الناس منك يشتكون مالك محل مابيننا روح وخل البهذله=شفلك محل ثاني وجنبنا المشاكل والظنون خل العرب تهدى وتتضلل بشجره مضلله=الله يكفانا شرورك ويفكنا منك سكون واجب علينا ننتبه لاهل الفتن والمهزله=ولا نخلي الحبل سايب للذي يتمهزلون تشاوروا وتناقدوا باللطف مش بالقبوله=القبوله اخلاقه وطيبة نفس لوباتعرفون اما العيافه والقواره طبع ماحد يقبله=والا يودي غير للرذله وتلطيخ الدقون ياما وياما ناس هوايتها النكد والمحيله=والغش والتخريب وفي كل الامور يعاكسون الله يهديهم ويهدينا بكل مانفعله=ونحسن النيه وكل ماقدره ربك يكون والختم صلوا عالنبي مولاء الرداء والسلسله=تعداد من سبح وهلل والذي هم يسجدون |
||||||
التعديل الأخير تم بواسطة خالد بن مهنا ; 02-20-2009 الساعة 10:02 PM |
|||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
المكرم غير مسجل ضع بصمتك الآن في التغييرات الجديده لسقيفتنا العامره !! | الشبامي | الســقيفه العـامه | 344 | 01-26-2011 09:05 PM |
الى كل حلان السقيفه | نديم | الســقيفه العـامه | 12 | 10-24-2009 04:42 AM |
أبو صالح عاد بالسلامه : كبير السقيفه وربان السفينه سالمآ | نديم | الســقيفه العـامه | 0 | 08-10-2009 12:30 PM |
كثر البعد حلان السقيفه | متيم | سقيفة الشكاوي والأقتراحات | 0 | 06-28-2009 06:05 PM |
اقتراح مجلس دااان في السقيفه | سالم عاشور حسنون | سقيفة عذب القوافي | 0 | 06-25-2009 10:32 PM |
|